Biblia Todo Logo
Bìoball air-loidhne

- Sanasan -




याकुब् 5:16 - ल्होमी

16 हुगो झ्‍यीनी खीत्‍रङ् नङ्‌दु रङ् रङ् ॱसोस्‍सो़ दीक्‍प च्‍यीक्‍तङ् च्‍यीक्‍ल तो़न्‍न ॱस्‍यो़त्‍ल हुनी छ्‌य झ्‍यीन च्‍यीक्‍तङ् च्‍यीक्‍की ढीक्‍ल ॱसुव तोप्। हुनी खीत्‍रङ् ढक्‍केन् बेत्। को़न्‍ज्‍योक्‍की मी ढङ्‌बी़ ॱसुव तबल धो़न् छ्‌यीम्‍मी़ ले डुप्‍केन् बेत्।

Faic an caibideil Dèan lethbhreac




याकुब् 5:16
68 Iomraidhean Croise  

ॱनी खीत्‍रङ्‌गी गन्‍दीक्‍म छ्‌य स्‍यक्‍न ॱसुव तप्‍न ॱनी, हुनी घङ् स्‍यी़ब दी थोप्‍केन् बेत् झ्‍यीब बेत्।


हुब घयेक्‍की रोरङ्‌सो़ दीक्‍पे ढीक्‍ल को़न्‍ज्‍योक्‍ल ॱस्‍युस्‍स्‍या पुन युङ्‌नी, हुनी युहन्‍नागी हुब घयेत् चङ्‌बु यर्दन्‍ल बप्‍तीस्‍ल ॱलुक्‍प बेत्।


हुनी हुदु युहन्‍ना च्‍येल्‍ल यहुदीया लुङ्‌बनी धङ् यरुशलेम्‍नी मी गज्‍येन् युङ बेत्। हुब घयेक्‍की रोरङ्‌सो़ दीक्‍पे ढीक्‍ल को़न्‍ज्‍योक्‍ल ॱस्‍युस्‍स्‍या पुन युङ्‌नी, हुनी युहन्‍नागी हुब घयेत् चङ्‌बु यर्दन्‍ल बप्‍तीस्‍ल ॱलुक्‍प बेत्।


हुनी हुब युगङ् घयेत्‍ल फीन्‍न केच्‍च्‍य ॱनेम्‍बु ॱस्‍यो़क्‍कील्‍ल धङ् नेप्‍प घयेत् ढक्‍तु ची़क्‍कील्‍ल गीर बेत्।


दीक्‍च्‍येङ्‌गी केच्‍च्‍यल को़न्‍ज्‍योक्‍की ॱमीत् ॱसेङ्‌गेन् बेत्। ॱनी को़न्‍ज्‍योक्‍ल ॱसीम्‍बे यीक्‍नी ॱसम्‍गेन् खोङ्‌गी थुल यो़प्‍पे ले झ्‍यीक्‍केन् दीगी केच्‍च्‍यलरङ् खोङ्‌गी ॱसेङ्‌गेन् बेत् सीर हज्‍यरङ्‌ल ॱस्‍यो़च्‍च्‍ये यो़क्‍केन् बेत्।


नासरत्‍की येशु हुगो को़न्‍ज्‍योक्‍की धम्‍बे थु धङ् ॱस्‍यीक् ॱनङ्‌न को़न तङ बेत्। ॱनी खोङ्‌गी दगुल को़न्‍ज्‍योक् झ्‍यीनी, खोङ्‌गी म दीरङ् गये ले गज्‍येन् झ्‍यीन दी़क्‍की चो हुगी ॱवङ्‌यो़त्‍ल ॱस्‍योर्नर घयेत् ढक्‍तु ची़त्‍न घल अक् गीर बेत्। हीगो ओक् कुरीक् खीत्‍रङ्‌ल ॱस्‍यो़च्‍च्‍ये यो़ट्‌टो।


हीनी हुगी यङ्‌ल छ्‌य स्‍योक्‍केङ्‌गी मी गज्‍येन् युङ्‌न रोरङ्‌सो़ एल्‍ला ले अयेक्‍प झ्‍यीब घयेत् दी तो़न्‍न ङीब झ्‍यीबेन् सीन्‍न ॱस्‍येप्‍प बेत्।


ॱनी शीमोन्‍गी लेम्‍बुल खीत्‍रङ्‌गी झ्‍यीबे केच्‍च्‍य घयेत् हीगो ङल फोक्‍च्‍ये मीप्‍पल ङे ढीक्‍ल चोव ज्‍यीन्‍दक्‍ल ॱसुव तोप्‍रो झ्‍यी सीन्‍न स्‍युव ज्‍यब बेत्।


हीगी ढीक्‍ल ॱसुङ्‌रप्‍ल थो़ङ्‌गेन् बेत्। ॱनम्‍बर् धक्‍प च्‍येम्‍मे मी च्‍यीक्‍तङ् मीप्‍प बेत्।


मी च्‍यीक्‍की कल ॱमत् चीये लम्‍नी मी कुरीक् दीक्‍च्‍येल्‍ल झ्‍युङ बेत्। ॱनी हुगो डस्‍सी मी च्‍यीक्‍की कल चीन युङे लम्‍नी यङ् मी गज्‍येन् ॱनम्‍बर् धक्‍प थो़न् छुगेल्‍ल झ्‍युङ बेत्।


ॱनी हुगी केच्‍च्‍य हुगो घोनी ङीक्‍की खीत्‍रङ्‌गी ढीक्‍ल छीगङ् ॱसुव तप् तब झ्‍यीक्‍को़त्। को़न्‍ज्‍योक्‍की थुल घङ् यो़प्‍प दी जेङ् खीत्‍रङ्‌गी गन्‍दीक्‍म ॱह घोन खेसील थो़न्‍ज्‍ये यो़प्‍प धङ् धम्‍बे थुगी धो़र्रीक् थोज्‍ये यो़प्‍प तोङ्।


ज्‍यी़न्‍दु ॱसुव तप् तब झ्‍यीज्‍यीत्।


खीत्‍रङ् रीदङ् री स्‍यीव दीव ॱनङ्‌गेङ्‌गी को़न्‍ज्‍योक् खोङ् रोरङ्‌गी धक्‍पर् जेङ् सो़न, हज्‍यरङ्‌गी चोव ज्‍यीन्‍दक् येशु ख्रीष्‍ट् फीच्‍च्‍य झ्‍यो़न् झ्‍यो़न् थुक्‍ल खीत्‍रङ्‌गी ली़सीम् छङ्‌मल ङीबे ज्‍यी़त् मीप्‍प दो़त् छुज्‍ये यो़प्‍प तोङ्।


पी़न्‍ज्‍यासो, ङीक्‍की ढीक्‍ल अक् खीत्‍रङ्‌गी ॱसुव तोप्‍रो झ्‍यीज्‍यीत्।


कयीन्‍गी छ्‌यो़प्‍प पुब दीले हबील्‍की छ्‌यो़प्‍प पुब दी को़न्‍ज्‍योक्‍की दम्‍बा झ्‍यीन हुगो खोङ्‌गी स्‍यागी स्‍यीन खोङ् थु गुवे केच्‍च्‍य ॱस्‍येप्‍प बेत्। घन्‍ड हीन् सीन्‍न हबील्‍की रोरङ्‌गी छ्‌य स्‍यक्‍पे लम्‍नी पुब हीङ्‌गो़प्‍प बेत्। ॱनी हबील् ॱनम्‍बर् धक्‍पल थो़न्‍ज्‍ये दी इक् रोगी छ्‌य स्‍यक्‍पे लम्‍नी थो़म्‍ब बेत्। ॱनी हबील् ॱस्‍यीन खुर्न आक्, रोगी छ्‌य स्‍यक्‍पे लुस हुगी हज्‍यरङ्‌ल ॱमीदे तो़न्‍न यो़क्‍केन् बेत्।


नुहल को़न्‍ज्‍योक्‍की एल्‍ला मत् युङे केच्‍च्‍य च्‍यीक् ॱस्‍येत्‍नी, हुनी नुह को़न्‍ज्‍योक्‍ल ज्‍यीब खुर्न रोरङ्‌गी मीजङ् घयेत् थर्च्‍ये यो़प्‍पल ढु छ्‌यीम्‍मु च्‍यीक् सो़ब बेत्। ॱनी हीगो नुहे छ्‌य स्‍यक्‍पे लम्‍नी सो़ब बेत्। हीगी छ्‌य स्‍यक्‍पे लेमु हीनी हुगी यङ्‌गी जम्‍बुलीङ्‌गी मी घयेत्‍ल ठीम् च्‍येत्‍न छ्‌येप्‍प केब बेत्। छ्‌य स्‍यक्‍पे लम्‍नी ॱनम्‍बर् धक्‍पल थो़ङ्‌गेङ्‌गी थर्वे फक् थोप्‍केन् च्‍यीक् नुह झ्‍युङ बेत्।


खीत्‍रङ् ॱहेन्‍ज्‍योक् दन्‍ज्‍योक्‍ल मत् डोव, थर्वे लम् दील ॱसीरी ॱसीत्‍त डो गोगेन् बेत्। हुनी क थेङ्‌गोक्‍परङ् हीन्‍न अक्, यङ् छी ॱमीत् पुर, डो छुब युङ्‌गेन् बेत्।


ङीक्‍की ढीक्‍ल ॱसुव तोप्‍रो झ्‍यीज्‍यीत्। ङीक्‍की मीजील छीगङ् ढङ्‌बु झ्‍यीच्‍च्‍ये ॱनो़बे ॱसीम् च्‍यङ्‌ज्‍यङ् खुको़र्त्। हुगो झ्‍यीनी ङीत्‍ल ॱनोङ् मीत् लङ ॱसीम् सङ्‌बु ॱङीत्‍न यो़त्। हीगो गन्‍दीय हीम्‍बे देङ्‌जो़त् ङीत्‍ल यो़त्।


हज्‍यरङ् दीक्‍प ङो़नी ॱस्‍यीनरदङ् छ्‌येत्‍मीत् ढेन को़न्‍ज्‍योक् ङो़गी ढङ्‌बी़ लम्‍ल डोज्‍ये यो़प्‍पल हज्‍यरङ् घयेक्‍की दीक्‍पे छ्‌येप्‍प दी खोङ् रोरङ्‌गी कुस्‍सी़ल ॱनम्‍न कुरुस्‍ल ढोङ बेत्। खोङ् हुदु ढोङे यङ्‌ल च्‍येप्‍पे ॱम घयेत् दीगी हज्‍यरङ् ॱसो़ब बेत्।


हुनी हज्‍यरङ्‌गी खोङ्‌ल घङ् लीम्‍ब घयेत् थोप्‍केन् बेत्। घन्‍ड हीन् सीन्‍न खोङ्‌गी क धङ् धम्‍ल चीन हज्‍यरङ्‌गी खोङ् गुवे लेमु झ्‍यीक्‍केन् बेत्।


Lean sinn:

Sanasan


Sanasan