खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। तो़न्न ॱनी, खीत्रङ्ल को़न्ज्योक्की ठीम् च्येत्न छ्येप्प को़गेन् बेत्। खीत्रङ्गी ॱयोङ्ल छ्येप्प ॱमत् को़ज्यीत्। केन ॱनी, को़न्ज्योक्की खीत्रङ्ल आक् छ्येप्प को़गेन् बेत्। खीत्रङ्ल ॱयोङ्गी ङीब झ्यीज्युङ्न, हुगो धक्तु ची़च्च्यीत्। हुनी क को़न्ज्योक्की इक् खीत्रङ्गी ङीब धक्तु ची़क्केन् बेत्।
याकुब् 4:11 - ल्होमी11 खीत्रङ् पी़न्ज्या नङ्दु फालप् लप्री ॱमत् ची। पी़न् ॱयोङ्गी गोल थो़न्न फालप् लप्न च्यो़न्स्यो़त् तो़ङ्गेन् दीगी छ्यो़डीम्ल स्येन्दोङ् झ्यीन ड झ्यीबल डोगेन् बेत्। रङ्गी हुन्दुक् झ्यीन ॱनी, रङ् छ्यो़डीम्ल चीगेङ्गी मी मेम्ब, रङ् छ्यो़डीम्गी गोल थो़न्न ठीम् च्यो़क्केल्ल डोगेन् बेत्। Faic an caibideil |
याकुब् 4:11
24 Iomraidhean Croise
ॱनी हुगो हीन्न ॱनी, छ्यो़डीम् हुल घन्ड सीक्केन्? हुगो दीक्पल डोगेन् बेक्क ॱनी? ॱस्युली मेम्बेत्। छ्यो़डीम् मीत्न ॱनी, दीक्प दी घङ्गो हीम्ब हुगो ङे ॱयुव पीक् दीरङ् ॱमीत् ॱस्यीगेन् बेत्। छ्यो़डीम्गी ङल ॱमीक् छक्प मत् झ्यीज्यीत् सीन्न ॱमत् ॱस्येत्न ॱनी, ङे हुगो घन्दुक् झ्यीन दीक्प हीम्ब ॱह घो छुगेन्? (थो़म्ब २०:१७)
चोव ज्यीन्दक् झ्यो़न् झ्यो़न् थुक्ल खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। हुगी यङ्ल मेन्नक्ल केत्मीत्ल झ्यीब घयेत् चोव ज्यीन्दक्की मेङ्गल तो़ङ्गेन् बेत्। मी ॱसीम्बे यीक्ल यो़प्पे केच्च्य घयेत् ॱह घोवल तो़ङ्गेन् बेत्। हुनी मी रीदङ् रील ओ़बे तो़प्प को़न्ज्योक्की ॱनङ्गेन् बेत्।
ङ हुदु युङ्नी, खीत्रङ्गी ढीक्ल ङे ॱसीम्ल ॱनो़बे रीगो दी डस्सी खीत्रङ् ॱमीत् ठेक्को़ट्टो ॱनो़ब धङ् ङे ढीक्ल खीत्रङ्गी ॱसीम्ल ॱनो़बे रीगो दी डस्सी ङ अक् ॱमीत् ठेक्को़ट्टो ॱनो़न ङल च्युगा लङ्गुक्। घन्ड हीन् सीन्न खीत्रङ्गी छीक्न थक्मु, सीगुक्, खोङ्डोक्, रङ्ज्यी़, च्योम, फालप्, ज्यीम्गेत् धङ् स्यीव डीक्प मीप्पे लेमु यो़प्प ठेत् योङ् ॱनो़ब दुक्।
Sanasan