याकुब् 3:1 - ल्होमी1 ङे पी़न्ज्यासो, खीत्रङ्गी घुङ्नी खीत्रङ् गज्येन् चयेलमल थो़न्ज्ये ॱनो़ब मत् झ्यीज्यीत्। घन्ड हीन् सीन्न ङीत् चयेलम घयेत्ल ॱयोङ्माले ज्यीक्पा ठीम् च्यो़क्केन् बेत् ॱनो़ब ॱस्यो़च्च्ये यो़क्केन् बेत्। Faic an caibideil |
याकुब् 3:1
30 Iomraidhean Croise
खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। तो़न्न ॱनी, खीत्रङ्ल को़न्ज्योक्की ठीम् च्येत्न छ्येप्प को़गेन् बेत्। खीत्रङ्गी ॱयोङ्ल छ्येप्प ॱमत् को़ज्यीत्। केन ॱनी, को़न्ज्योक्की खीत्रङ्ल आक् छ्येप्प को़गेन् बेत्। खीत्रङ्ल ॱयोङ्गी ङीब झ्यीज्युङ्न, हुगो धक्तु ची़च्च्यीत्। हुनी क को़न्ज्योक्की इक् खीत्रङ्गी ङीब धक्तु ची़क्केन् बेत्।
छ्यो़ छो छङ्मल को़न्ज्योक्की को़न यो़प्पल गोम छ्यीस्स्यो दील ठीक्नल घयेत् युङ्गेन् बेत्। हुगी होक्नी कलुङ् ॱस्यो़क्केन् घयेत्, हुगी होक्नी चयेलम घयेत्, हुनी ॱस्यीक् छ्यीम्मी़ ले झ्यीक्केन् घयेत्, हुनी नेप्प ढक्तु ची़च्च्येमे कबप् च्येम्म घयेत्, हुनी फेन् थोबे दगु झ्यीक्केन् घयेत्, हुनी गोयो़त् झ्यीक्केन् घयेत्, हुनी केच्च्योक् ॱमीत् च्यीक्पल तम् ॱस्यो़त् छुगेन् घयेत् को़न युङ्गेन् बेत्।
खीत्रङ् हुगी गो दी़क्केन् गोयो़प्प घयेक्की खल नेल्ल हुबे ॱवङ्गी होक्ल दो़च्च्यीत्। हुबे को़न्ज्योक्ल ची पु गोगो़त् ॱनो़ब ॱसम्न खीत्रङ्ल भच्ची झ्यीक्केन् बेत्। हुबल घी़रीम थो़न्दु ॱमत् ची़प्प, ॱसीम् गव झ्यीन हुगी गोयो़प्पे ले दी झ्यीत् छुज्ये यो़प्पल खीत्रङ् हुबे खल नेन्ज्यीत्। स्येन् खीत्रङ्ल फेन्दो घन्ड अक् मीत् युङ्गेन् बेत्।
Sanasan