याकुब् 2:6 - ल्होमी

⁶ ॱनी हीन्‍न अक्, टङ्‌बु घयेत्‍ल खीत्‍रङ्‌गी दम्‍ङीत् झ्‍यीन आक्‍तोक्‍ल तोङ्‌गेन् बेत्। खीत्‍रङ्‌ल स्‍येन्‍दोङ् झ्‍यीक्‍केन् दी धङ् ठीम्‍सल च्‍यो़गेन् दी क हस्‍सो़त् छ्‌युक्‍पु घयेत् हुगो मेम्‍बेक्‍क ॱनी?

याकुब् 2:6 Iomraidhean Croise

युहन्‍ना 8:49

ॱनी येशुगी लेम्‍बुल ङे ङरङ्‌गी यप्‍ल तो़प्‍प झ्‍यीबल ङल घन्‍दुक् झ्‍यीन ॱनो़प्‍प अयेक्‍प स्‍यीन्‍दुक् सीक्‍केन्? खीत्‍रङ्‌गी ङल हीगो ङेन्‍दम्‍गी तम् बेत्।

ठीक्‍नल 13:50

हीनी हुगी यहुदी घयेत् दीबे हुगी सार्की मी चो छ्‌यीया घयेत् धङ् को़न्‍ज्‍योक्‍ल धेप्‍प मो़ब झ्‍यीक्‍केन् भुमु ढक्‍पा घयेत् दीब पावल् धङ् बार्नाबास्‍की डल ॱलोङ बेत्। हुनी पावल् धङ् बार्नाबास्‍ल दुक्‍प अयेक्‍प तङ्‌न हुब ॱङीबु हुगी लुङ्‌ब दीनी दीत् तङ बेत्।

ठीक्‍नल 17:6

ॱनी हुदु हुब ॱङीबु ॱमत् ॱङीबल मी घयेत् दीगी यासोन् दी धङ् पी़न्‍ज्‍या ॱयोङ्‌म दीब सुङ्‌न ढी़त्‍न सार्की पेम्‍बु घयेत् दी च्‍याल च्‍येन हुबे केत् ज्‍यप्‍न जम्‍बुलीङ् दीरङ् घयो़ थप्‍तु ची़क्‍केङ्‌गी मी हज्‍यरङ्‌गी सार्ल अक् ॱलीत्‍तुक्।

ठीक्‍नल 18:12

हुनी अखैयागी लुङ्‌बे पेम्‍बु चो छ्‌यीस्‍स्‍योल गल्‍लीयो यो़प्‍पे यङ्‌ल हुगी कोरीन्‍थ् सार्की यहुदी घयेत् दी ढो़गो च्‍यीक्‍ल डीक्‍न पावल् सुङ्‌न ठीम् च्‍यो़स्‍सल च्‍येब बेत्।

ठीक्‍नल 8:3

ॱनी छ्‌यो़ छो तोर्च्‍ये ॱनो़न शावल् खीम् खीम्‍ल स्‍युन छ्‌य स्‍योक्‍केन् छ्‌योगो हीन्, भुमु हीन्‍न अक्, कुरीक् ढी़त्‍न चो़ल्‍ल ॱलुक्‍को़प्‍प बेत्।

१ कोरीन्‍थी 11:22

खीत्‍ल म दी सस्‍स धङ् थुङ्‌से खीम् मीप्‍प ॱनी? खीत्‍रङ्‌गी हुन्‍दुक् झ्‍यीन को़न्‍ज्‍योक्‍की छ्‌यो़ छो घन्‍ड अक् मेम्‍ब हीम्‍बल सो़न, घन्‍ड अक् मीप्‍पे मील ङु छदु ची़क्‍केन् बेत्। हीगी ढीक्‍ल खीत्‍रङ्‌ल ङ घन्‍ड सीच्‍च्‍ये ब अक्? खीत्‍ल तो़प्‍प झ्‍यी योङ् ॱनो़गुक्‍क? तो़प्‍प त ॱस्‍युली मीत् झ्‍यीत्।

याकुब् 5:4

तेदे खीत्‍रङ्‌गी स्‍यीङ्‌गल ले झ्‍यीक्‍केन् लेमीय घयेत्‍ल खीत्‍रङ्‌गी ॱल ॱमत् टेप्‍पल हुबे कोल्‍लोक् ॱलोङ्‌गेन् बेत्। ॱनी तो़न्‍दोक् दी़क्‍केन् लेमीय हुबे कोल्‍लोक् ॱलङे केत् दी ॱवङ् की़न् च्‍येम्‍मे चोव ज्‍यीन्‍दक्‍की आम्‍ज्‍योक्‍ल ते ॱलीत् छर बेत्।

याकुब् 5:6

मी ढङ्‌बु गङ्‌ज्‍येल्‍ल खीत्‍रङ्‌गी छ्‌येप्‍प केन ॱसेप्‍प बेत्। हुगी खीत्‍रङ्‌ल लक् मत् लोक्‍प बेत्।