याकुब् 2:25 - ल्होमी

²⁵ ॱनी हीगो डस्‍सी छ्‌येमु राहाब् ॱनम्‍बर् धक्‍पर्ल थो़न्‍ज्‍ये दी इक् रोगी ले झ्‍यीब घयेक्‍की झ्‍युङ बेत्। घन्‍ड हीन् सीन्‍न च्‍यीव झ्‍यीत्‍तु तङ्‌न युङे मील रोगी ॱनेजङ् ॱयर्न लम् ॱयोङ्‌नी फल्‍ल डोदु ची़प्‍प बेत्।

याकुब् 2:25 Iomraidhean Croise

मत्‍ती 1:5

सल्‍मोन्‍गी भु बोअज् बेत्। हुगी आम दी राहाब् बेत्। बोअज्‍गी भु ओबेद् बेत्। हुगी आम दी रुथ् बेत्। ओबेद्‌गी भु यीशै बेत्।

मत्‍ती 21:31

हीगो झ्‍यीनी, पबे थुल यो़प्‍प दी भीज घङ्‌गो दीगी झ्‍यीब बेक्‍क? सीन्‍न ढीब बेत्। ॱनी हुबे लेल्‍ल भु ॱएम्‍मा दीगी झ्‍यीब बेत्। ॱनी येशुगी ङे खीत्‍रङ्‌ल गन्‍दीय ॱस्‍येत् योङ्। गोलदर् धङ् छ्‌येमु घयेत् खीत्‍रङ्‌ले त एल्‍ला को़न्‍ज्‍योक्‍की ज्‍यागक्‍ल स्‍युक्‍केन् बेत्।

ठीक्‍नल 17:7

हुब ॱङीबु यासोन् हीगी खीम्‍न स्‍यक्‍न दुक्। हीब घयेत् सीजर् ज्‍याबी़ क घयेत्‍ल ॱमीत् चीय, हुगी डल लोङ्‌न ज्‍याबु ॱयोङ्‌मा येशु सीक्‍केन् च्‍यीक् यो़क्‍केन् बेत् सीगुक् सीन्‍न पोला ज्‍यब बेत्।

हीब्रु 11:31

हुगी यङ्‌ल को़न्‍ज्‍योक्‍की खल मीत् नेङ्‌गेन् हुगी सार्की मी घयेत् दी कुरीक् ॱसेत् तङ बेत्। ॱनी छ्‌येमु राहाब् हुगोरङ् रोरङ्‌गी छ्‌य स्‍यक्‍पे लम्‍नी ॱसो़ब बेत्। एल्‍ला हुगी सार्ल च्‍यीव झ्‍यीत्‍तु युङे मी घयेत्‍ल रोगी ॱनेजङ् ॱयर्न दो़त्‍तु ची़प्‍प हीङ्‌गो़प्‍प बेत्।

याकुब् 2:18

ॱनी मी यरीगी सीक्‍को़त्‍ल रङ्‌गी छ्‌य दीरङ् क स्‍यक्‍प बेत्। ॱनी ङल हुल डीक्‍पे ले दी इक् यो़त्। रङ्‌गी ले मीप्‍पे छ्‌य स्‍यक्‍प दी ङल तो़ल्‍लेत्। ॱनी ङे छ्‌य स्‍यक्‍प दी ङे ले दीगी तो़न् योङ्।

याकुब् 2:22

खोङ्‌गी छ्‌य स्‍यक्‍प दी धङ् ले दी कङ्‌ज्‍यीक्‍ल झ्‍यीन युङ्‌नी, हुनी हुगी ले घयेत् दीगी खोङ्‌गी छ्‌य स्‍यक्‍प दी छङ्‌न युङ रङ्‌गी थोङ्‌गो़ट्‌टो।

याकुब् 2:24

हीगो हीन्‍न ॱनी, छ्‌य स्‍यक्‍प दी छ्‌युवक्‍की मीत् युङ्‌गेन् बेत्। छ्‌य स्‍यक्‍पल पीबे ले दी इक् झ्‍यीन क, मी ॱनम्‍बर् धक्‍पर्ल थो़म्‍ब हीम्‍ब खीत्‍रङ्‌गी ॱह घो छुगेन् बेत्।