याकुब् 1:22 - ल्होमी

²² ॱनी ॱसुङ्‌रप्‍की केच्‍च्‍य खीत्‍रङ्‌गी आम्‍ज्‍योक्‍की नेम्‍ब छ्‌युवक्‍की रङ्‌गी रङ्‌ल गो़गोर् तोङ्‌गेन् डस्‍सी बेत्। केच्‍च्‍य नेन्‍नी, हुगोदङ् डीक्‍प झ्‍यीन युङ् गोगेन् बेत्।

याकुब् 1:22 Iomraidhean Croise

मत्‍ती 12:50

तेङ् यी़न स्‍युगेन् ङे यप्‍की थुल यो़प्‍पल मी ॱसी़ नेन्‍न झ्‍यीगुक्‍क हुगो ङे पी़न् धङ् आम हीम्‍बल युङ्‌गेन् बेत् झ्‍यीब बेत्।

मत्‍ती 28:20

ॱनी ङे खीत्‍रङ्‌ल घङ् ॱलप्‍न झ्‍यीत्‍तु ची़प्‍प घयेत् दी हुबल अक् खीत्‍रङ्‌गी हुन्‍दुक् दीरङ् ॱलप्‍न नेन्‍न झ्‍यीक्‍केल्‍ल सो़ज्‍यीत्। तेदे ङ धी़ ज्‍यी़न्‍दु स्‍युक् थमे धी़ थुक्‍ल खीत्‍रङ्‌दङ् दल दो़क्‍केन् हीनो झ्‍यीब बेत्।

लुका 11:28

हीगी लेल्‍ल खोङ्‌गी को़न्‍ज्‍योक्‍की ॱसुङ्‌रप् नेन्‍न हुगी क धङ् धम्‍ल चीगेन् घयेत् ॱसुम्‍ब हुले ॱसोदी छ्‌यीया युङ्‌गेन् बेत् सीन्‍न ॱसुङ बेत्।

युहन्‍ना 13:17

हीगो खीत्‍रङ्‌ल ॱस्‍यो़च्‍च्‍ये यो़क्‍केन् बेत्। ॱनी हीगो डस्‍सी खीत्‍रङ्‌गी झ्‍यीन युङ्‌न ॱनी, खीत्‍रङ् ॱसोदी च्‍येम्‍म युङ्‌गेन् बेत्।

रोमी 2:13

ॱनी यङ् को़न्‍ज्‍योक्‍की ढुङ्‌दु ॱनम्‍बर् धक्‍प दील छ्‌यो़डीम् ॱस्‍यीगो़त् सीक्‍केन् घयेत् मेम्‍ब, छ्‌यो़डीम्‍गी कल चीगेन् घयेत् दी तो़ङ्‌गेन् बेत्।

१ कोरीन्‍थी 15:33

खीत्‍रङ् गो ॱमत् थोम्‍ज्‍यीत्। दगु गादङ् छ्‌य झ्‍यीन गारङ् युङ्‌गेन् बेत्। दगु आक्‍पादङ् छ्‌य झ्‍यीन आक्‍पारङ् युङ्‌गेन् बेत् सीन्‍न च्‍योर्केन् बेत्।

१ कोरीन्‍थी 3:18

खीत्‍रङ् ॱसु उक् छ्‌यी़ज्‍ये मीप्‍प युङ झ्‍यीज्‍यीत्। खीत्‍रङ्‌गी नङ्‌दु जम्‍बुलीङ्‌गी झ्‍यी़ल ङ खेसी हीन् ॱनो़ब ॱसम्‍गेन् ॱसु यो़दङ् हुल दीम्‍बरङ्‌गी झ्‍यी़रीक् दी थोबल हुगो ॱलीम्‍बल ज्‍युक्‍च्‍यीत्।

१ कोरीन्‍थी 6:9

ढङ्‌ज्‍ये मीप्‍प झ्‍यीक्‍केन् घयेत्‍ल को़न्‍ज्‍योक्‍की ज्‍यागक्‍की फक् ॱमीत् थोब ले डोगेन् हीम्‍ब खीत्‍ल ॱस्‍यो़च्‍च्‍ये मीप्‍प ॱनी? खीत्‍रङ् दीम्‍बे लम्‍नी ॱमत् छ्‌यी़ज्‍यीत्। छ्‌ये ज्‍युक्‍केन्, ॱल्‍ह धङ् कुल छ्‌यक् छ्‌यो़प्‍प पुगेन्, ॱयोङ्‌दङ् ङीगेन्, छ्‌योगो ॱनम्‍बु दयम् झ्‍यीक्‍केन्,

गलाती 6:3

मी ॱसु म दी रोरङ् घन्‍ड अक् मेम्‍ब, यङ् रोरङ्‌गी रोरङ्‌ल छ्‌यीया हीम्‍ब ॱसम्‍गो़त्‍न ॱनी, हुगो रोरङ्‌गी रोरङ्‌ल गो बो़दु ची़क्‍केन् बेत्।

गलाती 6:7

को़न्‍ज्‍योक्‍ल रङ्‌गी गो़गोर् तोङ् ॱमीत् छुगेन् बेत्। हुन्‍दुक् झ्‍यीन ॱनी रङ्‌गी रङ् गो बो़दु ची़क्‍केल्‍ल डोगेन् बेत्। घन्‍ड हीन् सीन्‍न मी ॱसी़ रोरङ्‌गी घन्‍डे ॱसो़न् तोप्‍को़दङ् ॱनी हुगी ॱसो़ङ्‌गी तो़न्‍दोक् दीरङ् दी़क्‍केन् बेत्।

फीलीप्‍पी 4:8

ह स्‍युक् थदु पी़न्‍ज्‍यासो, दीम्‍बे ढङ्, छ्‌यप्‍स्‍यक् च्‍येम्‍मे ढङ्, ढङ्‌बी़ ढे, चङ्‌मे ढङ्, पम्‍बो़त्‍मे ढङ्, ढक्‍पागी ढङ्, गागी ढङ् धङ् तो़त् ओ़बे ढङ् हीन्‍दुक् झ्‍यीबे ॱवङ्‌ल ॱसीम्‍ब तोङ्‌ज्‍यीत्।

कलस्‍सी 3:17

ॱनी चोव ज्‍यीन्‍दक् येशुगी लम्‍नी यप् को़न्‍ज्‍योक्‍ल खीत्‍रङ्‌गी छीगङ् थु छ्‌यी पु पुब झ्‍यीन खीत्‍रङ्‌गी तम् लप्‍लु दी धङ् ले झ्‍यीत्‍लु दी चोव ज्‍यीन्‍दक् येशुगी मी हीम्‍ब डस्‍सी झ्‍यीन युङ् गोगेन् बेत्।

२ तीमोथी 3:13

ॱनी मी ङेम्‍ब धङ् ॱयोज्‍यी़ ठम्‍ज्‍यी़ ॱस्‍यो़क्‍केन् घयेत् हुब रोरङ्‌सो़ हुगी ङेम्‍ब धङ् ॱयोज्‍यी़ ठम्‍ज्‍यी़ दील रोरङ्‌सोरङ् थुम्‍न हरुङ् दुक्‍तु डोगेन् बेत्।

तीतस् 3:3

एल्‍ला हज्‍यरङ्‌गी मीजील ॱनोक्‍सम् मीप्‍प डस्‍सी खल मीत् नेङ्‌गेन्, गो थोम्‍न यो़क्‍केन्, धेच्‍च्‍यो ङेम्‍बे धेत्‍मो़ यो़च्‍चो़क्‍की ॱयोक्‍ल ॱस्‍योर्न ङेम्‍ब धङ् ठदोक् झ्‍यीक्‍केन्, च्‍यीक्‍तङ् च्‍यीक्‍ल ड झ्‍यीक्‍केन्, हुनी यङ् हज्‍यरङ्‌ल अक् ॱयोङ्‌गी ड झ्‍यीक्‍केन् यो़क्‍केन् बेत्।

याकुब् 1:26

ॱनी मी ॱसी़ रोरङ् को़न्‍ज्‍योक् ॱसम्‍गेङ्‌गी मी हीन् ॱनो़ब झ्‍यीक्‍कुक्‍क हुगी रोरङ्‌गी च्‍यीलाल जीम्‍ब मत् झ्‍येन ॱनी, हुगी रोरङ्‌गी रोरङ्‌ल गो़गोर् तङ्‌न को़न्‍ज्‍योक् ॱसम्‍न युङे लेमु दी घो ॱमीत् छ्‌यो़त्‍ल तोङ्‌गेन् बेत्।

याकुब् 4:11

खीत्‍रङ् पी़न्‍ज्‍या नङ्‌दु फालप् लप्‍री ॱमत् ची। पी़न् ॱयोङ्‌गी गोल थो़न्‍न फालप् लप्‍न च्‍यो़न्‍स्‍यो़त् तो़ङ्‌गेन् दीगी छ्‌यो़डीम्‍ल स्‍येन्‍दोङ् झ्‍यीन ड झ्‍यीबल डोगेन् बेत्। रङ्‌गी हुन्‍दुक् झ्‍यीन ॱनी, रङ् छ्‌यो़डीम्‍ल चीगेङ्‌गी मी मेम्‍ब, रङ् छ्‌यो़डीम्‍गी गोल थो़न्‍न ठीम् च्‍यो़क्‍केल्‍ल डोगेन् बेत्।

याकुब् 4:17

गये ले झ्‍यीत् गोगेन् बेत् ॱनो़ब ॱस्‍यो़च्‍च्‍ये यो़क्‍कीन् यो़क्‍कीन् हुगो ॱसी़ मीत् झ्‍यीप्‍पेक्‍क हुगो दीक्‍पल डोगेन् बेत्।

२ पत्रुस् 2:13

हुबे ङीब झ्‍यीबे ङेल्‍लेन् दी हुबल नोङ्‌गेन् बेत्। हुब ङीम्‍मु उक् जोम्‍न छ्‌यङ्‌दुङ्‌गी लोङ्‌ज्‍यो़त् झ्‍यीन ग ग ढो़त् ढो़त् झ्‍यीक्‍केन् बेत्। ॱनी धेच्‍च्‍यो ङेम्‍बल ॱस्‍योर्न, ग ग झ्‍यीक्‍केन् हुब खीत्‍रङ्‌दङ् मुल जोम्‍न सये यङ्‌ल हुब ङु छ मीप्‍पे मी रङ्‌स स्‍यीलोक्‍सी थोङ्‌गेन् बेत्।

१ युहन्‍ना 1:8

हज्‍यरङ् ॱसी़ ङल दीक्‍प घन्‍ड अक् मीत् सीगुक्‍क हुगी रोरङ्‌गी रोरङ्‌ल गो़गोर् तोङ्‌गेन् बेत्। हुगी ॱसीम्‍ल दीम्‍बे केच्‍च्‍य मीत् युङ्‌गेन् बेत्।

१ युहन्‍ना 2:3

खोङ्‌गी क धङ् धम्‍ल हज्‍यरङ् ॱसी़ चीन युङ्‌गुक्‍क हुगी खोङ् गन्‍दीय ङु ॱस्‍यीगुक् ॱनो़ब हज्‍यरङ् कुरीक्‍की ॱह घोगेन् बेत्।

१ युहन्‍ना 3:7

भीजसो, खीत्‍रङ् ॱसी़ ॱयोङ्‌गोर्ल आक् ॱमत् छ्‌यी़ब दो़च्‍च्‍यीत्। मी ॱसी़ को़न्‍ज्‍योक् गुव ढङ्‌बु झ्‍यीगुक्‍क हुगो खोङ् डस्‍सी ढङ्‌बी़ मी बेत्।

३ युहन्‍ना 1:11

झ्‍यम्‍बे दगु रङ् ॱमीदे आक्‍पाल मेम्‍ब, गागी ॱमीदेल तो़ज्‍यीत्। गा झ्‍यीक्‍केन् दी को़न्‍ज्‍योक् ङो़गी बेत्। ॱनी आक्‍पा झ्‍यीक्‍केन् दी को़न्‍ज्‍योक्‍तङ् ङोस्‍स्‍यीन् मत् युङे मी बेत्।

ॱसाल्‍केत् 12:9

यी़दो़न् ज्‍यप्‍न जम्‍बुलीङ्‌ल दीत्‍न पुर् तङ्‌सोङ्। ॱनी हुगी डुक् छ्‌यीम्‍मु दीगी मीङ् दील ॱङो़न् धङ्‌बी़ डी़, दी़क्‍की चो, कोलीमी घयेत्‍ल ॱयोङ्‌गोर् ज्‍यक्‍केन् धङ् शैतान् सीन्‍न सीगुक्।

ॱसाल्‍केत् 22:7

येशुगी ॱसुङ्‌गुगो। तेदे ङ ॱनी ज्‍योक्‍पु युङ्‌गेनो। हीगी यीगी हील यो़प्‍पे केच्‍च्‍य धङ् ॱङो़स्‍स्‍यी घयेत्‍ल ॱसी़ नेङ्‌गुक्‍क हुगो ॱसोदी च्‍येम्‍म युङ्‌गेन् बेत् सीन्‍न ॱस्‍येच्‍च्‍युङ्।