याकुब् 1:2 - ल्होमी2 ङे पी़न्ज्यासो, खीत्रङ्ल छो़त्लीन् दुक्प ॱनजो युङ हुगो कुरीक्ल गव हीम्ब ॱनो़ब ॱसम्ज्यीत्। Faic an caibideil |
याकुब् 1:2
21 Iomraidhean Croise
ॱनी चो़ल्ल ॱस्योर्न यो़प्पे छ्यीट्टो घयेत्ल अक् खीत्रङ् ॱङीङ् छन दगु झ्यीब बेत्। हुगो छ्युवक् मेम्ब, खीत्रङ्ल नम्ल अक् मीत् सेक्केङ्गी चा छ्यीम्मी़ नोर् च्यीक् यो़प्प खीत्रङ्गी ॱह घोनी, हुनी खीत्रङ्ल हीन यो़प्पे नोर् दी ॱयोङ्गी लुप्न न अक्, च्युगा घन्ड अक् मत् झ्यीब, ॱसीम् गव झ्यीब बेत्।
तेदे हुबे गुर् थेक्पे धु हुल तेन हुब घन्दुक्मे गव च्येम्मे मी बेक्क सीन्न हज्यरङ्गी सीक्केन् बेत्। अय्युब्गी घन्दुक्मे गुर् थेक्पे धु छ्यीय च्यङ बेक्क हुगो खीत्रङ्गी ॱह घोव यो़ट्टो। ॱनी स्युक्तु अय्युब्ल चोव ज्यीन्दक्की घन्दुक्मे लेमु जेप्प बेक्क हुगो ओक् खीत्रङ्गी थोङ् यो़ट्टो। चोव ज्यीन्दक् थुज्यी धङ् ॱङीङ्ज्यी छ्यीम्मु च्येम्म यो़क्केन् बेगो।
ह हुन्दो हुगी युङ्गेङ्गी दुक्प हुल खीत्रङ् ज्यीब मत् झ्यीत्। खीत्रङ्ल छो़त्लीन् तज्येल दी़क्की चो हुगी खीत्रङ् यरी यरी चो़ल्ल ॱलुक्केन् बेत्। ॱनी स्यक्पु च्युजो़त् च्यीक् थुक् दुक्प नोङ्गेन् बेत्। ॱनी ॱस्यी गो़रङ् ॱस्यर्न आक्, थीरीय दो़त्। हुनी ज्येल थोबे थोप् छ्यीम्मी़ छीये स्यमुङ् दी ङे टेत् योङ्।
Sanasan