याकुब् 1:12 - ल्होमी12 छो़त्लीङ्गी दुक्प युङ गुर्न ॱसु थीरीय दो़क्कुक्क हुगो ॱसोदी च्येम्म युङ्गेन् बेगो। घन्ड हीन् सीन्न हुगो गुर् थेक्प झ्यीन हुनी थो़न्नी, को़न्ज्योक्की खोङ् रोरङ्ल झ्यम्ब यो़प्प च्येम्म घयेत्ल टो़प्पे छ्यो़त्तुम् झ्यीबे छीये ज्येगी स्यमुङ् दी हुल थोप्केन् बेत्। Faic an caibideil |
याकुब् 1:12
49 Iomraidhean Croise
ङे झ्यम्बे पी़न्ज्यासो, हीगो ॱह घोव झ्यीज्यीत्। छ्य स्यक्न युङे लेमुल छ्युक्पु युङ्ज्ये यो़प्प धङ् को़न्ज्योक्की खोङ् रोरङ्ल झ्यम्ब यो़प्प च्येम्म घयेत्ल टो़प्पे छ्यो़त्तुम् जेप्पे ज्यागक्की फक् दी थोप्च्ये यो़प्पल जम्बुलीङ्गी टङ्बु हीन्दोक्प च्येम्म घयेत् खोङ्गी दम्ब मेम्बेक्क ॱनी?
तेदे हुबे गुर् थेक्पे धु हुल तेन हुब घन्दुक्मे गव च्येम्मे मी बेक्क सीन्न हज्यरङ्गी सीक्केन् बेत्। अय्युब्गी घन्दुक्मे गुर् थेक्पे धु छ्यीय च्यङ बेक्क हुगो खीत्रङ्गी ॱह घोव यो़ट्टो। ॱनी स्युक्तु अय्युब्ल चोव ज्यीन्दक्की घन्दुक्मे लेमु जेप्प बेक्क हुगो ओक् खीत्रङ्गी थोङ् यो़ट्टो। चोव ज्यीन्दक् थुज्यी धङ् ॱङीङ्ज्यी छ्यीम्मु च्येम्म यो़क्केन् बेगो।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
ह हुन्दो हुगी युङ्गेङ्गी दुक्प हुल खीत्रङ् ज्यीब मत् झ्यीत्। खीत्रङ्ल छो़त्लीन् तज्येल दी़क्की चो हुगी खीत्रङ् यरी यरी चो़ल्ल ॱलुक्केन् बेत्। ॱनी स्यक्पु च्युजो़त् च्यीक् थुक् दुक्प नोङ्गेन् बेत्। ॱनी ॱस्यी गो़रङ् ॱस्यर्न आक्, थीरीय दो़त्। हुनी ज्येल थोबे थोप् छ्यीम्मी़ छीये स्यमुङ् दी ङे टेत् योङ्।
Sanasan