याकुब् 1:10 - ल्होमी

¹⁰ छ्‌युक्‍पु यङ् रोरङ् ॱनङ्‌ज्‍युङ्‌ल ॱसोङ्‌न, हुगी ढीक्‍ल ङोम्‍ज्‍येत् झ्‍यीज्‍यीत्। घन्‍ड हीन् सीन्‍न हुगो ॱङोमक्‍की मीन्‍दोक् येब डस्‍सी येगेन् बेत्।

याकुब् 1:10 Iomraidhean Croise

मत्‍ती 5:3

ॱसीम्‍ल तोङ्‌डी़ ज्‍यक्‍केन् घयेत् ॱसोदी च्‍येम्‍मल ॱनेगेन् बेगो। घन्‍ड हीन् सीन्‍न हुब तेङ् यी़गी ज्‍यागक्‍की मीस्‍सीर् हीम्‍बल युङ्‌गेन् बेत्।

मत्‍ती 6:30

ॱवे छ्‌य गन्‍दीक्‍म मीत् स्‍योक्‍केन्‍सो। हरीङ् कीनी, नेम्‍बेत् मील ॱहे तोङ्‌गेङ्‌गी ॱङोमक्‍ल आक् त को़न्‍ज्‍योक्‍की नुक्‍मे घो़ को़ङ्‌गुक् सीन्‍न ॱनी, हुले ॱसुम्‍ब खीत्‍रङ् चा छ्‌यीया ॱसम्‍न को़ङ्‌गेन् मेम्‍बेक्‍क ॱनी?

१ कोरीन्‍थी 7:31

ॱनी जम्‍बुलीङ् हीदु मी मीजील घन्‍ड लालोक् झ्‍यीन खो़गो़दङ् हुल नन्‍दक्‍की फङ मीप्‍प डस्‍सी झ्‍यीन युङ् गोगेन् बेत्। घन्‍ड हीन् सीन्‍न हन्‍देङ्‌गी जम्‍बुलीङ् हीगी छ्‌यक्‍लुङ् लेलुङ् घयेत् कुरीक् ये डोगेन् बेत्।

फीलीप्‍पी 3:8

ॱनी धो़न् ङोम दी ङे चोव ज्‍यीन्‍दक् ख्रीष्‍ट् येशु ङु ॱस्‍यीब हुगो चा छ्‌यीस्‍स्‍योल ॱनेगुक्। खोङ्‌दङ् ङोस्‍स्‍यीन् युङ धङ् खोङ्‌दङ् मत् ढेब हील तेन, ङे ॱएङ्‌गी ले घयेत् हुगो घी़न्‍नक् धङ् धो़म्‍मीक्‍की ले जेङ् झ्‍यीब हीम्‍ब छोर्कुक्। खोङ्‌गी धो़ल्‍ल हुगो कुरीक् फङ् छरेन्।

१ तीमोथी 6:17

जम्‍बुलीङ्‌दु नोर् गज्‍येन् यो़प्‍प च्‍येम्‍मसो, ज्‍यीङ्‌ब बोम्‍बु मत् झ्‍यीज्‍यीत्। फु ॱमीत् तक्‍केन् हुन्‍दुक् झ्‍यीबे नोर्ल ॱलो ॱमत् को़ब, बोर हज्‍यरङ्‌ल गस्‍सी युङल मो़त् ढाब कुरीक् ॱनङ्‌गेन् को़न्‍ज्‍योक्‍ल ॱलो को़ज्‍यीत् सीन्‍न ॱस्‍यो़त्।

याकुब् 4:14

खीत्‍रङ्‌गी मीजील नेम्‍बेत् घन्‍ड युङ्‌गो़दङ् हुगो ॱस्‍यो़च्‍च्‍ये मीप्‍प बेत्। खीत्‍रङ्‌गी छी दी ॱमुब डस्‍सी बेत्। हुगो ॱरीप् घङ्‌ल ये छुगेन् बेत्।

१ पत्रुस् 1:24

घन्‍ड हीन् सीन्‍न ॱसुङ्‌रप्‍ल कोलीमी घयेत् कुरीक् ॱङोमक्‍तङ् छ्‌येत्‍मीत् बेत्। ॱनी कोलीमील युङे पम्‍सो दी ॱङोमक्‍की मीन्‍दोक्‍तङ् छ्‌येत्‍मीत् बेत्। ॱङोमक् दी कम्‍नी, हुगी मीन्‍दोक् दी इक् घोक्‍न ये डोगेन् बेत्।

१ युहन्‍ना 2:17

जम्‍बुलीङ् धङ् जम्‍बुलीङ्‌न यो़क्‍केन् धेत्‍मो़ हुन्‍दुक् झ्‍यीबे ढङ् घयेत् कुरीक् ये डोगेन् बेत्। ॱनी को़न्‍ज्‍योक्‍की थुल यो़प्‍प झ्‍यीक्‍केन् घयेत् दीरङ् क मीत् येब, धी़ ज्‍यी़न्‍दु दो़क्‍केन् बेत्।