याकुब् 1:1 - ल्होमी1 को़न्ज्योक् धङ् चोव ज्यीन्दक् येशु ख्रीष्ट्की ॱयोक्पु ङ याकुब्गी खीत्रङ् लुङ्ब ॱसोस्सोल धर्न दो़क्केन् दुङ्ज्यी़त् च्युन्नीबुल छ्यक्सुम् थेमु यो़दो। Faic an caibideil |
याकुब् 1:1
41 Iomraidhean Croise
ॱनी हुल खोङ्गी ङे खीत्रङ्ल गन्दीय ॱस्येत् योङ्। धी़ ॱसम्ब ॱस्यर्न, कोलीमीगी ॱरेबु रोरङ्गी तो़त्वङ् च्येम्मे ओ़च्च्यल ॱवङ् च्येम्मे स्युडील जेन दो़क्केन् बेत्। ॱनी हुगी यङ्ल ङे लम्ल युङ्गेन् खीत्रङ्सो ओक् ॱवङ् च्येम्मे स्युडी च्युन्नील जेन इस्राएल्की ज्यी़त् च्युन्नीबुल ॱवङ् च्योङ्गेन् बेत्।
हुनी पत्रुस्की हुगी मी घयेत् दील ॱहरक्प दो़त् सीन्न लाद ज्युर्न चोव ज्यीन्दक्की रोरङ् चो़ङ्गङ्नी घन्दुक् झ्यीन तो़म्ब बेक्क हुगो कुरीक् ॱस्येत्न टेप्प बेत्। हीगी तम् हीगो याकुब् धङ् पी़न्ज्या ॱयोङ्म घयेत्ल ॱस्यो़त्ल टो़त् सीन्न ॱङान स्यक्नी, हुनी पत्रुस् ॱयोङ्ल टप्नर बेत्।
हुदु एल्ला गोत्त ज्यी़त् ॱयोङ्गी मीदङ् मुल देत्न छीगङ् सम सेबे मी यङ् तीङ्ला यरुशलेम्नी याकुब् च्यानी यहुदी ज्यी़क्की मी यरी युङ्नी, गोत्त ज्यी़त् ॱयोङ्गी, एन्टीयोक्की पी़न्ज्या घयेत्तङ् भीज्येम ॱयेङ्दुक्। घन्ड हीन् सीन्न दक् ज्यक् गोगेन् बेत् सीक्केन् यहुदी ज्यी़क्की पी़न्ज्या घयेत्ल ज्यीबे, हुन्दुक् झ्यीदुक्।
ॱनी को़न्ज्योक्की थुज्यीगी ङ घन्दुक्मे लेल को़ब बेक्क हुगो चो छ्यीया छ्यो़ छोगी का धोम्बु डस्सील ॱसम्न यो़क्केन् याकुब्, पत्रुस् धङ् युहन्ना झ्यीबे हुनी क ॱह घोसोङ्। खोबसो यहुदी घयेत् च्येल्ल डोवल धङ् यङ् ङदङ् बार्नाबास् ज्यी़त् ॱयोङ् ॱयोङ्गी मी च्याल डोवल छ्य च्यीक्की मी हीम्ब ॱसम्न ङीत्ल खोबसो़ लक्प ॱयेब तङ्न थी़न्डीक् झ्यीज्युङ्।
Sanasan