हीब्रु 6:1 - ल्होमी1-2 हुगो झ्यीनी ख्रीष्ट्की ढीक्की केच्च्य गोम क क आमे ॱलोप्सदङ् छ्येत्मीत् फीच्च्य यङ् ॱसप्तेन् तीङ्गेङ्गी लेमु डस्सी मत् झ्यीदोङ्। ॱस्यीस्सल च्यो़गेङ्गी ले घयेत् ॱलो़ तङ्न ॱसीम् ज्युर् गोगेन्, को़न्ज्योक्ल छ्य स्योक् गोगेन्, ठी़ ज्यक्केन् बप्तीस्की लेमु घयेक्की ढीक्की ॱलोप्स, लक्पे ॱवङ् को़बे ढीक्की ॱलोप्स, ॱस्यीनी यङ् ॱसोम्बुल लोङ्गेङ्गी ॱलोप्स धङ् फुगी ढीक्ल छ्येप्प फोक्केन् हीम्बे ॱलोप्स हुन्दुक् झ्यीब हुगो कुरीक् क क आमे ॱलोप्स डस्सीरङ् बेत्। उजो़त् च्यीक्की ॱमीत् छ्येप्प, धो़न् कुरीक् ॱस्यीन फी़न्सुम् छङ युङ झ्यीत् गोगेन् बेत्। Faic an caibideil |
हीब्रु 6:1
50 Iomraidhean Croise
ॱनी खीत्रङ् च्येन्नी युङे मी ख्रीष्ट् येशुगी ॱयोक्पु इपाफ्रास्की खीत्रङ्ल छ्यक्सुम् थेमु सीगुगो। को़न्ज्योक्की थुल यो़प्पे केच्च्य दी खीत्रङ्गी कुरीक् ॱह घोज्ये यो़प्प धङ् फी़न्सुम् छङल ॱसोङ्न खोङ्गी लम्ल तेम्बर् झ्यीन डो छुज्ये यो़प्पल इपाफ्रास्की खीत्रङ्गी ढीक्ल छीगङ् गन्दीक्म ॱसुव तोप्कुगो।
हज्यरङ्गी छ्यो़लुगी धो़न् हीगो तीङ् सप्पोक्म ॱह लेसी यो़प्प कुरीक्की छोर्केन् बेत्। ख्रीष्ट् कोलीमील कीन थो़न्न युङ बेत्। खोङ् धक्पर् हीम्ब धम्बे थुगी तो़म्ब बेत्। खोङ् तेङ् यी़गी भङ्ज्येम्ब घयेक्की इक् थोङ बेत्। ज्यी़त् ज्यी़त् घयेक्की घुङ्दु खोङ्गी ढीक्की केच्च्य घयेत् ॱस्येत्न टम्ब बेत्। जम्बुलीङ्गी मी गज्येङ्गी खोङ्ल छ्य स्यक्प बेत्। हुनी खोङ् तो़त्वङ्गी ओ़च्च्ये ॱसज्य इगीनल ठीक्नर बेत्।
ॱनी हीन्न अक्, को़न्ज्योक्की ॱसप्तेन् तीङ दी तेम्बोक्म यो़क्केन् बेत्। हुल हीन्दुक् झ्यीबे इक्टी़ पर् थो़त्न यो़क्केन् बेत्। खोङ् रोरङ्गी मी दी ॱसु ॱसु हीन्दङ् हुगो चोव ज्यीन्दक्की ङु ॱस्यीगेन् बेत् सीर धङ् (ढङ्ज्युक् १६:५) चोव ज्यीन्दक्की छेन् डेन् ज्यक्केन् दी ॱसु दुक्क हुगी मत् ढङागी ढङ् घयेत् फोङ्ज्यीत् सीर यो़क्केन् बेत्।
छ्य स्यक्पे लम्नी मेन्द, को़न्ज्योक् थु मीत् गुगेन् बेत्। हीगो झ्यीनी को़न्ज्योक्की ढुङ्दु ॱसु युङ्गो़दङ् हुगी को़न्ज्योक् ॱङो़न्ने यो़प्प दील छ्य स्योक् गोगेन् बेत्। हुनी खोङ् चर च्येत्न युङ्गेन् घयेत्ल खोङ्गी लेन् ॱनङ्गेन् बेत् ॱनो़ब हीम्बल अक् हुगी छ्य स्योक् गोगेन् बेत्।
इस्राएली मीमङ् घयेत्ल ॱनङे छ्यो़डीम् हुगी नङ्ल लेवीगी ज्यी़त् छ्यो़प्पो़न् घयेक्की ढीक्ल अक् क धङ् लुस गज्येन् यो़क्केन् बेत्। ॱनी हुगी लुसे लम्नी हज्यरङ् फी़न्सुम् छङल थो़न् छुब हीन्न ॱनी, यङ् हारुन्गी लुसल मेम्ब, मल्कीसेदेक्की लुसल छ्यो़प्पो़न् ॱयोङ्म घन्डल युङ् गो़ ॱस्यर बेक्क ॱनी?
ॱनी हीले ज्यीक्पा हज्यरङ् ॱस्यीस्सल च्यो़गेङ्गी हज्यरङ्गी मत् ओ़बे ले झ्यीबे ॱनोङ् घयेत् दी ख्रीष्ट्की ठक्की टी़न धक्तु ची़क्केन् बेत्। हुनी क हस्सो़त् ॱसोम्बु हीम्बे को़न्ज्योक्ल हज्यरङ्गी धेप्प झ्यीत् छुगेन् बेत्। ॱनी हीगो धी़ ज्यी़न्दु स्युगेन् धम्बे थुगी रोरम् जेत्न, नक्चक् मीप्प ख्रीष्ट्की खोङ् रोरङ्गी ॱरोक् को़न्ज्योक्ल पुबे लम्नी झ्युङ बेत्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
Sanasan