हुनी पावल् धङ् बार्नाबास्की ज्यीक्टक् मीप्प, लेम्बु ॱलोक्न यहुदी घयेत् दील को़न्ज्योक्की केच्च्य हीगो गोम ॱएन्स्युक्ल खीत्रङ् यहुदी घयेत्ल ॱस्यो़त् गो़ ॱस्यर्च्युङ्। ॱनी खीत्रङ्गी हील मेम्बेत् सीन्न फु तक्पे छी थोबल खीत्रङ्गी खीत्रङ् मीत् ओ़बल सो़सोङ्। तेदे, ह ङीत् ॱनी ज्यी़त् ॱयोङ् ॱयोङ्गी मी घयेत्ल ॱस्यो़त्तु डोगेन्।
हीब्रु 4:2 - ल्होमी2 धङ्बु हुब घयेक्की ॱह घोव डस्सी हज्यरङ्गी इक् केच्च्य ॱनेम्बु ॱह घोव बेत्। ॱनी हुबे म दी रोरङ्सो़ घोवे केच्च्य दील छ्य मत् स्यक्पल हुबल हुगो ॱमत् फेम्ब बेत्। Faic an caibideil |
हीब्रु 4:2
20 Iomraidhean Croise
ज्यी़त् ॱयोङ् ॱयोङ्गी मी इक् छ्य स्यक्पे लम्नी को़न्ज्योक्की ॱनम्बर् धक्पल तो़ङ्गेन् सीक्केन् हीगो एल्लानीरङ् खोङ्गी थुल यो़क्केन् झ्यीनी, ॱसुङ्रप्ल हीगो थो़ङ्गेन् बेत्। को़न्ज्योक्की अब्राहाम्ल रङ्गी लम् ज्यी़त्नी ज्यी़त् रीदङ् रील ॱमेल्लम् ॱनङ्गेन् सीन्न केच्च्य ॱनेन्सी ॱस्येप्प बेत्। (छ्यारप् १२:३)
ङीक्की हुदु ॱस्येप्पे केच्च्य दील खीत्रङ्गी हीगो मी केच्च्य मेम्ब, को़न्ज्योक्की ॱसुङ्स्येत् बेत् ॱनो़ब ॱसम्न नेन्सोङ्। ॱनी हुगो खुङ्देन् को़न्ज्योक्की ॱसुङ्स्येत् दीरङ् बेत्। ॱनी हीगी खीत्रङ् छ्य स्योक्केन् घयेक्की ॱसीम्ल फेन् थोगेङ्गी ले डुप्केन् बेत्। हीगी ढीक्ल अक् ङीक्की को़न्ज्योक्ल छीगङ् थु छ्यी पु पुब झ्यीक्को़त्।
छ्य स्यक्पे लम्नी मेन्द, को़न्ज्योक् थु मीत् गुगेन् बेत्। हीगो झ्यीनी को़न्ज्योक्की ढुङ्दु ॱसु युङ्गो़दङ् हुगी को़न्ज्योक् ॱङो़न्ने यो़प्प दील छ्य स्योक् गोगेन् बेत्। हुनी खोङ् चर च्येत्न युङ्गेन् घयेत्ल खोङ्गी लेन् ॱनङ्गेन् बेत् ॱनो़ब हीम्बल अक् हुगी छ्य स्योक् गोगेन् बेत्।
ॱनी हुबे ॱस्येप्पे कलुङ् दी रोरङ्सो़ फेन्दोगी ढीक्ल मेम्ब, हुगो दङ् हरीङ् हज्यरङ्गी ढीक्ल धङ्बुदु को़न्ज्योक्की हुबल तो़न्न ॱस्यो़त्तु ची़प्प बेत्। ॱनी हुगो दङ् हरीङ्गी केच्च्य ॱनेम्बु हील डोगेन् बेत्। ॱनी दङ् हरीङ् हीगो ॱस्येत्न टोम्गेन् घयेत्ल तेङ् यी़नी तङे धम्बे थुगी दगु जेत्नी, हुबे खीत्रङ्ल हीगो जेङ् ॱस्येत्न यो़क्केन् बेत्। ॱनी हीगी केच्च्ये धो़न् हील तेङ् यी़गी भङ्ज्येम्ब घयेक्की इक् दो़न्दो़त् तगीन् थेप्प झ्युङ बेत्।
Sanasan