हीब्रु 3:12 - ल्होमी12 पी़न्ज्यासो, च्यङ्जो़त् झ्यीन दो़च्च्यीत्। ॱसीम् अयेक्प धङ् ॱलो ॱमत् खीब झ्यीन ॱसोम्बु हीम्बे को़न्ज्योक् च्यानी भीन डोगेन् हुब डस्सी खीत्रङ् ॱसु उक् युङ्ज्ये मीप्प झ्यीज्यीत्। Faic an caibideil |
हीब्रु 3:12
37 Iomraidhean Croise
खीत्रङ् च्यङ् थोन दो़च्च्यीत्। घन्ड हीन् सीन्न खीत्रङ् यरी सुङ्न ठीम्सल च्यो़गेन् बेत्। यहुदीगी छ्यो़गी छोगङ् घयेक्की नङ्दु दुङ्गेन् बेत्। ॱनी खीत्रङ् पेम्बु छ्यीम्मु धङ् ज्याबु घयेत् च्याल सुङ्न ठीक्केन् बेत्। ॱनी हुदु ङे ढीक्ल दीम्बरङ् बेत् सीन्न ॱस्यो़त् गो़ ॱस्यर्केन् बेत्।
च्यङ् थोन दो़च्च्यीत्। को़न्ज्योक्की घन्ड ॱसुङ्गो़दङ् हुल खीत्रङ् ॱअप्स्यी़त् मीप्प मत् झ्यीज्यीत्। धङ्बु इस्राएली घयेत्ल खोङ्गी सीनै लदोक्तु ॱसुङे ॱसुङ्स्येत्ल हुबे ॱअप्स्यी़त् मत् झ्यीबल हुब ॱमत् थर बेत्। ॱनी हुब अक् त ॱमत् थरे ॱनी, हुन्दो तेङ् यी़नी मल्ल ॱसुङ्गेन् येशुल हज्यरङ्गी तक् तो़न्न ॱसुम्ब घन्दुक् झ्यीन थर्केन्?
ॱनी हीले ज्यीक्पा हज्यरङ् ॱस्यीस्सल च्यो़गेङ्गी हज्यरङ्गी मत् ओ़बे ले झ्यीबे ॱनोङ् घयेत् दी ख्रीष्ट्की ठक्की टी़न धक्तु ची़क्केन् बेत्। हुनी क हस्सो़त् ॱसोम्बु हीम्बे को़न्ज्योक्ल हज्यरङ्गी धेप्प झ्यीत् छुगेन् बेत्। ॱनी हीगो धी़ ज्यी़न्दु स्युगेन् धम्बे थुगी रोरम् जेत्न, नक्चक् मीप्प ख्रीष्ट्की खोङ् रोरङ्गी ॱरोक् को़न्ज्योक्ल पुबे लम्नी झ्युङ बेत्।
Sanasan