हीब्रु 3:1 - ल्होमी1 हुगो झ्यीनी इगी तेङ् यी़न स्युगेङ्गी भो़न यो़प्पे ङे पी़न्ज्या चङ्म घयेस्सो, येशुगी ढीक्ल ॱसम्ल तोङ्ज्यीत्। खोङ् हज्यरङ्गी बेत् सीन्न सीक्केङ्गी छ्यो़लुगी छ्यो़प्पो़न् चो छ्यीस्स्यो धङ् को़न्ज्योक्की को़न तङे कुजब दी बेत्। Faic an caibideil |
हीब्रु 3:1
63 Iomraidhean Croise
धेन्द झ्यीन ॱसो़बे ओलीप्की दोङ्बी़ यल्लक् यरी चप् तङ बेत्। हीगी दोङ्बु हीगो यहुदीगी ज्यी़त् बेत्। ॱनी ज्यी़त् ॱयोङ्गी मी रङ् रीगल यो़क्केङ्गी ओलीप्की दोङ्बी़ यल्लक् बेत्। ॱनी हीन्न अक्, रङ् म दी ॱसो़बे दोङ्बी़ चवल थी़त्न, हुगी यल्लक् घयेत्तङ् दल थी़त्न यो़क्केन् बेत्। ॱनी हुगी दोङ्बी़ ॱङीङ्ज्यु दी रङ्ल अक् ज्युक्केन् बेत्।
हीगो रोसो़ ॱलो़लङ्गी दी़न स्यक्तुक्। ॱनी म दी हुबल यहुदी घयेक्की ढीन् छक्न यो़क्केन् बेत्। घन्ड हीन् सीन्न ज्यी़त् ॱयोङ् ॱयोङ्गी मी घयेत्ल ॱसीम्ल फेम्बे ॱमेल्लम् घयेत् दी यहुदी घयेत् च्येन्नी युङ बेत्। हीगो झ्यीनी यहुदी घयेत्ल सी़ल फेम्बे खोज्येत् घयेत् दी ज्यी़त् ॱयोङ् ॱयोङ्गी मी घयेक्की टो़त् गोगेन् बेत्।
खीत्रङ्गी ॱनङे ॱनङ्ज्येक्की ले हुगी खीत्रङ्गी धेप्प दी गस्सी यो़प्प हीम्ब कुरीक्की ॱह घो छुगेन् बेत्। हुनी ख्रीष्ट्की ढीक्की केच्च्य ॱनेम्बुल खीत्रङ्गी ख यच्च्येक्की छ्युवक् मेम्ब, क धङ् धम्ल चीन, लक् यङ्बोक्म झ्यीन हुब घयेत्ल धङ् हुनी ॱयोङ्माल आक् टेत्न, दगु झ्यीबे ढीक्ल हुब घयेक्की को़न्ज्योक्ल तो़प्प पुगेन् बेत्।
ॱनी हुगो डुप्च्ये यो़प्पल ङीत् छीगङ् खीत्रङ्गी ढीक्ल ॱसुव तप् तब झ्यीक्को़त्। को़न्ज्योक्की ॱस्यीक् ॱङीत्न, खीत्रङ्गी झ्यीच्च्ये ॱनो़बे गये ले घयेत् दी धङ् छ्य स्यक्पे लम्गी ले घयेत् दी कुरीक् डुप्न, हज्यरङ्गी को़न्ज्योक्की खीत्रङ् भो़ब हीम्ब दी ओ़ब युङ्ज्ये यो़प्प तोङ्।
छ्य स्यक्पे लम् दील रङ् खेजो़त् झ्यीन दुर्न ज्ये छुब झ्यीज्यीत्। एल्ला रङ्गी मी गज्येङ्गी दोङ्दु दीम्बरङ् छ्य स्योक्केन् हीन् सीन्न केच्च्य गस्सी ॱस्यो़प्पे यङ्ल रङ्ल थोप्न यो़प्पे फु तक्पे छी दी सुङ् सुङ झ्यीज्यीत्। को़न्ज्योक्की भो़च्च्ये दी इक् रङ् हीगी ढीक्लरङ् बेत्।
ॱनी हुगी दक्पु दी छ्य स्योक्केन् हीन्न ॱनी, हुगो ॱयोक्पु दीबे पी़न्ज्या च्यीक्प हीन् ॱनो़ब झ्यीन तो़प्प झ्यीच्च्ये दी नुङ्दु ॱमत् तोङ्ज्यीत्। हुगो छ्य स्योक्केन् धङ् झ्यम्बे मी झ्यीनी, बोर हुल ॱयोक्पु दीबे एल्लाले हरुङ् घो छ्यो़प्पा झ्यीत् गोगेन् बेत्। हीगी ॱलोप्स घयेत् हीगो हुबल गन्दीक्म ज्यप्न टो़च्च्यीत्।
दङ् हरीङ्गी हीगी गागी ढङ्गी लेमी़ छ्यो़प्पो़न् चो छ्यीस्स्यो दील ख्रीष्ट् खो़त्न यो़क्केन् बेत्। ॱनी खोङ् कोलीमी लक्पे सो़बे घुर्की छ्यो़गङ्ल मेम्ब, हीले चा छ्यीया धङ् छङा यो़क्केङ्गी छ्यो़गङ्ल स्युन यो़क्केन् बेत्। ॱनी हीगी छ्यो़गङ् हीगो छ्यादु ची़प्पे जम्बुलीङ्गी नङ्ल मीत् युङ्गेन् बेत्।
कगो़त् धम्स्यक् ॱएम्मा हुल ङीनरे मी घयेत् ख्रीष्ट् ढोङ्नी क, हुगी ङीबे लक्नी ॱली़ब बेत्। ॱनी हीगी ढीक्ल को़न्ज्योक्की भो़बे मी घयेत्ल खोङ्गी थर्वे फक् ॱनङे छ्यो़त्तुम् जेप्प दी फुगी ढीक्ल थोप्च्ये यो़प्पल कगो़त् धम्स्यक् ॱसम्ब स्योङ्गेन् ॱअर्की मी दील ख्रीष्ट् झ्युङ्न यो़क्केन् बेत्।
खीत्रङ् हुब डस्सी मेम्ब, को़न्ज्योक्की दम्बे मीस्सीर्, ख्रीष्ट् ज्याबी़ छ्यो़प्पो़न्, को़न्ज्योक्की खोङ् रोरङ्गी ढीक्ल पी़प्पे ज्यी़त् धङ् खोङ् रोरङ्गी दुङ्ज्यी़त् बेत्। खीत्रङ् खो़च्च्ये दी खीत्रङ् मेन्नक्नी यम् छेम्मे मेङ्गल भो़क्केन् को़न्ज्योक्की जेप्पे ले छ्यीम्मु घयेत् मी कुरीक्ल ॱस्यो़च्च्येगी ढीक्ल बेत्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
हुनी हुब कुरीक् छ्य झ्यीन लुक्टुक्की डल लोङ्न ॱमक् थुक्तु डोगेन् बेत्। ॱनी ॱमक् दील लुक्टुक् ज्यला थो़न् डोगेन् बेत्। घन्ड हीन् सीन्न खोङ् चो छ्यीया घयेक्की इक् चोव ज्यीन्दक् धङ् ज्याबु घयेक्की इक् ज्याबु बेत्। ॱनी खोङ्गी दम्न भो़ब तेम्बोक्म दो़क्केन् घयेत् हुगी यङ्ल खोङ्दङ् दल ज्यला थो़न्न युङ्गेन् बेत् सीच्च्युङ्।
Sanasan