हीब्रु 2:9 - ल्होमी9 ॱनी हीन्न अक्, म दी यङ् येशुगी ॱवङ्गी होक्ल यो़प्प दी हज्यरङ्गी हुन्दोरङ् थोङ्गीन् यो़क्केन् बेत्। को़न्ज्योक्की थुज्यीगी ढो़ल यो़प्पल मीरङ् रीदङ् रीगी धो़ल्ल खोङ् ढोङ् ढोङ् थुक्ल खोङ्ल दुक्स्यी गुर्च्ये यो़प्पल को़न्ज्योक्की तेङ् यी़गी भङ्ज्येम्ब घयेत्ले ॱरीप्चो़त् च्यीक् खोङ् च्युङाल स्यक्न युङ बेत्। हुनी यङ् खोङ्ल तो़प्प तो़त्न तो़त्वङ्गी ओ़च्च्य झ्युङ बेत्। Faic an caibideil |
हीब्रु 2:9
39 Iomraidhean Croise
हीगी लेल्ल हुगी यहुदी छ्यीया दीबे येशुल रङ्ल ॱनो़प्प अयेक्प दीरङ् स्यीन्न खुर्तुक्। ह त ङीक्की दीम्बरङ् ॱह घोज्युङ्। पुबु अब्राहाम् ढोङ् छर। ॱनी धङ्बी़ कलुङ् ॱस्यो़क्केन् घयेत् एत् ढोङ् छर। ॱनी खोक्की घन्दुक् झ्यीन ङे केच्च्यल नेन्न झ्यीक्केन् दी नम्ल अक् ॱमीत् ॱस्यीय यो़त् सीक्केन्?
कोलीमीगी ली़सीम् हीगो योक्या यो़क्केन् झ्यीनी, छ्यो़डीम्गी लम्नी घङ् डुप् ॱमत् छुब यो़प्प दी को़न्ज्योक्की खोङ् रोरङ्गी ॱरेबु दीक्पे ॱस्याबल तङ्न युङ्न डुब बेत्। खोङ् कोलीमी दीक्च्येङ्गी ली़ डस्सील युङ्न, कोलीमी ली़सीम्ल यो़प्पे दीक्पे लेल्ल फोक्केङ्गी छ्येप्प दी को़न्ज्योक्की खोङ्ल केब बेत्।
छ्य स्योक्केन् घयेक्की लम्बा ॱङो़म फी़न्सुम् छङल सोगेन् खोङ् येशुल हज्यरङ्गी ॱसीम्बे फोरी तेन ज्युदोङ्ज्यीत्। खोङ्ल दुक्स्यी छ्यीम्मु नोङे यङ्ल खोङ्गी इक् तीङ्मागी ॱसीम् गव युङ्गेन् दील तेनी, कुरुस्तु ॱम पबल तव मत् झ्यीब, हुगो गुर बेत्। हुन्दो खोङ् को़न्ज्योक्की ॱवङ् च्येम्मे स्युडीगी ॱये छ्योन स्युन यो़क्केन् बेत्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan