हीब्रु 2:2 - ल्होमी2 धङ्बु को़न्ज्योक्की खोङ् रोरङ्गी तेङ् यी़गी भङ्ज्येम्ब घयेक्की लम्नी घङ् ॱसुङे केच्च्य घयेत् दी धक्तेन् यो़क्केन् बेत्। हुगो झ्यीनी ॱसी़ हुगी कल ॱमत् चीयेक्क, ॱसी़ हुल ॱमत् ॱसम्बेक्क हुल ओ़बे छ्येप्प हुबल फोक्प बेत्। Faic an caibideil |
हीब्रु 2:2
29 Iomraidhean Croise
हुगो हीन्न ॱनी, छ्यो़डीम् हुगो घन्डे धो़ल्ल ॱनङ बेक्क? हीगो मी घयेक्की रोरङ्सो़ ङीब झ्यीब घयेत् ॱह घोज्ये यो़प्पे ढीक्ल तीङ्ला क ॱनङ बेत्। छ्यो़डीम् हुगो अब्राहाम्ल रङ्गी ज्यी़त् च्यीक्ल ॱमेल्लम् ॱनङ्गेन् झ्यीबे ज्यी़त् दी नम् झ्यो़न् झ्यो़न् थुक्की ढीक्लरङ् स्यक्प बेत्। हीगो को़न्ज्योक्की खोङ् रोरङ्गी तेङ् यी़गी भङ्ज्येम्ब घयेक्की लम् ज्यी़त्नी ॱअर्की मी लक्ल ॱनङ्न, हुनी मीमङ्ल झ्युङ बेत्।
छ्य स्यक्पे लम्नी मेन्द, को़न्ज्योक् थु मीत् गुगेन् बेत्। हीगो झ्यीनी को़न्ज्योक्की ढुङ्दु ॱसु युङ्गो़दङ् हुगी को़न्ज्योक् ॱङो़न्ने यो़प्प दील छ्य स्योक् गोगेन् बेत्। हुनी खोङ् चर च्येत्न युङ्गेन् घयेत्ल खोङ्गी लेन् ॱनङ्गेन् बेत् ॱनो़ब हीम्बल अक् हुगी छ्य स्योक् गोगेन् बेत्।
च्यङ् थोन दो़च्च्यीत्। को़न्ज्योक्की घन्ड ॱसुङ्गो़दङ् हुल खीत्रङ् ॱअप्स्यी़त् मीप्प मत् झ्यीज्यीत्। धङ्बु इस्राएली घयेत्ल खोङ्गी सीनै लदोक्तु ॱसुङे ॱसुङ्स्येत्ल हुबे ॱअप्स्यी़त् मत् झ्यीबल हुब ॱमत् थर बेत्। ॱनी हुब अक् त ॱमत् थरे ॱनी, हुन्दो तेङ् यी़नी मल्ल ॱसुङ्गेन् येशुल हज्यरङ्गी तक् तो़न्न ॱसुम्ब घन्दुक् झ्यीन थर्केन्?
हुगो झ्युङ थोङ्नी धङ्बु कलुङ् ॱस्यो़क्केन् घयेक्की ॱङो़स्स्यीगी केच्च्य घयेत् हुगो दीम्बरङ् बेत् ॱनो़ब ङीक्की ॱह घोज्युङ्। हुगी ॱङो़स्स्यीगी केच्च्य घयेत् हुगो मेन्नक्ल पेक्केन् बत्तीदङ् छ्येत्मीत् झ्यीनी, थोरङ् कच्च्येन् ॱस्यर्न युङदङ् छ्येत्मीत् ख्रीष्ट् फीच्च्य झ्यो़न्न, नम् खीत्रङ्गी ॱसीम्ल नम् लोङ् लोङ् थुक्ल खीत्रङ् हुल धोनङ् झ्यीज्यीत्। हुन्दुक् झ्यीन खीत्रङ्गी धोनङ् झ्यीन ॱनी, हुगो फेन्सी युङ्गेन् बेत्।
Sanasan