हीब्रु 2:10 - ल्होमी10 मी गज्येन् को़न्ज्योक्की भीज हीम्बल सो़न तो़त्वङ्गी ओ़च्च्य झ्यीस्सल ठीक्केन् दी खोङ् बेत्। हीन घङ् यो़प्प घयेत् हीगो जेङ् को़न्ज्योक्की खोङ् रोरङ्गी ढीक्ल धङ्बु छ्यादु ची़प्प बेत्। ॱनी येशु मी घयेक्की थर्वे लम्बाल युङ्ज्ये यो़प्पल खोङ्गी दुक्स्यी गुर हुगी लम्नी को़न्ज्योक्की फी़न्सुम् छङल सो़ब बेत्। Faic an caibideil |
हीब्रु 2:10
46 Iomraidhean Croise
ॱनी यो़त्न अक्, म दी हज्यरङ्ल यप् को़न्ज्योक् दी च्यीगी च्यीक् मेन्द, ॱयोङ्म मीप्प बेत्। ॱनी खोङ् च्यानी क हस्सो़त् छङ्म थम्ज्येत् झ्युङ्न यो़क्केन् बेत्। ॱनी हज्यरङ् घयेत् एत् खोङ्गी ढीक्ल खो़त्न यो़क्केन् बेत्। हज्यरङ्ल चोव ज्यीन्दक् दी च्यीगी च्यीक्रङ् यो़क्केन् बेत्। हुगो येशु ख्रीष्ट् बेत्। ॱनी खोङ्गी लम्नी क हस्सो़त् छङ्म थम्ज्येत् झ्युङ्न, हज्यरङ् घयेत् एत् खोङ्गी लम् ज्यी़त्नीरङ् झ्युङ्न यो़क्केन् बेत्।
छ्य स्योक्केन् घयेक्की लम्बा ॱङो़म फी़न्सुम् छङल सोगेन् खोङ् येशुल हज्यरङ्गी ॱसीम्बे फोरी तेन ज्युदोङ्ज्यीत्। खोङ्ल दुक्स्यी छ्यीम्मु नोङे यङ्ल खोङ्गी इक् तीङ्मागी ॱसीम् गव युङ्गेन् दील तेनी, कुरुस्तु ॱम पबल तव मत् झ्यीब, हुगो गुर बेत्। हुन्दो खोङ् को़न्ज्योक्की ॱवङ् च्येम्मे स्युडीगी ॱये छ्योन स्युन यो़क्केन् बेत्।
ॱनी हुबे ॱस्येप्पे कलुङ् दी रोरङ्सो़ फेन्दोगी ढीक्ल मेम्ब, हुगो दङ् हरीङ् हज्यरङ्गी ढीक्ल धङ्बुदु को़न्ज्योक्की हुबल तो़न्न ॱस्यो़त्तु ची़प्प बेत्। ॱनी हुगो दङ् हरीङ्गी केच्च्य ॱनेम्बु हील डोगेन् बेत्। ॱनी दङ् हरीङ् हीगो ॱस्येत्न टोम्गेन् घयेत्ल तेङ् यी़नी तङे धम्बे थुगी दगु जेत्नी, हुबे खीत्रङ्ल हीगो जेङ् ॱस्येत्न यो़क्केन् बेत्। ॱनी हीगी केच्च्ये धो़न् हील तेङ् यी़गी भङ्ज्येम्ब घयेक्की इक् दो़न्दो़त् तगीन् थेप्प झ्युङ बेत्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
Sanasan