हीब्रु 13:9 - ल्होमी9 मीत् डीक्केङ्गी ॱलोप्स यो़च्चो़त् ज्यबल नेन्न खीत्रङ् ॱमत् छ्यी़ज्यीत्। समे ढीक्ल यो़प्पे क घयेत्ल चीन युङे लम्नी हज्यरङ् डम्दु मीत् डोगेन् बेत्। हज्यरङ् डम्दु दील को़न्ज्योक्की थुज्यी ॱनङ्नी क, हस्सो़त् युङ्गेन् बेत्। हुन्दुक् झ्यीबे कल चीन युङे मी घयेत्ल हुगी फेन् ॱमत् थोब बेत्। Faic an caibideil |
हीब्रु 13:9
35 Iomraidhean Croise
ॱनी यरीगी यङ् सम ढोप्पे ढीक्ल धङ् ढोप्प समे ढीक्ल बेत् सीक्केन् बेत्। हीम्ब त हुगो बेत्। ॱनी हीन्न अक्, हुगो ॱङीक्कर् को़न्ज्योक्की मीप्पल तङ् तोङ्गेन् बेत्। हज्यरङ्गी सी़ हीगो छ्ये ज्युक्पे ढीक्ल मेम्ब, चोव ज्यीन्दक्ल घो छ्यो़प्प युङे ढीक्ल बेत्। हज्यरङ्गी सी़ दी इक् चङ्म युङे ढीक्ल चोव ज्यीन्दक् झ्यो़म्ब बेत्।
पी़न्ज्यासो, खीत्रङ्गी घुङ्दु मी च्यीक्की ङीब झ्यीप्प खीत्रङ् ॱयोङ्गी ॱह घोन ॱनी, धम्बे थुगी ठीक्पे लम्ल तेम्बोक्म डोगेन् घयेत् दीबे ॱम ॱयुङ्बोक्म झ्यीन हुगी मी दी ॱएङ्गी लम्ल ॱलोक् गोगेन् बेत्। ॱनी हुब रोरङ्सो ओक् ॱनोम्ज्युङ् झ्यीन च्यङ्जो़त् मत् झ्येन ॱनी, स्येन् रोरङ्सो ओक् छ्यी़न ङी छुगेन् बेत्।
चोव ज्यीन्दक् झ्यो़म्बे ङीन् दी ॱलीत् छर बेत् सीरल खीत्रङ् ॱसीम्दुक् मत् झ्यीज्यीत्। हुगी केच्च्य हुगो धम्बे थुगी तो़न्न ॱस्येप्प हीन्दोक्परङ् यो़त्, यङ् ङीक्की खनी ॱस्येप्प हीन्दोक्परङ् यो़त्, यङ् ङीक्की यीगील ढीन तङ हीन्दोक्परङ् यो़त्न अक्, हुल खीत्रङ् ओ़न् ॱमत् थोम्ज्यीत्।
खीत्रङ् नङ्दु झ्यम्बे झ्यील्लप् सये यङ्ल खीत्रङ्गी घुङ्दु हुब छ्युल नक्तुक् स्युब डस्सी यो़क्केन् बेत्। हुब ङु छय मीप्प, सय धङ् थुङल मो़स्सक् ॱस्यो़क्केन् रोरङ् च्यीक्पु ढो़क्कोक् केङ्गेङ्गी डोक्पा डस्सी, ॱलुङ्गी खुर् डोगेन् घो ॱमीत् छ्यो़क्की ॱमुब डस्सी, तो़म्बु डलु ॱमीत् छ्यागेङ्गी दोङ्बु डस्सी धङ् चवनी पीक्न पुर् तङे दोङ्बु ॱस्यीनरदङ् छ्येत्मीक्की मी हुब बेत्।
झ्यम्बे मीसो, हज्यरङ्गी थर्वे लम् दी च्यीक् बेत्। ॱनी हीगी थर्वे लम् हीगी ढीक्ल एल्लानीरङ् ङे यीगी च्यीक् ढीगीन् थेस्सी झ्युङ्। ॱनी हीगो को़न्ज्योक्की मी चङ्म घयेत्ल फुगी ढीक्ल ॱनङे छ्य स्यक्पे लम् दी खीत्रङ्गी तोर्तु ॱमत् ची़प्प, दक्पु झ्यीन हुल मीत् डीक्पे लेमु युङ्गेन् घयेत्तङ् थुक्च्यीत् सीन्न ॱलोप्स ज्यक्पे तीम्मल हीगो ढी गो़ झ्युङ्।
Sanasan