कोलीमीगी ली़सीम् हीगो योक्या यो़क्केन् झ्यीनी, छ्यो़डीम्गी लम्नी घङ् डुप् ॱमत् छुब यो़प्प दी को़न्ज्योक्की खोङ् रोरङ्गी ॱरेबु दीक्पे ॱस्याबल तङ्न युङ्न डुब बेत्। खोङ् कोलीमी दीक्च्येङ्गी ली़ डस्सील युङ्न, कोलीमी ली़सीम्ल यो़प्पे दीक्पे लेल्ल फोक्केङ्गी छ्येप्प दी को़न्ज्योक्की खोङ्ल केब बेत्।
हीब्रु 10:1 - ल्होमी1 हीगी छ्यो़डीम्गी लेमु घयेत् हीगो म ॱङो़म दी मेम्ब, तीङ्मा युङ्गेन् गागी ढीक्मक् च्यीक्रङ् बेत्। हीगो झ्यीनी छीगङ् लो रीम फो़स्स्यी छ्यो़प्पल ॱरोक् पु पुब झ्यीन अक्, हुगी छ्यक् छ्यो़प्प पुगेन् दी हुगी लम्नी नम्ल अक् को़न्ज्योक्की ढुङ्दु फी़न्सुम् छङल ॱमीत् थो़ङ्गेन् बेत्। Faic an caibideil |
हीब्रु 10:1
13 Iomraidhean Croise
इस्राएली मीमङ् घयेत्ल ॱनङे छ्यो़डीम् हुगी नङ्ल लेवीगी ज्यी़त् छ्यो़प्पो़न् घयेक्की ढीक्ल अक् क धङ् लुस गज्येन् यो़क्केन् बेत्। ॱनी हुगी लुसे लम्नी हज्यरङ् फी़न्सुम् छङल थो़न् छुब हीन्न ॱनी, यङ् हारुन्गी लुसल मेम्ब, मल्कीसेदेक्की लुसल छ्यो़प्पो़न् ॱयोङ्म घन्डल युङ् गो़ ॱस्यर बेक्क ॱनी?
छ्यो़प्पो़ङ्गी ले हुगो म दी इगी तेङ् यी़न यो़क्केन्, घुर्की छ्यो़गङ्गी लेमी़ ढीक्मक् डस्सी च्यीक्रङ् बेत्। ॱनी धङ्बु हीगी घुर्की छ्यो़गङ् सोये यङ्ल हुगो इगीगी दी डस्सी युङ्ज्येल को़न्ज्योक्की मोशाल रङ्ल ङे लदोक्तु तो़म्बे लेमु दी डस्सीरङ् ॱमत् ॱनोर, ठोक्क सो़ज्यीत् सीन्न ॱङाब हीङ्गो़प्प बेत्। (थो़म्ब २५:४०)
दङ् हरीङ्गी हीगी गागी ढङ्गी लेमी़ छ्यो़प्पो़न् चो छ्यीस्स्यो दील ख्रीष्ट् खो़त्न यो़क्केन् बेत्। ॱनी खोङ् कोलीमी लक्पे सो़बे घुर्की छ्यो़गङ्ल मेम्ब, हीले चा छ्यीया धङ् छङा यो़क्केङ्गी छ्यो़गङ्ल स्युन यो़क्केन् बेत्। ॱनी हीगी छ्यो़गङ् हीगो छ्यादु ची़प्पे जम्बुलीङ्गी नङ्ल मीत् युङ्गेन् बेत्।
Sanasan