गलाती 6:12 - ल्होमी12 खीत्रङ्ल यहुदीगी दक् ज्यक् गोगेन् बेत् सीक्केन् हुबे म दी सी़ल दक् हुगो ज्यप्न ॱनी, यहुदी घयेत् गुगेन् बेत्। हुब गुनी क, हस्सो़त् ख्रीष्ट् कुरुस्तु ढोङे केच्च्ये ढीक्ल दुक्प अयेक्प ॱमीत् तोङ्गो़ट्टो ॱनो़ब खुर्केन् बेत्। Faic an caibideil |
गलाती 6:12
22 Iomraidhean Croise
हीगो झ्यीनी खीत्रङ्गी टङ्बुल ज्यीम्ब तोङे यङ्ल छ्यीलेल नङ् मत् लेबे मी हुब डस्सी कुरीक्की ॱह घोस्सल तम्दो़क्की कङ्लीङ् भी़ब डस्सी मत् झ्यीज्यीत्। हुबे रोरङ्सोल मी घयेत् च्यानी तो़प्प युङ्ज्येल छ्यो़गी छोगङ्दु धङ् ॱसट्टक्तु उक् हुन्दुक् झ्यीन झ्यीक्केन् बेत्। ङे खीत्रङ्ल गन्दीय ॱस्येत् योङ्। हुबल उजो़त् च्यीक्रङ् बेत्। हुले ॱल्हक्मी़ ॱल हुबल ॱमीत् थोप्केन् बेत्।
खीत्रङ् ॱसुव तोबे यङ्ल छ्यीलेल नङ् मत् लेबे मी हुब डस्सी मत् झ्यीज्यीत्। हुबे रोरङ्सो मी घयेत्ल तो़न्ज्ये ॱनो़बे ॱसीम् खुर्न छ्यो़गी छोगङ्दु धङ् ज्यलम् ॱसुम्जोम्दु उक् टङ् टङ्ल लोङ्न ॱसुव तोप्केन् बेत्। खीत्रङ्ल ङे गन्दीय ॱस्येत् योङ्। हुबल थोब दी उजो़त् च्यीक्रङ् बेत्। हुले ॱल्हक्मी़ ॱल हुबल ॱमीत् थोप्केन् बेत्।
रोरङ्सो़ रोरङ्ल तो़क्केन् हुब घयेत् डस्सी ङीक्की मीत् झ्यीप्प यो़त्। ङीत् धङ् हुब ॱसु गय यो़प्प बेक्क हुगी ढीक्ल ङीत् नम् च्येत्न ॱमीत् त। घन्डे घुवे मी हुब रोरङ्सो़ रोरङ्सोल डीक्पे ॱनो़च्च्य सो़न ॱस्योक्क ज्यप्न हुबे रोरङ्सो गलो़त् यो़त्, रोरङ्सो़रङ् तेन नम् च्यो़क्केन् बेत्।
हुबे हुन्दुक् झ्यीन दीम्बे केच्च्य ॱनेम्बुल मीत् डीक्पे लुस झ्यीप्प ङे थोङ्नी हुदु ॱयोङ्म कुरीक्की थोङ्सदु ङे पत्रुस्ल रङ् यहुदी बेत्। ॱनी हीन्न अक्, यहुदीगी छ्यलु दी फङ्न स्यक्नी ज्यी़त् ॱयोङ्गी छ्यलु डस्सी रङ्गी झ्यीक्केन् बेत्। ॱनी यङ् रङ्गी हुन्दुक् झ्यीबे लेमु झ्यीन ज्यी़त् ॱयोङ्गी पी़न्ज्या घयेत्ल अक् यहुदीगी छ्यलु डस्सी झ्यीत्तु ची़क्केन्?
पी़न्ज्यासो, यहुदीगी दक् ज्यक् गोगेन् बेत् सीक्केङ्गी केच्च्य ङे ॱस्यो़क्कुक् सीन्न उन यरीगी च्योर्कुक् सीगुक्। ॱनी हुगो खुङ्देन् हीन्न ॱनी, यहुदी घयेक्की ङल घन्डल दुक्प अयेक्प तोङ्गेन् बेक्क? हीगो धक्न ॱनी, कुरुस्की ढीक्की केच्च्यल यहुदी घयेक्की मक्का झ्यीगो़प्प बेक्कक् ॱनी?
Sanasan