गलाती 6:10 - ल्होमी10 घङ् झ्यीत् छु छु मी कुरीक्ल गये ले झ्यीदोङ्। ॱनी मो़स्स्योल हज्यरङ् छ्य स्योक्केन् नङ्जोदु झ्यीत् गोगेन् बेत्। Faic an caibideil |
गलाती 6:10
38 Iomraidhean Croise
हुगो डस्सी मेम्ब, खीत्रङ्गी ड घयेत्ल झ्यम्ब धङ् गय झ्यीज्यीत्। घन्डे जप्च्ये आ ॱनो़न आक्, कीम्ब तोङ्ज्यीत्। हुनी क हीगी ढीक्ल गलेन् छ्यीम्मु थोप्केन् बेत्। हुनी खीत्रङ् इगी थोरी चीदु स्युगेन् को़न्ज्योक्की भीज ॱङो़न्ने हीम्बल डोगेन् बेत्। घन्ड हीन् सीन्न ढीन् ॱमीत् ॱसम्गेन् धङ् मी ङेम्ब घयेत्ल खोङ्गी गय जेक्केन् बेत्।
को़न्ज्योक्की ढीक्ल खीत्रङ्गी घङ् झ्यीबे ले घयेत्, खोङ्गी मी चङ्म घयेत्ल स्यप्च्यी़ ज्युब हुगो धङ् ॱनी हुन्दो ओक् ज्युन खोङ्ल हुन्दुक् झ्यीन झ्यम्ब यो़प्प हुगो खोङ्गी टोक् मत् ज्यीब यो़क्केन् बेत्। ॱनी खोङ् ढीन्ज्येन् यो़क्केन् झ्यीनी, हुगी लेन् खीत्रङ्ल ॱनङ्गेन् बेत्।
ह को़न्ज्योक्की ठीम् च्येत्न छ्येप्प को़बे धी़ ॱलीत् छर बेत्। खोङ्गी ठीम् दी गोम रोरङ्गी मीजङ्नी झ्यीन च्यो़क्केन् बेत्। ॱनी खोङ्गी ठीम् दी हज्यरङ्नी एल्ला झ्यीन च्यो़क्को़त्न ॱनी, को़न्ज्योक्की ॱसुङ्रप् ॱनेम्बुल मीत् नेङ्गेन् घयेत्ल ॱसुम्ब तीङ्ला घन्दुक् झ्यीबे गोल ॱलीक्को़दङ्?
हुगो झ्यीनी ङ हुदु युङ्नी हुगी ङीक्की ढीक्ल फालप् लबे केच्च्य घयेत् दी तो़न्न ङ हुल लप्स्य तोङ्गेन्। ॱनी हुगी उजो़त् च्यीक्की ॱमीत् छ्येप्प, हुदु ॱयोङ्नी युङे पी़न्ज्या घयेत् हुगी रोरङ्गी इक् ॱनेजङ् ॱमीत् ॱयोर्, ॱयोङ्मागी ॱनेजङ् ॱयरल आक् क च्येत्न हरुङ् ॱनेजङ् ॱयोर्केन् दीब अक् छ्यो़ छोनी तो़न्न दीक्केन् बेत्।
Sanasan