18 ॱनी ङ हुब डस्सी मेम्ब, ङे खीत्रङ्ल फेम्बे लेमु मेन्द, ॱयोङ् ङे ॱसीम् दीलरङ् ॱमीत् खुर यो़त्। ॱनी ङे हीगो हुदु यो़प्पे यङ्ल छ्युवक् मेम्ब, धी़ ज्यी़न्दु खुको़र्त्।
ॱनी ॱलोप्टुक् दीबे हीगो थोङ्नी, हीगी ढीक्ल ॱसुङ्रप्ल थो़ङ्गेन् ख्रीष्ट्की खोङ् रोरङ्गी यप्की सीङ्गङ्गी ढीक्ल स्यीदङ् लङ्न म दीरङ् ॱस्यीयेत् सीक्केन् दी हुबे ढेङ्गी ॱसो़ब बेत्। (ॱसुङ्रप्की गुल्लु ६९:९)
हीगो झ्यीनी ङे झ्यम्बे पी़न्ज्यासो खीत्रङ् थीरीय योक् योक् ठी़त् ठी़त् मीप्प दो़च्च्यीत्। खीत्रङ्गी कले च्येप्पे चोव ज्यीन्दक्की ले दी घो ॱमीत् छ्यो़त्ल मीत् डोगेन् बेत्। हीगो ॱस्यो़च्च्ये झ्यीनी खीत्रङ्गी टेत् च्येत्न छीगङ् चोव ज्यीन्दक्की ले झ्यीक्कीन् झ्यीज्यीत्।
ङे हुदु खीत्रङ्ल गोम केच्च्य ॱनेम्बु ॱस्यो़च्च्ये दी ङ थङ्ज्ये मीप्प झ्युङ्न लेनी ॱस्येप्पेन्। हुगो खीत्रङ्ल ॱस्यो़च्च्ये यो़क्केन् बेत्।
हुगी चयेलम हीन् सीक्केन् हुबे खेत् गेन्न खीत्रङ् घयेत् रोरङ्सो़ छ्योल थीङ्गेन् बेत्। हीगो गागी ढीक्ल मेम्ब, हुबे छ्यल सो़न रोसोल ॱसीम्बे यीक्नी ॱसम्न युङ्ज्येल हुबे खीत्रङ् ङदङ् टेज्ये ॱनो़ब झ्यीक्केन् बेत्।
ङ खीत्रङ्दङ् दल झ्युङ्न, ङे केत् हीगो रङ्स च्यीक्ल तो़न्न ॱस्यो़च्च्ये झ्युङ्न दो़न्दो़त् गा युङ्गो़ट्टो ॱनो़गुक्। खीत्रङ्ल झ्युङे केच्च्य हुगो ङे ॱनी ॱयुव पीक् दीरङ् छुमोङ्।
ॱनी घन्ड झ्युङ्ज्यङ्, खीत्रङ्गी मीजीगी छ्यलु दी ख्रीष्ट्की केच्च्य ॱनेम्बुल ओ़ब युङ झ्यीज्यीत्। म दी ङ खीत्रङ्दङ् ठेत्न आक्, ॱमत् ठेत्न आक्, खीत्रङ् घयेत् ॱसीम् च्यीक् ली़ च्यीक् झ्यीन छ्य स्यक्पे लम्ल डोवल ढो़गो च्यीक्ल देत्न,
ङे झ्यम्बे मी खीत्रङ्सो, ङ हुदु खीत्रङ्दङ् यो़प्पे यङ्ल खीत्रङ्गी को़न्ज्योक्की कल चीन दो़क्कुक्। ॱनी हुन्दो ङ हुदु मीप्पे कप्ल आक् हरुङ् गदु झ्यीन को़न्ज्योक्ल ज्यीब खुर्न दर्कीन् दर्कीन् खीत्रङ्गी मीजीगी छ्यलु दी थर् छरे लेमु डस्सी झ्यीज्यीत्।
हज्यरङ् घयेत् ङीब दीक्प छङ्मनी ॱलुवे ढीक्ल धङ् गये लेल मो़ब झ्यीक्केन् खोङ् रोरङ्गी मीस्सीर् हीम्ब युङल हज्यरङ् घयेत् टी़न धक्तु ची़प्पे ढीक्ल हज्यरङ् घयेक्की धो़न्दु खोङ्गी रोरङ्गी ॱरोक् च्येब बेत्।
ङे ॱसुल झ्यम्ब झ्यीगुक्क हुल लप्स्य तङ्न छर्की च्यो़क्केन्। ढङ्मीन् ढोम्मील्ल मेम्ब, दीम्बरङ् ॱसीम् ज्युर्न लोक्च्यीत्।