गलाती 3:2 - ल्होमी2 धम्बे थु खीत्ल छ्यो़डीम्गी कल चीन युङे लम्नी थोप्च्युङ न, न केच्च्य ॱनेम्बु ॱह घोन हुल छ्य स्यक्पे लम्नी थोप्च्युङ? हीगी लेम्बु ङल ॱलोक्लेत्ते त। Faic an caibideil |
गलाती 3:2
19 Iomraidhean Croise
घन्ड हीन् सीन्न ङीक्की खीत्रङ्ल ॱस्येप्पे येशुगी केच्च्यल मेम्ब, मी ॱयोङ्म युङ्न हुबे येशु ॱयोङ्मागी ढीक्ल ॱस्येप्पे केच्च्य धङ् खीत्रङ्ल एल्ला थोबे धम्बे थु दी मेम्ब, थु ॱयोङ्मा थोप्केङ्गी ढीक्ल ॱस्येप्पे केच्च्य धङ्, ॱनी खीत्रङ्गी एल्ला घोवे केच्च्य ॱनेम्बु दी मेम्ब, केच्च्य ॱयोङ्मा हुबे ॱस्येप्प घयेत् दी खीत्रङ्गी फी़न ॱमीत् तोङ, हरुङ् क हुल नेङ्गेन् बेत्।
को़न्ज्योक्की नुक्रङ्ल धम्बे थु खीत्रङ्ल ॱनङ्न युङ हुगो धङ् खीत्रङ्गी घुङ्दु खोङ्गी ॱस्यीक् छ्यीम्मी़ ले जेक्केन् हुगो खीक्की छ्यो़डीम्गी कल चीन युङे लम्नी खीत्ल झ्युङ ॱनी? मेम्बेत् हुगो। खीत्रङ्गी केच्च्य ॱनेम्बु ॱह घोन, हुल छ्य स्यक्पे लम्नी झ्युङ मेम्बेक्क ॱनी?
तेङ् यी़नी मक्की छ्यो़मल चक्की तेन, ॱसीम्ल नम् लोङ्न, धम्बे थु थोप्न, को़न्ज्योक्की ॱसुङ्रप् गस्सी हीम्ब छोर्न तीङ्मागी धी़गी यङ्ल युङ्गेन् ॱस्यीक् छ्यीम्मी़ ले घयेत् ज्यी़ यो़क्केन्, हुन्दुक् झ्यीबे मी घयेत् हुबे रोरङ्सो़ धेप्प दी ॱलो़ तङ्न यो़त्न ॱनी, फीच्च्य हुब ॱसीम् ज्युर्न ॱङर् डस्सील ॱलोक् ॱमीत् छुगेन् बेत्। घन्ड हीन् सीन्न हुन्दुक् झ्यीबे ले हुगो को़न्ज्योक्की ॱरेबु रोरङ्सो़ फीच्च्य यङ् कुरुस्ल तान ॱम पोप्केन् हीम्बल डोगेन् बेत्।
ॱनी हुबे ॱस्येप्पे कलुङ् दी रोरङ्सो़ फेन्दोगी ढीक्ल मेम्ब, हुगो दङ् हरीङ् हज्यरङ्गी ढीक्ल धङ्बुदु को़न्ज्योक्की हुबल तो़न्न ॱस्यो़त्तु ची़प्प बेत्। ॱनी हुगो दङ् हरीङ्गी केच्च्य ॱनेम्बु हील डोगेन् बेत्। ॱनी दङ् हरीङ् हीगो ॱस्येत्न टोम्गेन् घयेत्ल तेङ् यी़नी तङे धम्बे थुगी दगु जेत्नी, हुबे खीत्रङ्ल हीगो जेङ् ॱस्येत्न यो़क्केन् बेत्। ॱनी हीगी केच्च्ये धो़न् हील तेङ् यी़गी भङ्ज्येम्ब घयेक्की इक् दो़न्दो़त् तगीन् थेप्प झ्युङ बेत्।
Sanasan