गलाती 3:12 - ल्होमी

¹² छ्‌यो़डीम्‍गी ङोगी यङ्‌ल छ्‌य स्‍योक् गोगेङ्‌गी लेमु मेम्‍ब, छ्‌यो़डीम्‍ल यो़प्‍पे क घयेत्‍ल चीन दो़त् गोगेङ्‌गी लेमु यो़क्‍केन् बेत्। हीगी ढीक्‍ल ॱसुङ्‌रप्‍ल छ्‌यो़डीम्‍गी क कुरीक्‍ल चीन दो़क्‍केन् दीरङ् को़न्‍ज्‍योक् ङो़ल ॱसोम्‍बु हीम्‍ब युङ्‌गेन् बेत् सीर यो़क्‍केन् बेत्। (लेवी १८:५)

गलाती 3:12 Iomraidhean Croise

मत्‍ती 19:17

ॱनी हुल खोङ्‌गी खोक्‍की ङल घन्‍डल गये ढीक्‍ल ढीगेन्? गय च्‍येम्‍म दी च्‍यीगी च्‍यीक् मेन्‍द, ॱयोङ् मीप्‍प बेत्। फु तक्‍पे छी थोप्‍सल स्‍युक्‍च्‍ये ॱनो़न रङ् छ्‌यो़डीम्‍गी क घयेत्‍ल चीन दो़च्‍च्‍यीत् झ्‍यीब बेत्।

रोमी 11:6

ॱनी हीगो थुज्‍यी जेत्‍न दम्‍ब हीन्‍न ॱनी, हुगो कोलीमी रङ्‌स्‍यीगी झ्‍यीन युङल मीत् डोगेन् बेत्। हुगो रङ्‌स्‍यीगी झ्‍यीबे युङ्‌गो़त्‍न ॱनी, थुज्‍यी हुगो थुज्‍यी दीरङ् मेम्‍बल डोगेन् बेत्।

रोमी 4:14

को़न्‍ज्‍योक्‍की ॱनङे छ्‌यो़त्‍तुम् जेप्‍प हुगो छ्‌यो़डीम्‍गी क घयेत्‍ल चीन युङे लम्‍नी थोप्‍को़त्‍न ॱनी, छ्‌य स्‍यक्‍प हुगो धो़म्‍मीत्‍ल डोयेत् क ॱनी। ॱनी छ्‌यो़त्‍तुम् हुगो ओक् घो ॱमीत् छ्‌यो़त्‍ल डोयेत् क ॱनी।

रोमी 4:16

छ्‌यो़त्‍तुम्‍गी केच्‍च्‍य हुगो छ्‌यो़डीम्‍गी क घयेत्‍ल चीन युङ्‌गेन् अब्राहाम्‍गी ज्‍यी़त् घयेत्‍ल छ्‌युवक् मेम्‍ब, अब्राहाम्‍गी छ्‌य स्‍यक्‍पे लेमु डस्‍सी झ्‍यीक्‍केन् घयेत्‍ल अक् हुगो गन्‍दीय हीन्‍दुक्‍रङ्‌ल थोप्‍च्‍ये यो़प्‍पल हुगो ॱनङ्‌गेन् बेत्। हीगो झ्‍यीनी अब्राहाम् हज्‍यरङ् कुरीक्‍की पुबुल ॱनेगेन् बेत्।

रोमी 7:10

ॱनी ङ ॱस्‍यीनरल फीन्‍ज्‍युङ्। छ्‌यो़डीम् हुनी स्‍येन् छी थोप् गोगेन् बेत्। ॱनी ङल हुगो मेम्‍ब, हुगी ॱस्‍यीवल च्‍यो़गेन् हीम्‍ब ॱह घोज्‍युङ्।