गलाती 2:9 - ल्होमी9 ॱनी को़न्ज्योक्की थुज्यीगी ङ घन्दुक्मे लेल को़ब बेक्क हुगो चो छ्यीया छ्यो़ छोगी का धोम्बु डस्सील ॱसम्न यो़क्केन् याकुब्, पत्रुस् धङ् युहन्ना झ्यीबे हुनी क ॱह घोसोङ्। खोबसो यहुदी घयेत् च्येल्ल डोवल धङ् यङ् ङदङ् बार्नाबास् ज्यी़त् ॱयोङ् ॱयोङ्गी मी च्याल डोवल छ्य च्यीक्की मी हीम्ब ॱसम्न ङीत्ल खोबसो़ लक्प ॱयेब तङ्न थी़न्डीक् झ्यीज्युङ्। Faic an caibideil |
गलाती 2:9
32 Iomraidhean Croise
हुनी पत्रुस्की हुगी मी घयेत् दील ॱहरक्प दो़त् सीन्न लाद ज्युर्न चोव ज्यीन्दक्की रोरङ् चो़ङ्गङ्नी घन्दुक् झ्यीन तो़म्ब बेक्क हुगो कुरीक् ॱस्येत्न टेप्प बेत्। हीगी तम् हीगो याकुब् धङ् पी़न्ज्या ॱयोङ्म घयेत्ल ॱस्यो़त्ल टो़त् सीन्न ॱङान स्यक्नी, हुनी पत्रुस् ॱयोङ्ल टप्नर बेत्।
ॱनी केच्च्य गज्येन् लप्री चीनी, हुनी पत्रुस् लोङ्न हुब घयेत्ल पी़न्ज्यासो, ज्यी़त् ॱयोङ् ॱयोङ्गी मील अक् केच्च्य ॱनेम्बु ङे खनी ॱह घोन हुब घयेत् एत् छ्य स्यक्पे लम्ल युङ् छुज्ये यो़प्पल खीत्रङ्गी छीक्नी को़न्ज्योक्की ङ एल्ला दम्ज्युङ्। हीगो खीत्रङ्ल ॱस्यो़च्च्ये यो़क्केन् बेत्।
ॱनी हीन्न अक्, ङ हुन्दो घन्दुक् झ्यीबे मील झ्युङ बेक्क हुगो को़न्ज्योक्की थुज्यीगी लेगी झ्युङ बेत्। ङल खोङ्गी थुज्यी ॱनङ दी धो़म्मीत्ल ॱमत् ॱसोङ, ठीक्नल ॱयोङ्मा घयेत्ले ङे मङा कले च्येत्न युङेन्। ॱनी हुगो म दी ङे ङरङ्गी झ्यीब मेम्ब, ङे दगुल यो़क्केन् को़न्ज्योक्की थुज्यीगी जेप्पे ले बेत्।
हीगो ङल को़न्ज्योक्की तो़न्न ज्युक् सीन्न ॱङानी फीम्बेन्। ॱनी ज्यी़त् ॱयोङ् ॱयोङ्गी मी घयेक्की घुङ्दु ङे घन्दुक् झ्यीबे केच्च्य ॱनेम्बु ॱस्येप्प बेक्क हुगो ङे हुदु छ्यो़ छोगी चो छ्यीया हीन्दोक्पे मी घयेत्ल छ्युवक् ॱस्येप्पेन्। स्येन् ङे ज्युबे ले घयेत् दी धो़म्मीत्ल डोगो़ट्टो ॱनो़ज्युङ्।
ॱसु ज्यला थो़न्न युङ्गुक्क हुगो ङे को़न्ज्योक् स्युसे छ्यो़गङ्गी का च्यीक्ल सो़न, हुनी हुगो नम्ल अक् छ्यील थो़न् मीत् गो़ब युङ्गेन् बेत्। हुनी हुल ङे को़न्ज्योक्की छेन् धङ् को़न्ज्योक् च्यानी इगी तेङ् यी़नी मल्ल भप्न युङ्गेन् ङे को़न्ज्योक्की सार् यरुशलेम् ॱसम्बे मीङ् धङ् ङरङ्गी मीङ् ॱसम्ब च्यीक् हुल ढीन स्योक्केन्।
Sanasan