गलाती 2:12 - ल्होमी12 हुदु एल्ला गोत्त ज्यी़त् ॱयोङ्गी मीदङ् मुल देत्न छीगङ् सम सेबे मी यङ् तीङ्ला यरुशलेम्नी याकुब् च्यानी यहुदी ज्यी़क्की मी यरी युङ्नी, गोत्त ज्यी़त् ॱयोङ्गी, एन्टीयोक्की पी़न्ज्या घयेत्तङ् भीज्येम ॱयेङ्दुक्। घन्ड हीन् सीन्न दक् ज्यक् गोगेन् बेत् सीक्केन् यहुदी ज्यी़क्की पी़न्ज्या घयेत्ल ज्यीबे, हुन्दुक् झ्यीदुक्। Faic an caibideil |
गलाती 2:12
16 Iomraidhean Croise
ॱनी पत्रुस्की हुब घयेत्ल ङीत् यहुदी घयेत् ज्यी़त् ॱयोङ्गी मी खीम्ल फीन्न मुल रीन ॱनी, हीगो ङीक्की छ्यो़डीम्ल ङीगेन् बेत्। हीगो खीत्रङ् कुरीक्ल ॱस्यो़च्च्ये यो़ट्टो। ॱनी ह हुगो मेम्ब, मी ॱसु उक् चङ्ज्ये मीप्प, ॱसुल आक् ढीप्लङ् यो़ट्टो ॱनो़ब ॱमत् ॱसम्ज्यीत् सीन्न को़न्ज्योक्की ङल तो़न्ज्युङ्।
हुनी पत्रुस्की हुगी मी घयेत् दील ॱहरक्प दो़त् सीन्न लाद ज्युर्न चोव ज्यीन्दक्की रोरङ् चो़ङ्गङ्नी घन्दुक् झ्यीन तो़म्ब बेक्क हुगो कुरीक् ॱस्येत्न टेप्प बेत्। हीगी तम् हीगो याकुब् धङ् पी़न्ज्या ॱयोङ्म घयेत्ल ॱस्यो़त्ल टो़त् सीन्न ॱङान स्यक्नी, हुनी पत्रुस् ॱयोङ्ल टप्नर बेत्।
हुबे हुन्दुक् झ्यीन दीम्बे केच्च्य ॱनेम्बुल मीत् डीक्पे लुस झ्यीप्प ङे थोङ्नी हुदु ॱयोङ्म कुरीक्की थोङ्सदु ङे पत्रुस्ल रङ् यहुदी बेत्। ॱनी हीन्न अक्, यहुदीगी छ्यलु दी फङ्न स्यक्नी ज्यी़त् ॱयोङ्गी छ्यलु डस्सी रङ्गी झ्यीक्केन् बेत्। ॱनी यङ् रङ्गी हुन्दुक् झ्यीबे लेमु झ्यीन ज्यी़त् ॱयोङ्गी पी़न्ज्या घयेत्ल अक् यहुदीगी छ्यलु डस्सी झ्यीत्तु ची़क्केन्?
ॱनी को़न्ज्योक्की थुज्यीगी ङ घन्दुक्मे लेल को़ब बेक्क हुगो चो छ्यीया छ्यो़ छोगी का धोम्बु डस्सील ॱसम्न यो़क्केन् याकुब्, पत्रुस् धङ् युहन्ना झ्यीबे हुनी क ॱह घोसोङ्। खोबसो यहुदी घयेत् च्येल्ल डोवल धङ् यङ् ङदङ् बार्नाबास् ज्यी़त् ॱयोङ् ॱयोङ्गी मी च्याल डोवल छ्य च्यीक्की मी हीम्ब ॱसम्न ङीत्ल खोबसो़ लक्प ॱयेब तङ्न थी़न्डीक् झ्यीज्युङ्।
Sanasan