एफीसस् 6:9 - ल्होमी

⁹ ॱनी यङ् खीत्‍रङ् ज्‍यीन्‍दक् घयेक्‍की इक् ॱसोस्‍सोरङ्‌गी ॱयोक्‍पुल हुगो डस्‍सीगी ॱसीम् दीरङ् खुर्न झ्‍यीज्‍यीत्। खीत्‍रङ्‌गी ॱयोक्‍पु हुब खीत्‍रङ्‌गी खल मत् नेन्‍न, हुबल ज्‍यीक्‍टक् लङ्‌गेङ्‌गी केच्‍च्‍य मत् लप्‍च्‍यीत्। घन्‍ड हीन् सीन्‍न खीत्‍रङ् ॱङीक्‍कर्ल तेङ् यी़न दम्‍ङीत् मीत् झ्‍यीक्‍केङ्‌गी चोव ज्‍यीन्‍दक् यो़क्‍केन् बेत् ॱनो़ब ॱसम्‍ज्‍यीत्।

एफीसस् 6:9 Iomraidhean Croise

मत्‍ती 22:10

हुनी ॱयोक्‍पु दीब ज्‍यलम् घयेत्‍ल गुक्‍तु फीम्‍ब बेत्। ॱनी मी ङेम्‍ब धङ् गङ्‌ज्‍येन् घङ् ठेप्‍प घयेत् हुबे कुरीक् ठीक्‍न युङ्‌नी, भालीन् झ्‍यीस्‍से खीम् दी डोम्‍बी़ टेक् घेङ्‌नर बेत्।

मत्‍ती 22:8

हीनी ज्‍याबु दीगी रोरङ्‌गी ॱयोक्‍पु दीबल भालीङ्‌गी योज्‍येत् घयेत् ङे कुरीक् ठोक्‍क झ्‍यीबेन्। ॱनी ङे भो़बे डोम्‍बु घयेत् हुब हील ओ़ब मोङ्‌सोङ्।

मत्‍ती 24:48

ॱनी हुगी ॱयोक्‍पु हुगो अयेक्‍प हीन्‍न ॱनी, हुगी रोरङ्‌गी ॱसीम्‍ल नुक्‍मे ज्‍योब दक्‍पु घन्‍डे युङ्‌ज्‍ये ॱनो़न

मत्‍ती 24:51

हुनी हुगो धुम्‍बु धुम्‍बुल दुम्‍न छ्‌यीलेल नङ् मत् लेब घयेत् तोङ्‌सल तोङ्‌गेन् बेत्। हुदु ङुजी ज्‍यक्‍केन् धङ् ॱसोन्‍जीन् डीक्‍केन् युङ्‌गेन् बेत्।

मत्‍ती 7:12

ॱनी खीत्‍रङ्‌गी ॱसीम्‍बे ॱयोङ् च्‍यानी घन्‍दुक् झ्‍यीबे रीगो झ्‍यीक्‍को़दङ् हुगो डस्‍सी ॱयोङ्‌मल आक् खीत्‍रङ्‌गी झ्‍यीत् गोगेन् बेत्। छ्‌यो़डीम्‍ल धङ् कलुङ् ॱस्‍यो़क्‍केन् घयेक्‍की ढीबे ॱसुङ्‌रप्‍ल ओ़ब डीक्‍पे क दी हीगो बेत्।

लुका 6:31

ॱनी खीत्‍रङ्‌गी ॱसीम्‍बे ॱयोङ् च्‍यानी घन्‍दुक् झ्‍यीबे रीगो झ्‍यीक्‍को़दङ् हुगो डस्‍सी ॱयोङ्‌मल आक् खीत्‍रङ्‌गी झ्‍यीत् गोगेन् बेत्।

युहन्‍ना 13:13

खीत्‍रङ्‌गी ङल चयेलम चोव ज्‍यीन्‍दक् सीगुक्। हीगो खुङ्‌देन् बेत्। ङ हुगोरङ् हीन्।

ठीक्‍नल 10:34

हीनी पत्रुस्‍की हीन्‍दुक् सीन्‍न ॱस्‍येप्‍प बेत्। को़न्‍ज्‍योक्‍की मी ॱसुल आक् दम्‍ङीत् मीत् झ्‍यीक्‍केन् हीम्‍ब हस्‍सो़त् क ङे ॱह घोज्‍युङ्।

रोमी 2:11

को़न्‍ज्‍योक्‍की दम्‍ङीत् मीत् झ्‍यीक्‍केन् बेगो।

१ कोरीन्‍थी 1:2

हीगो कोरीन्‍थ् सार्न यो़क्‍केन् ख्रीष्‍ट् येशुदङ् मत् ढेबल धक्‍पर् हीम्‍बल सो़न को़न्‍ज्‍योक्‍की मी चङ्‌म युङल भो़बे खोङ्‌गी छ्‌यो़ छोल धङ् हज्‍यरङ्‌गी चोव ज्‍यीन्‍दक्‍की छेन् डेन् ज्‍यक्‍केन् घयेत् ॱसने घन यो़त्‍न अक्, हज्‍यरङ् चोव ज्‍यीन्‍दक् च्‍यीक्‍की मी घयेत्‍ल ढीब हीन्।

१ कोरीन्‍थी 7:22

घन्‍ड हीन् सीन्‍न चोव ज्‍यीन्‍दक्‍की भो़बे यङ्‌नी रङ्‌मो़ मीप्‍पे ॱयोक्‍पु हुगो चोव ज्‍यीन्‍दक्‍तङ् मत् ढेबल रङ्‌मो़ल थो़न् छर हीम्‍ब युङ्‌गेन् बेत्। ॱनी यङ् रङ्‌वङ् च्‍येम्‍मे मी चोव ज्‍यीन्‍दक्‍की भो़बे यङ्‌नी हुगो ख्रीष्‍ट्‌की रङ्‌मो़ मीप्‍पे ॱयोक्‍पु हीम्‍बल डोगेन् बेत्।

कलस्‍सी 3:25

ॱनी यङ् खीत्‍रङ् ॱसी़ ङीब झ्‍यीगुक्‍क हुल हुगी ङीबे छ्‌येप्‍प दी फोक्‍केन् बेत्। घन्‍ड हीन् सीन्‍न को़न्‍ज्‍योक्‍की दम्‍ङीत् मीप्‍पे ठीम् च्‍यो़क्‍केन् बेत्।

कलस्‍सी 4:1

दक्‍पु घयेस्‍सो, खीत्‍रङ्‌ल आक् तेङ् यी़न चोव ज्‍यीन्‍दक् यो़क्‍केन् बेत् ॱनो़ब ॱसम्‍न खीत्‍रङ्‌गी रङ्‌मो़ मीप्‍पे ॱयोक्‍पु घयेत्‍ल ढङ्‌बु झ्‍यीन हुबल थोबे थोप् ओ़ब घयेत् टो़च्‍च्‍यीत्।

याकुब् 2:13

घन्‍ड हीन् सीन्‍न ॱङीङ्‌ज्‍यी मीत् झ्‍यीक्‍केङ्‌गी मील ॱङीङ्‌ज्‍यी मीप्‍पे ठीम् दीरङ् च्‍यो़क्‍केन् बेत्। ॱनी ॱङीङ्‌ज्‍यी च्‍येम्‍मल यङ् को़न्‍ज्‍योक् च्‍यानी इक् ॱङीङ्‌ज्‍यी दीरङ् ज्‍यला थो़न्‍न युङ्‌गेन् बेत्।

याकुब् 2:8

ॱसुङ्‌रप्‍ल थो़ङ्‌गेन् बेत्। रङ्‌गी लोल यो़क्‍केङ्‌गी मील रङ्‌गी रङ् डस्‍सीरङ् ॱसम्‍न झ्‍यम्‍ब झ्‍यीज्‍यीत् सीक्‍केङ्‌गी क ज्‍यीक्‍स्‍यो हीगोल खीत्‍रङ्‌गी गन्‍दीक्‍म चीन युङ्‌न ॱनी, खीत्‍रङ् गङ्‌ज्‍येल्‍ल थो़ङ्‌गेन् बेगो। (लेवी १९:१८)

याकुब् 5:4

तेदे खीत्‍रङ्‌गी स्‍यीङ्‌गल ले झ्‍यीक्‍केन् लेमीय घयेत्‍ल खीत्‍रङ्‌गी ॱल ॱमत् टेप्‍पल हुबे कोल्‍लोक् ॱलोङ्‌गेन् बेत्। ॱनी तो़न्‍दोक् दी़क्‍केन् लेमीय हुबे कोल्‍लोक् ॱलङे केत् दी ॱवङ् की़न् च्‍येम्‍मे चोव ज्‍यीन्‍दक्‍की आम्‍ज्‍योक्‍ल ते ॱलीत् छर बेत्।