एफीसस् 6:18 - ल्होमी

¹⁸ धम्‍बे थुगी लम् ज्‍यी़त्‍नी छीगङ् छङ्‌म थम्‍ज्‍येक्‍की ढीक्‍ल ॱसुव तप्‍न स्‍युदेन् ज्‍यप् ज्‍यब झ्‍यीज्‍यीत्। हीगी ढीक्‍ल ॱसीम् च्‍यङ्‌जो़त् झ्‍यीन को़न्‍ज्‍योक्‍की मी चङ्‌म घयेक्‍की ढीक्‍ल धु च्‍यङ्‌न ॱसुव तप् तब झ्‍यीज्‍यीत्।

एफीसस् 6:18 Iomraidhean Croise

मत्‍ती 17:21

[हीगो डस्‍सीगी ॱनो़प्‍प दीप्‍पल को़न्‍ज्‍योक्‍ल ॱसुव तप्‍न ॱनुक्‍नेल स्‍युन देत्‍न मेन्‍द, दीत् ॱमीत् छुगेन् बेत् झ्‍यीब बेत्।]

मत्‍ती 26:41

खीत्‍रङ् दीक्‍पल छ्‌यी़ज्‍ये मीप्‍पे ढीक्‍ल खीत्‍रङ् ॱङीत् मत् लोक्‍पल ॱसुव तोप्‍कीन् दो़त्। खीत्‍रङ्‌गी ॱसीम् दीगी त झ्‍यीच्‍च्‍ये ॱनो़गेन् बेत्। ॱनी कोलीमी योक्‍या यो़क्‍केन् झ्‍यीनी, ॱअल ॱमीत् छगेन् बेत्।

मर्कुस् 13:33

हुगी छीरङ् धी़दोक् दी नम् ॱलीक्‍को़दङ् हुगो खीत्‍रङ्‌ल ॱस्‍यो़च्‍च्‍ये मीप्‍पल च्‍यङ्‌जो़त् झ्‍यीन मत् येङ दो़च्‍च्‍यीत्।

मर्कुस् 14:38

खीत्‍रङ् दीक्‍पल छ्‌यी़ज्‍ये मीप्‍पे ढीक्‍ल खीत्‍रङ् ॱङीत् मत् लोक्‍पल ॱसुव तोप्‍कीन् दो़त्। खीत्‍रङ्‌गी ॱसीम् दीगी त झ्‍यीच्‍च्‍ये ॱनो़गेन् बेत्। ॱनी कोलीमी योक्‍या यो़क्‍केन् झ्‍यीनी, ॱअल ॱमीत् छगेन् बेत्।

लुका 21:36

खीत्‍रङ् छीगङ् तोक्‍स्‍यीप् झ्‍यीन दो़च्‍च्‍यीत्। हुन्‍दुक् झ्‍यीब घयेत्‍नी खीत्‍रङ् थर् छुज्‍ये यो़प्‍पल धङ् कोलीमीगी ॱरेबी़ ढुङ्‌दु थो़म्‍बल ॱलोप्‍स्‍यीक् ॱङीच्‍च्‍ये यो़प्‍पल ॱसुव तप् तब झ्‍यीन दो़च्‍च्‍यीत् सीन्‍न ॱसुङ बेत्।

लुका 22:46

ॱनी खोङ्‌गी हुबल घन्‍डल ॱङीत् लोक्‍केन्। लोङ्‌ल खीत्‍रङ् दीक्‍पल छ्‌यी़ज्‍ये मीप्‍पे ढीक्‍ल ॱसुव तोप्‍कीन् दो़त् सीन्‍न झ्‍यीब बेत्।

लुका 3:26

नग्‍गैगी पब माथ्, माथ्‍की पब मत्‍तीया, मत्‍तीयागी पब सेमैन्, सेमैन्‍गी पब योसेक्, योसेक्‍की पब योदा,

लुका 3:37

लेमेक्‍की पब मतुशेला, मतुशेलागी पब हनोक्, हनोक्‍की पब येरेद्, येरेद्‌गी पब महलालेल्, महलालेल्‍की पब केनान्,

ठीक्‍नल 1:14

ॱनी हुदु ठीक्‍नल दीबे दल येशुगी आम मरीयम्, येशुगी मीङ्‌बु दीब धङ् ॱनी भुमु ॱयोङ्‌म ॱयोङ्‌म आक् छीगङ् हुदु जोम्‍न ॱसीम् च्‍यीक् ली़ च्‍यीक् झ्‍यीन को़न्‍ज्‍योक्‍ल ॱसुव तप् तब झ्‍यीगो़प्‍प बेत्।

ठीक्‍नल 10:2

हुगो धङ् हुगी मीजङ्‌गी को़न्‍ज्‍योक्‍ल धेप्‍प मो़ब झ्‍यीन ज्‍यीब खुर्न दो़क्‍को़प्‍प बेत्। हुगो मी दुक्‍च्‍या घयेत्‍ल दगु झ्‍यीक्‍केन् धङ् को़न्‍ज्‍योक्‍ल छीगङ् ॱसुव तोप्‍केङ्‌गी मी हीङ्‌गो़प्‍प बेत्।

ठीक्‍नल 12:5

ॱनी पत्रुस् चो़न्‍न यो़प्‍पे यङ्‌ल हुगी ढीक्‍ल छ्‌यो़ छोगी मी घयेत् दीबे ॱसीम्‍बे यीक्‍नी को़न्‍ज्‍योक्‍ल ॱसुव तप् तब झ्‍यीब बेत्।

ठीक्‍नल 6:4

हुनी हस्‍सो़त् ङीत् घयेत् ॱसुव तोबल धङ् को़न्‍ज्‍योक्‍की केच्‍च्‍य ॱस्‍यो़क्‍केङ्‌गी लेल छ्‌युवक् दो़त् छुगेन् बेत् सीन्‍न झ्‍यीब बेत्।

रोमी 12:12

रीगो यो़प्‍पल ॱसीम् गव झ्‍यीज्‍यीत्। दुक्‍प नोङे यङ्‌ल हुगो गुर्च्‍यीत्। धुरेत् झ्‍यीन ॱसुव तप् तब झ्‍यीज्‍यीत्।

रोमी 8:15

खीत्‍रङ्‌ल धम्‍बे थु थोब हुगो रङ्‌मो़ मीप्‍पे ॱयोक्‍पु रोरङ्‌गी दक्‍पुल ज्‍यीब लङे लेमु डस्‍सी मेम्‍ब, खीत्‍रङ् को़न्‍ज्‍योक्‍की भीजल युङ्‌ज्‍येल बेत्। हुगो झ्‍यीनी धम्‍बे थुगी लम्‍नी हज्‍यरङ्‌गी को़न्‍ज्‍योक्‍ल ॱवे अब्‍बा सीन्‍न पब सीर् छुगेन् बेत्।

गलाती 4:6

ॱनी हुन्‍दुक् झ्‍यीन खीत्‍रङ् को़न्‍ज्‍योक्‍की भीज हीम्‍बल झ्‍युङ्‌नी, को़न्‍ज्‍योक्‍ल खीत्‍रङ्‌गी ॱवे अब्‍बा पब सीन्‍न सीक्‍केल्‍ल खोङ्‌गी ॱरेबी़ थु खीत्‍रङ्‌गी ॱसीम्‍बे नङ्‌ल तङ्‌न यो़क्‍केन् बेत्।

एफीसस् 1:16

ङे ॱसुव तोबे यङ्‌ल खीत्‍रङ् ढेन्‍सो़ झ्‍यीन को़न्‍ज्‍योक्‍ल ज्‍यी़न्‍दु थु छ्‌यी पु पुब झ्‍यीक्‍को़त्।

एफीसस् 2:22

खीत्‍रङ् ॱअङ् खोङ्‌दङ् मत् ढेबल ॱयोङ्‌म घयेत्‍तङ् थी़त्‍न युङ्‌नी, हुनी छ्‌यो़गङ् युङ्‌गेन् बेत्। ॱनी हुदु धम्‍बे थुगी लम्‍नी झ्‍यीन को़न्‍ज्‍योक् स्‍युगेन् बेत्।

एफीसस् 3:18

ख्रीष्‍ट्‌की झ्‍यम्‍बे स्‍येङ् छ्‌यीलो़त् दी, ज्‍यी़त्‍तक् रीङ्‌लो़त् दी, थोस्‍स्‍येङ् दी धङ् तीङ्‌रीङ्‌लो़त् दी घजो़त् च्‍यीक् दुक्‍क हुगो को़न्‍ज्‍योक्‍की मी चङ्‌म ॱयोङ्‌म घयेत्‍तङ् दल खीत्‍रङ्‌गी इक् गन्‍दीक्‍म ॱह घो छुज्‍ये यो़प्‍प तोङ्।

एफीसस् 3:8

को़न्‍ज्‍योक्‍की मी चङ्‌म कुरीक्‍ले ङ च्‍युङ्‌स्‍यो हीन्। ॱनी हीन्‍न अक्, नोर्की भङ्‌जेत्‍तङ् छ्‌येत्‍मीत्, तीङ् सप्‍पोक्‍मे ख्रीष्‍ट्‌की धो़न् दी ज्‍यी़त् ॱयोङ् ॱयोङ्‌गी मी घयेत्‍ल ङे टोम्‍ज्‍ये यो़प्‍पल

एफीसस् 6:19

एल्‍ला ॱमत् तो़म्‍बे ॱङीङ्‌बु केच्‍च्‍य ॱनेम्‍बु हुगो ङे खनी ॱस्‍यो़प्‍पे यङ्‌ल गो़बे तम्‍गी छीक्‍ट ॱङीत्‍न ज्‍यीक्‍टक् मीप्‍प ॱस्‍यो़त् छुज्‍ये यो़प्‍पल ङे ढीक्‍ल अक् ॱसुव तोप्‍रो झ्‍यीज्‍यीत्।

फीलीप्‍पी 1:4

खीत्‍रङ्‌गी ढीक्‍ल नम् ॱसुव तोप् गो़ झ्‍युङ्‌न अक्, हुगी यङ्‌ल ङ गेस लङ्‌न तोप्‍को़त्।

फीलीप्‍पी 4:6

घन्‍डे ढीक्‍ल अक् च्‍युगा मत् झ्‍यीज्‍यीत्। नम् घन्‍दुक् झ्‍यीब झ्‍युङ्‌न अक्, खीत्‍रङ्‌ल घङ् गो़बे खोज्‍येत् घयेक्‍की ढीक्‍ल को़न्‍ज्‍योक्‍ल ॱसुव तप्‍न थु छ्‌यी पुन स्‍युव ज्‍योप्‍च्‍यीत्।

कलस्‍सी 1:3

खीत्‍रङ्‌गी ढीक्‍ल ङीक्‍की ॱसुव तोबे यङ्‌ल ङीक्‍की हज्‍यरङ्‌गी को़न्‍ज्‍योक्, चोव ज्‍यीन्‍दक् येशु ख्रीष्‍ट्‌की यप्‍ल छीगङ् थु छ्‌यी पु पुब झ्‍यीक्‍को़त्।

कलस्‍सी 1:4

घन्‍ड हीन् सीन्‍न येशु ख्रीष्‍ट्‌ल खीत्‍रङ्‌गी छ्‌य स्‍यक्‍न युङे लेमु दी धङ् को़न्‍ज्‍योक्‍की मी चङ्‌म घयेत्‍ल झ्‍यम्‍ब झ्‍यीप्‍प दी ङीक्‍की ॱह घोज्‍युङ्।

कलस्‍सी 4:2

खीत्‍रङ् धु च्‍यङ्‌न को़न्‍ज्‍योक्‍ल ॱसुव तप् तब झ्‍यीज्‍यीत्। को़न्‍ज्‍योक्‍ल थु छ्‌यी पु पुब झ्‍यीन च्‍यङ्‌जो़त् झ्‍यीन दो़च्‍च्‍यीत्।

१ थीस्‍सलोनीका 5:17

ज्‍यी़न्‍दु ॱसुव तप् तब झ्‍यीज्‍यीत्।

१ तीमोथी 2:1

धो़न् घन्‍डल अक् को़न्‍ज्‍योक् गुवे लेमु धङ् खोङ्‌ल ओ़बे लेमु झ्‍यीन हज्‍यरङ्‌गी मीजीगी लम्‍ल स्‍यीव धङ् स्‍यीज्‍यम् युङ्‌ज्‍ये यो़प्‍पल ज्‍याबु, पेम्‍बु घयेत् धङ् मी कुरीक्‍की ढीक्‍ल को़न्‍ज्‍योक्‍ल स्‍युव ज्‍यप्‍न ॱसुव तप्‍न थु छ्‌यी पुज्‍यीत् सीन्‍न ॱएन्‍स्‍युक्‍ल हीगी ढीक्‍ल ॱलोप्‍स ज्‍यक्‍केन्।

२ तीमोथी 1:3

एल्‍ला ङे पुबु ॱमुमी़ झ्‍यीन युङ डस्‍सी ङे एक् ॱसीम् सङ्‌बु खुर्न ॱनोङ् मीत् युङे लेमु झ्‍यीन को़न्‍ज्‍योक्‍ल धेप्‍प झ्‍यीक्‍को़त्। हुनी ङे ङीन् छेन् मीप्‍प छीगङ् ॱसुव तोबे यङ्‌ल रङ् ढेन्‍सो़ झ्‍यीन, रङ्‌गी ढीक्‍ल को़न्‍ज्‍योक्‍ल थु छ्‌यी पु पुब झ्‍यीक्‍को़त्।

फीलेमोन् 1:5

घन्‍ड हीन् सीन्‍न चोव ज्‍यीन्‍दक् येशुल नीज्‍यरङ्‌गी झ्‍यम्‍ब धङ् छ्‌य गस्‍सी स्‍योक्‍कुक् सीर धङ् को़न्‍ज्‍योक्‍की मी चङ्‌म घयेत्‍ल झ्‍यम्‍ब झ्‍यीक्‍कुक् सीरे केच्‍च्‍य ङे ॱह घोगुक्।

हीब्रु 5:7

ॱनी खोङ् हीदु कोलीमील कीन यो़प्‍पे यङ्‌ल ॱस्‍यीये लक्‍नी छ्‌यी छुगेन् को़न्‍ज्‍योक्‍ल खोङ्‌गी ङी़गेत् थोन ॱमीक्‍च्‍यु तोङ्‌गीन् तोङ्‌गीन् ॱसुव तप्‍न स्‍युदेन् ज्‍यब बेत्। को़न्‍ज्‍योक्‍की ॱवङ्‌गी होक्‍ल गो घुक्‍न युङ्‌नी, खोङ्‌ल लेम्‍बु ॱलोक्‍प बेत्।

१ पत्रुस् 4:7

ह छङ्‌म थम्‍ज्‍येत् कुरीक्‍ल थमे धी़ ॱस्‍यच्‍चल ॱलीत् छर बेत्। हीगो झ्‍यीनी खीत्‍रङ्‌सो ॱसुव तप् तब झ्‍यीत् छुज्‍ये यो़प्‍पल च्‍यङ्‌जो़त् झ्‍यीन खीत्‍रङ्‌गी ॱसीम् दी ॱनो़जो़त् घङ्‌बी़ ॱवङ्‌ल ॱमत् तङ दो़च्‍च्‍यीत्।

यहुदा 1:20

झ्‍यम्‍बे दगुसो, खीत्‍रङ् हुब डस्‍सी मेम्‍ब, खीत्‍रङ्‌गी छ्‌य स्‍यक्‍पे लेमु चङ्‌म दी ॱसप्‍स्‍योङ्‌दङ् छ्‌येत्‍मीत् झ्‍यीन हुल चीक्‍पक् डेन्‍न सो़ज्‍यीत्। धम्‍बे थुगी ॱस्‍यीक्‍की लम्‍नी ज्‍यी़न्‍दु ॱसुव तप् तब झ्‍यीज्‍यीत्।