एफीसस् 6:10 - ल्होमी10 ह स्युक् थदु खीत्रङ् चोव ज्यीन्दक्तङ् मत् ढेबल खोङ्गी ॱस्यीक् छ्यीम्मी़ ॱलोप्स्यीक् ॱङीत्न, ज्यीक्तु डोज्ये यो़प्प ज्युक्च्यीत्। Faic an caibideil |
एफीसस् 6:10
30 Iomraidhean Croise
ह स्युक् थदु पी़न्ज्यासो गेस झ्यीज्यीत्। ओङ्बु छङ्देन् ॱलीब झ्यीज्यीत्। च्यीक्तङ् च्यीक्ल ॱलोप्स्यीक् टो़त्री चीज्यीत्। ॱसीम् च्यीक् ली़ च्यीक् झ्यीन दो़च्च्यीत्। छ्यम्बोक्म झ्यीन दो़च्च्यीत्। हीनी क झ्यम्ब धङ् स्यीव ॱनङ्गेङ्गी को़न्ज्योक् खीत्रङ्दङ् दल स्युगेन् बेत्।
हीन्दुक् झ्यीन मी ॱसी़ को़न्ज्योक् ङो़गी केच्च्य ॱस्यो़क्को़दङ् हुगी को़न्ज्योक्की ॱनङे ॱसुङ्स्येत् ॱस्यो़क्केन् हीम्ब डस्सी ॱस्यो़त् गोगेन् बेत्। ॱनी यङ् मी ॱसी़ ॱयोङ्ल फेम्बे ले झ्यीक्को़दङ् हुगी को़न्ज्योक्की ॱनङे ॱस्यीक्की झ्यीत् गोगेन् बेत्। हुन्दुक् झ्यीन क, हस्सो़त् येशु ख्रीष्ट्की लम्नी झ्यीबे लेमु घन् दीनी इक् को़न्ज्योक्ल तो़प्प युङ्गेन् बेत्। खोङ्ल तो़त्वङ् धङ् ॱवङ्ग धी़ नम ज्यी़न्दु युङ् युङ युङ्ज्ये यो़प्प स्योक्च्यीत्। आमेन्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
भीजसो, यप् ङु ॱस्यीगेन् खीत्रङ् घयेक्की ढीक्लरङ् ङे हीगो ढीगो़त्। फम गेम्बासो, ॱङो़न् धङ्बुनीरङ् यो़क्केन् खोङ् ङु ॱस्यीगेन् खीत्रङ् घयेक्की ढीक्लरङ् ङे हीगो ढीगो़त्। स्यो़म्बसो, को़न्ज्योक्की केच्च्य ॱसीम्ल स्यक्न यो़क्केन्, खीत्रङ् ॱलोप्स्यीक् च्येम्म, दी़त्ङेन् हुगोले ज्यला थो़न्न युङ खीत्रङ् घयेक्की ढीक्लरङ् ङे हीगो ढीगो़त्।
Sanasan