9 मेङ्गे डेबु दील सङ्बु, ढङ्बु धङ् दीम्ब युङ्गेन् बेत्।
हुगो मेम्ब, खीत्रङ्गी ॱसीम् दी ॱएङ्गी लम्नी ज्युर्न हुल पीबे डेबु छ्या गोगेन् बेत्।
ॱनी हुब येशु च्येल्ल युङ्नी, येशुगी उन यो़प्पे मी घयेत् दील तो़दे, हीगी नथानेल् हीगो इस्राएली खुङ्देन् ॱएलम ॱस्युली मीप्पे मी दी हीगो बेत् झ्यीब बेत्।
ङे पी़न्ज्या घयेस्सो, खीत्रङ्गी गये ॱसीम् खुर्न खेसील थो़न्न च्यीक्तङ् च्यीक्ल ॱलोप् ॱस्यीगेल्ल ॱसोङ्न यो़प्पल ङ देङ् खीन यो़त्।
को़न्ज्योक्की घन्दुक्मे गय धङ् ङङ्रीन् धङ् गुर् थेक्प जेक्कुक्क हुगो खोक्की आक्तोक्ल तोङ्गेन् ॱनी? खोङ् हुन्दुक्मे गय यो़क्केन् हुगो रङ्गी ॱसीम् दी ॱएङ्गी लम्नी ज्युर्न युङ्गो़ट्टो ॱनो़बे ढीक्ल बेत्। हीगो खोक्की ॱह मीत् घोयेक्क ॱनी?
हज्यरङ् घयेक्की झ्यम्बे लम्नी दीम्ब ॱस्यो़त् गोगेन् बेत्। हुनी क हज्यरङ्गी झ्यीत्लु ज्युङ्लु दी छङ्मल छङ्न गो हीम्बे ख्रीष्ट्तङ् डमुल ज्येन युङ्गेन् बेत्।
हीगो झ्यीनी हज्यरङ् सी़ च्यीक्की यल्लक् हीम्बल झ्युङ्नी, हज्यरङ् घयेक्की ॱएलमे ढङ् घयेत् फङ्न स्यक्न नङ्जोदु रीदङ् रील दीम्बे केच्च्य लप् गोगेन् बेत्।
दीम्बे कबु कीङ्ज्यीत्। ढङ्गोक् छ्योप्केन् ढङ्बी़ च्यागी घो़ दी घो़न्न थीरी दो़च्च्यीत्।
हुनी हस्सो़त् को़न्ज्योक्ल तो़प्प धङ् यस्सो युङ्ज्ये यो़प्पल ख्रीष्ट्की लम्नी खीत्रङ् ॱसीम् सङ्बुल झ्युङ्न डेबु छेत्मीत् छ्यागेन् बेत्।
भुमु घयेस्सो, खीत्रङ् ॱसोस्सोरङ्गी छ्योबी़ ॱवङ्गी होक्ल दो़च्च्यीत्। हीगो खीत्रङ् चोव ज्यीन्दक् येशुदङ् मत् ढेब यो़प्प दील ओ़ब युङ्गेन् बेत्।
रङ् को़न्ज्योक्की मी हीम्ब झ्यीनी, हुन्दुक् झ्यीबे ढङ् घयेत्नी भीन दो़च्च्यीत्। हुनी ढङ्बु, को़न्ज्योक् गुवे छ्यलु, छ्य तेम्बर्, झ्यम्ब, धु धङ् ॱम ॱयुङ्बोक्म झ्यीच्च्ये ॱनो़बे ॱसीम् खुर्च्यीत्।
ॱनी ॱरेबी़ ढीक्ल ॱसुङ्रप्ल थो़ङ्गेन् को़न्ज्योक् नीज्यरङ् धी़ ज्यी़न्दु ॱवङ् च्येम्मे स्युडील स्युन ढङ्बु झ्यीन ज्यागक् च्योङ्गेन् बेत्।
छ्य स्यक्पे लम्नी हुबे ज्यागक् गज्येन् ॱनुप्न युङ बेत्। हुब यरीगी ढङ्बु झ्यीन ॱवङ् च्यङ बेत्। हुब यरील को़न्ज्योक्की छ्यो़त्तुम् जेप्प दी झ्युङ बेत्। हुब यरीगी ॱसेङ्गी घयेक्की ख ॱहेक् ॱमीत् छुगेल्ल सो़ तङ बेत्।
खोङ् ढङ्बु हीम्ब खीत्रङ्ल ॱस्यो़च्च्ये यो़क्केन् बेत्। हुगो झ्यीनी हुनी को़न्ज्योक् गुवे ले ढङ्बु ॱसी़ झ्यीगुक्क हुगो खोङ् च्यानी छ्येप्पे मी बेत् ॱनो़ब खीत्रङ्गी ॱह घो छुगेन् बेत्।
झ्यम्बे दगु रङ् ॱमीदे आक्पाल मेम्ब, गागी ॱमीदेल तो़ज्यीत्। गा झ्यीक्केन् दी को़न्ज्योक् ङो़गी बेत्। ॱनी आक्पा झ्यीक्केन् दी को़न्ज्योक्तङ् ङोस्स्यीन् मत् युङे मी बेत्।
