30 ॱनी हज्यरङ् कुरीक् खोङ्गी सी़गी यल्लक् बेत्।
हुगो डस्सी हज्यरङ् गज्येन् यो़त्न अक्, ख्रीष्ट्तङ् मत् ढेबल हज्यरङ् सी़ च्यीक् डस्सी युङ्गेन् बेत्। ॱनी हुगी सी़ हुगी यल्लक् घयेत् दी हज्यरङ् रीदङ् रील डोगेन् बेत्।
खीत्रङ्गी ॱसोस्सोरङ्गी सी़ हुगो ख्रीष्ट्की सी़गी यल्लक् हीम्ब खीत्ल ॱस्यो़च्च्ये मीप्प ॱनी? ॱनी ख्रीष्ट्की यल्लक् हीन्न ॱनी, खीत् घन्दुक् झ्यीन छ्येमुदङ् च्यीक्प युङ्ज्येल डोगेन्? हीगो ॱस्युली मीत् युङ्गेन् बेत्।
ॱनी छ्यो़ छो छङ्म खोङ्गी सी़ बेत्। ॱनी हीगी खोङ् छङ्मल सोगेन् बेत्। ॱनी म दी छङ्म थम्ज्येत् छङल सोगेन् दी खोङ् बेत्।
रोरङ्गी सी़ल ॱमीत् तगेङ्गी मी दी ॱसु दी यो़प्प बेक्क? मी ॱसोस्सोरङ्गी रोरङ्गी सी़ल गो़बे से टेत्न गये लेमु झ्यीक्केन् बेत्। ॱनी हीगो डस्सी ख्रीष्ट्की इक् खोङ् रोरङ्गी सी़ छ्यो़ छोल हुन्दुक् दीरङ् जेक्केन् बेत्।
हुन्दुक् झ्यीब सी़गी गो हीम्बे ख्रीष्ट् च्यानी ढे छर युङ्गेन् बेत्। छ्यो़ छो सी़ छङ्म च्योङ्गेन् दी गो बेत्। गोनी मल्ल सी़बी़ छीमीक् धङ् चप्स्यी घयेत् तान युङ डस्सी को़न्ज्योक्की थुल डीक्पल सी़ल ओङ्बु छङल सोगेन् दी खोङ् बेत्।
