एफीसस् 5:2 - ल्होमी2 ख्रीष्ट्की झ्यम्ब छ्यीम्मु जेत्न हज्यरङ्गी धो़न्दु खोङ् रोरङ्गी ॱरोक् दीरङ् च्येब बेत्। ॱनी खोङ्गी ॱरोक् दी को़न्ज्योक् गुवे ढीम स्यीम्बोक्म ॱहीक्केङ्गी छ्यो़प्पल झ्युङ बेत्। ॱनी खीत्रङ्गी इक् घन्ड झ्यीत् गो़ झ्युङ्न अक्, झ्यम्बे लम्नी झ्यीत् गोगेन् बेत्। Faic an caibideil |
एफीसस् 5:2
54 Iomraidhean Croise
ङ ज्यी़त् ॱयोङ् ॱयोङ्गी मी घयेक्की ढीक्ल ख्रीष्ट् येशुगी ॱयोक्पुल खो़त्न यो़त्। ॱनी ज्यी़त् ॱयोङ् ॱयोङ्गी मी घयेत् धम्बे थुगी धक्पर् हीम्बल सो़न हुब घयेत् को़न्ज्योक् थु गुवे छ्यो़प्प डस्सील युङ्ज्ये यो़प्पल को़न्ज्योक्की केच्च्य ॱनेम्बु ॱस्यो़क्केन्, ङ छ्यो़प्पो़न् डस्सी हीन्।
कोलीमीगी ली़सीम् हीगो योक्या यो़क्केन् झ्यीनी, छ्यो़डीम्गी लम्नी घङ् डुप् ॱमत् छुब यो़प्प दी को़न्ज्योक्की खोङ् रोरङ्गी ॱरेबु दीक्पे ॱस्याबल तङ्न युङ्न डुब बेत्। खोङ् कोलीमी दीक्च्येङ्गी ली़ डस्सील युङ्न, कोलीमी ली़सीम्ल यो़प्पे दीक्पे लेल्ल फोक्केङ्गी छ्येप्प दी को़न्ज्योक्की खोङ्ल केब बेत्।
खीत्रङ्गी हुनी ढोप्चील ॱरीक् ज्यक्च्येमे च्युर् घङ् यो़प्प घयेत् कुरीक् छ्याबे ॱस्यी़ मत् स्यक्प, तो़ल्ल पुर्। हीनी क खीत्रङ् च्युर् मत् ज्यबे ढोप्ची जीब डस्सी ॱसम्ब युङ्गेन् बेत्। ॱनी हुन्दो थुक्ल त खीत्रङ् हुन्दुक् दीरङ् यो़क्केन् बेत्। यहुदी घयेत् छ्यीबे धी़रीम्गी छ्यो़प्पल पु गोगेन् लुक्टुक् दी ख्रीष्ट् झ्युङ बेत्।
को़न्ज्योक्ल थु छ्यी। घन्ड हीन् सीन्न ॱमक् थुक्सनी ॱमक्मी घयेत् ज्येन युङदङ् छ्येत्मीत् ख्रीष्ट्तङ् मत् ढेबल ङीत् ज्यला थो़म्ब दी कुरीक्की ॱह घोज्ये यो़प्पल को़न्ज्योक्की ङीत् छीगङ् ठीक्कुक्। ङीक्की खोङ् ङु ॱस्यीबे केच्च्य हुगो ढीम स्यीम्बो़त्म ॱहीक्केन्दङ् छ्येत्मीत् ङीत् च्यानी घल अक् धर्च्ये यो़प्पल खोङ्गी टोम्गेन् बेत्।
ॱनी हीले ज्यीक्पा हज्यरङ् ॱस्यीस्सल च्यो़गेङ्गी हज्यरङ्गी मत् ओ़बे ले झ्यीबे ॱनोङ् घयेत् दी ख्रीष्ट्की ठक्की टी़न धक्तु ची़क्केन् बेत्। हुनी क हस्सो़त् ॱसोम्बु हीम्बे को़न्ज्योक्ल हज्यरङ्गी धेप्प झ्यीत् छुगेन् बेत्। ॱनी हीगो धी़ ज्यी़न्दु स्युगेन् धम्बे थुगी रोरम् जेत्न, नक्चक् मीप्प ख्रीष्ट्की खोङ् रोरङ्गी ॱरोक् को़न्ज्योक्ल पुबे लम्नी झ्युङ बेत्।
येशु ख्रीष्ट्की हज्यरङ्गी ढीक्ल खोङ् रोरङ्गी ॱरोक् दीरङ् च्येब बेत्। हुल तेनी क, दीम्बरङ्गी झ्यम्ब दी घन्दुक् झ्यीब युङ्गेन् बेक्क हुगो हज्यरङ्गी ॱह घो छुगेन् बेत्। ॱनी हीगो डस्सीगी झ्यम्ब दी क हज्यरङ्गी इक् पी़न्ज्या नङ्गी पी़ङ्गी ढीक्ल ॱरोक्रङ् ॱसोङ्न आक्, च्यो़ छुब युङ् गोगेन् बेत्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan