एफीसस् 5:15 - ल्होमी15 हीगो झ्यीनी खीत्रङ्गी मीजीगी छ्यलुल खेजो़त् झ्यीन धो़र्रीक् मीप्पे मी डस्सी मेम्ब, धो़र्रीक् च्येम्म डस्सी झ्यीज्यीत्। Faic an caibideil |
एफीसस् 5:15
26 Iomraidhean Croise
हुनी येशुगी हुगी मी दील रङ् ढक्पे केच्च्य हीगो ॱसुल आक् ॱमत् ॱस्यो़प्प, स्युङ्ज्योङ् छ्यो़प्पो़न् च्याल ज्युक्ल रङ् दीम्बरङ् ढक्प दी मी कुरीक्की ॱह घोज्ये यो़प्पल रङ्गी सी़बु दी छ्यो़प्पो़ल्ल तो़ल्लेत्। हुनी मोशागी कल यो़प्पल रङ्गी नज ढक्पे ढीक्ल को़न्ज्योक्ल छ्यो़प्प पुलेत् सीन्न ॱङान तङ बेत्।
च्यङ् थोन दो़च्च्यीत्। को़न्ज्योक्की घन्ड ॱसुङ्गो़दङ् हुल खीत्रङ् ॱअप्स्यी़त् मीप्प मत् झ्यीज्यीत्। धङ्बु इस्राएली घयेत्ल खोङ्गी सीनै लदोक्तु ॱसुङे ॱसुङ्स्येत्ल हुबे ॱअप्स्यी़त् मत् झ्यीबल हुब ॱमत् थर बेत्। ॱनी हुब अक् त ॱमत् थरे ॱनी, हुन्दो तेङ् यी़नी मल्ल ॱसुङ्गेन् येशुल हज्यरङ्गी तक् तो़न्न ॱसुम्ब घन्दुक् झ्यीन थर्केन्?
हुनी ङे भङ्ज्येम्ब दील छ्यक् छेबेन्। ॱनी हुगी ङल छ्यक् ॱमत् छो़लेत्। ङ को़न्ज्योक्की ॱयोक्पु, रङ् धङ् रङ्गी पी़न्ज्या डस्सी, येशुगी ढीक्ल दीम्बे केच्च्य ॱस्यो़क्केन् घयेत् डस्सीरङ् हीन्। को़न्ज्योक्लरङ् क छ्यक् छो़। येशुगी ढीक्ल दीम्बे केच्च्य ॱस्यो़क्केन् घयेत्ल कलुङ् ॱस्यो़त् छुबल धम्बे थु यो़क्केन् बेत् सीच्च्युङ्।
Sanasan