एफीसस् 4:32 - ल्होमी32 खीत्रङ् नङ्दु च्यीक्तङ् च्यीक्ल गये ले धङ् ॱङीङ्ज्यी झ्यीत्री चीज्यीत्। को़न्ज्योक्की खीत्रङ्ल ख्रीष्ट्की लम्नी धक्तु ची़प्प डस्सी खीत्रङ्गी इक् च्यीक्तङ् च्यीक्ल धक्तु ची़त् गोगेन् बेत्। Faic an caibideil |
एफीसस् 4:32
34 Iomraidhean Croise
ॱनी को़न्ज्योक् ॱङीङ्ज्यी छ्यीम्मु च्येम्म यो़क्केन् बेगो। हज्यरङ् मेन्नक् धङ् ॱस्यीवे इप्ल दो़क्केन् घयेत्ल खोङ् च्यानी थर्वे मेङ्ग पेक्न, नम् लोङदङ् छ्येत्मीत् युङ्ज्ये यो़प्प ॱसीम् दीव युङे लम्ल ज्यी़ तो़ङ्गेन् दी रङ् बेगो सीन्न ॱङो़स्स्यील ॱस्येप्प बेत्। (यशैया ९:२)
हुगो डस्सी मेम्ब, खीत्रङ्गी ड घयेत्ल झ्यम्ब धङ् गय झ्यीज्यीत्। घन्डे जप्च्ये आ ॱनो़न आक्, कीम्ब तोङ्ज्यीत्। हुनी क हीगी ढीक्ल गलेन् छ्यीम्मु थोप्केन् बेत्। हुनी खीत्रङ् इगी थोरी चीदु स्युगेन् को़न्ज्योक्की भीज ॱङो़न्ने हीम्बल डोगेन् बेत्। घन्ड हीन् सीन्न ढीन् ॱमीत् ॱसम्गेन् धङ् मी ङेम्ब घयेत्ल खोङ्गी गय जेक्केन् बेत्।
खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। तो़न्न ॱनी, खीत्रङ्ल को़न्ज्योक्की ठीम् च्येत्न छ्येप्प को़गेन् बेत्। खीत्रङ्गी ॱयोङ्ल छ्येप्प ॱमत् को़ज्यीत्। केन ॱनी, को़न्ज्योक्की खीत्रङ्ल आक् छ्येप्प को़गेन् बेत्। खीत्रङ्ल ॱयोङ्गी ङीब झ्यीज्युङ्न, हुगो धक्तु ची़च्च्यीत्। हुनी क को़न्ज्योक्की इक् खीत्रङ्गी ङीब धक्तु ची़क्केन् बेत्।
तेदे हुबे गुर् थेक्पे धु हुल तेन हुब घन्दुक्मे गव च्येम्मे मी बेक्क सीन्न हज्यरङ्गी सीक्केन् बेत्। अय्युब्गी घन्दुक्मे गुर् थेक्पे धु छ्यीय च्यङ बेक्क हुगो खीत्रङ्गी ॱह घोव यो़ट्टो। ॱनी स्युक्तु अय्युब्ल चोव ज्यीन्दक्की घन्दुक्मे लेमु जेप्प बेक्क हुगो ओक् खीत्रङ्गी थोङ् यो़ट्टो। चोव ज्यीन्दक् थुज्यी धङ् ॱङीङ्ज्यी छ्यीम्मु च्येम्म यो़क्केन् बेगो।
Sanasan