एफीसस् 4:2 - ल्होमी

² ॱनोम्‍ज्‍युङ्, ॱम ॱयुङ्‌बोक्‍म, ङङ्‌रीन् धङ् च्‍यीक्‍तङ् च्‍यीक्‍ल झ्‍यम्‍सीम् खुर्न गुर् थेक्‍प झ्‍यीज्‍यीत्।

एफीसस् 4:2 Iomraidhean Croise

मत्‍ती 11:29

ङ ॱनी ॱसीम्‍ज्‍युङ् धङ् ॱनोम्‍ज्‍युङ् यो़त्। ङे ॱनेक्‍स्‍यीङ् दी खीत्‍रङ्‌गी ज्‍यी़त्‍न खुर्न ङे पी हुल तेन झ्‍यी। हुनी क खीत्‍रङ्‌गी ॱसीम्‍ल थङ् ॱसो़गेन् बेत्।

मर्कुस् 9:19

ॱनी हीगी लेल्‍ल खोङ्‌गी हुब घयेत्‍ल ॱवे छ्‌य मीत् स्‍योक्‍केन्, धीङ्‌सङ्‌गी मी घयेस्‍सो, खीत्‍तङ् दल ङ घजो़त् च्‍यीक्‍रङ् दो़च्‍च्‍ये व ॱनी? घजो़त् च्‍यीक्‍रङ् गुर्च्‍ये व ॱनी? हुगो ङ च्‍याल ठीक्‍लेत् सीन्‍न ॱसुङ बेत्।

ठीक्‍नल 20:19

यहुदी घयेक्‍की केत्‍मीत्‍ल ढो़ झ्‍यीन ङल दुक्‍प गज्‍येन् तङ्‌न छो़त्‍लीङ्‌गी लेमु झ्‍युङ्। ॱनी हीन्‍न अक्, ङ ॱनोम्‍ज्‍युङ् झ्‍यीन ॱमीक्‍च्‍यु फीक्‍कील्‍ल चोव ज्‍यीन्‍दक्‍की ॱयोक्‍पी़ ले झ्‍यीन देप्‍पेन्।

रोमी 15:1

हज्‍यरङ् छ्‌य डम्‍बोक्‍म च्‍येम्‍म दीबे छ्‌य योक्‍या च्‍येम्‍म घयेक्‍की मत् युङ घयेत् दी गुर् गोगेन् बेत्। हज्‍यरङ् गुव छ्‌युवक् मेम्‍ब,

१ कोरीन्‍थी 13:7

गदुक् घन्‍ड झ्‍युङ्‌न अक्, सो़प्‍प खुर्केन् बेत्। गदुक् घन्‍ड झ्‍युङ्‌न अक्, छ्‌य स्‍योक्‍केन् बेत्। गदुक् घन्‍ड झ्‍युङ्‌न अक्, रीगो झ्‍यीक्‍केन् बेत्। गदुक् घन्‍ड झ्‍युङ्‌न अक्, थेक्‍प रीम्‍ब झ्‍यीक्‍केन् बेत्।

गलाती 6:2

खीत्‍रङ् च्‍यीक्‍तङ् च्‍यीक्‍की गेन् खुर्रो झ्‍यीन दगु झ्‍यीत्‍री चीज्‍यीत्। हुनी क हस्‍सो़त् ख्रीष्‍ट्‌की ॱनङे क दी डुप्‍केन् बेत्।

एफीसस् 1:4

को़न्‍ज्‍योक्‍की ढुङ्‌दु चङ्‌म धङ् नक्‍चक् मीप्‍प युङ्‌ज्‍ये यो़प्‍पल ॱस धङ् ॱनम् छ्‌यादु ची़प्‍पले एक् एल्‍लानी खोङ्‌गी हज्‍यरङ् ख्रीष्‍ट्‌की लम्‍नी दम्‍न यो़क्‍केन् बेत्।

कलस्‍सी 1:11

ॱनी हरुङ् गुर् थेक्‍प धङ् ङङ्‌रीन् झ्‍यीप्‍पल तो़त्‍वङ् छ्‌यीम्‍मु च्‍येम्‍मे को़न्‍ज्‍योक्‍की ॱस्‍यीक् दी खीत्‍रङ्‌ल ॱङीच्‍च्‍ये यो़प्‍प तोङ् सीन्‍न को़न्‍ज्‍योक्‍ल स्‍युदेन् ज्‍यक्‍को़त्।

१ तीमोथी 6:11

रङ् को़न्‍ज्‍योक्‍की मी हीम्‍ब झ्‍यीनी, हुन्‍दुक् झ्‍यीबे ढङ् घयेत्‍नी भीन दो़च्‍च्‍यीत्। हुनी ढङ्‌बु, को़न्‍ज्‍योक् गुवे छ्‌यलु, छ्‌य तेम्‍बर्, झ्‍यम्‍ब, धु धङ् ॱम ॱयुङ्‌बोक्‍म झ्‍यीच्‍च्‍ये ॱनो़बे ॱसीम् खुर्च्‍यीत्।

२ तीमोथी 2:25

ॱमीत् थी़ङ्‌गेङ्‌गी केच्‍च्‍य लप्‍केन् घयेत्‍ल ॱम ॱयुङ्‌बोक्‍म झ्‍यीन केच्‍च्‍य ॱस्‍येत्‍न ॱरोङ् छुगेन् युङ् गोगेन् बेत्। को़न्‍ज्‍योक्‍की हुबे ॱसीम् दी ज्‍युर्च्‍ये यो़प्‍प धङ् दीम्‍ब ॱह घोज्‍ये यो़प्‍प सो़न ॱनी,

याकुब् 1:21

हीगो झ्‍यीनी चङ्‌ज्‍ये मीप्‍प ङीबे ढङ् धङ् आक्‍पागी ढङ् घयेत् फङ्‌नी, थर्तु ची़क्‍केन् खीत्‍रङ्‌गी ॱसीम्‍ल चुन यो़प्‍पे ॱसुङ्‌रप्‍की केच्‍च्‍य दीदङ् थी़म्‍ब ॱनोम्‍ज्‍युङ् झ्‍यीन हुगोदङ् डीक्‍प झ्‍यीज्‍यीत्।

१ पत्रुस् 3:15

बोर खीत्‍रङ्‌गी ॱसीम्‍बे यीक्‍नी ख्रीष्‍ट् चोव ज्‍यीन्‍दक् हीन् ॱनो़ब ॱसम्‍ज्‍यीत्। ॱनी खीत्‍रङ्‌ल यो़प्‍पे रीगोगी धो़न् दी मी ॱसी़ नम् ढीदु युङ्‌न अक्, हुगोल खीत्‍रङ् ॱस्‍यो़त् छ्‌योक् झ्‍यीन दो़च्‍च्‍यीत्।

१ पत्रुस् 3:8

स्‍युक्‍ल ह खीत्‍रङ् नङ्‌दु ॱसीम् च्‍यीक् ली़ च्‍यीक् झ्‍यीन ॱङीङ्‌ज्‍यी, झ्‍यम्‍ब, चीदुङ् धङ् ॱनोम्‍ज्‍युङ् झ्‍यीज्‍यीत्।