एफीसस् 4:11 - ल्होमी

¹¹ ॱनी खोङ्‌गी यरी ठीक्‍नलल, यरी कलुङ् ॱस्‍यो़क्‍केल्‍ल, यरी केच्‍च्‍य ॱनेम्‍बु ॱस्‍येत्‍न टोम्‍गेल्‍ल, यरी छ्‌यो़ छोगी लुक्‍चीबल धङ् यरी चयेलमल को़न यो़क्‍केन् बेत्।

एफीसस् 4:11 Iomraidhean Croise

मत्‍ती 28:20

ॱनी ङे खीत्‍रङ्‌ल घङ् ॱलप्‍न झ्‍यीत्‍तु ची़प्‍प घयेत् दी हुबल अक् खीत्‍रङ्‌गी हुन्‍दुक् दीरङ् ॱलप्‍न नेन्‍न झ्‍यीक्‍केल्‍ल सो़ज्‍यीत्। तेदे ङ धी़ ज्‍यी़न्‍दु स्‍युक् थमे धी़ थुक्‍ल खीत्‍रङ्‌दङ् दल दो़क्‍केन् हीनो झ्‍यीब बेत्।

ठीक्‍नल 13:1

एन्‍टीयोक्‍की छ्‌यो़ छोदु कलुङ् ॱस्‍यो़क्‍केन् धङ् चयेलम घयेत् यो़प्‍प बेत्। हुबे मीङ् दील च्‍यीक्‍ल बार्नाबास्, च्‍यीक्‍ल शीमीयोन् नक्‍पु सीक्‍केन्, च्‍यीक्‍ल सैरेनीगी लुङ्‌बे मी लुसीयस्, च्‍यीक् पो़न् हेरोद्‌गी एल्‍लागी छ्‌यीट्‌टो मनेन् धङ् च्‍यीक् शावल् झ्‍यीनी मीरङ् ॱङ यो़प्‍प बेत्।

ठीक्‍नल 20:28

खीत्‍रङ् ॱसोस्‍सोरङ् च्‍यङ्‌जो़त् झ्‍यीन दो़च्‍च्‍यीत्। धम्‍बे थुगी खीत्‍रङ् गोयो़प्‍पल को़न खीत्‍रङ्‌गी गेल्‍ल स्‍यक्‍पे लुक् घयेत्‍ल च्‍यङ्‌जो़त् झ्‍यीन तो़ज्‍यीत्। को़न्‍ज्‍योक्‍की खोङ् रोरङ्‌गी ठक्‍की ॱली़बे छ्‌यो़ छोल तगेङ्‌गी लुक्‍चीब खीत्‍रङ् झ्‍यीज्‍यीत्।

ठीक्‍नल 21:8

हीनी नेम्‍बेत् दी ङीस्‍सो हुनी घीन फीन्‍नी, सीजरीया सार्ल ॱलीबेन्। ॱनी हुदु केच्‍च्‍य ॱनेम्‍बु ॱस्‍येत्‍न टोम्‍गेन् फीलीप्‍की खीम्‍दु देप्‍पेन्। ॱनी फीलीप् हुगो एल्‍ला यरुशलेम्‍दु मीरङ् दी़न् दम्‍बे छीक्‍नी च्‍यीक् बेत्।

रोमी 12:7

छ्‌यो़ छोगी घुङ्‌दु स्‍यप्‍च्‍यी़गी ले झ्‍यीक्‍केङ्‌गी कबप् यो़प्‍प च्‍येम्‍मे स्‍यप्‍च्‍यी़गी ले दी झ्‍यीज्‍यीत्। ॱसुङ्‌रप्‍की ॱलोप्‍स ज्‍यक् ॱस्‍यीगेङ्‌गी कबप् यो़प्‍प च्‍येम्‍मे ॱलोप्‍स दी ज्‍योप्‍च्‍यीत्।

१ कोरीन्‍थी 12:4

थुज्‍यीगी कबप् ॱनम्‍ब गज्‍येन् युङ्‌गेन् बेत्। ॱनी म दी हुगो ॱनङ्‌गेन् धम्‍बे थु दी च्‍यीक् बेत्।

एफीसस् 2:20

खीत्‍रङ् खीम्‍गी दो चीबदङ् छ्‌येत्‍मीत् बेत्। ॱनी ॱसप्‍तेन् दी कलुङ् ॱस्‍यो़क्‍केन् घयेत् धङ् ठीक्‍नल घयेत् बेत्। ॱनी सुर्की दो घो छ्‌यो़स्‍स्‍यो दी ख्रीष्‍ट् येशु खोङ् रोरङ् बेत्।

एफीसस् 3:5

ॱङो़न् धङ्‌बुनी कोलीमी घयेत्‍ल ॱमत् तो़म्‍बे ॱङीङ्‌बु हुगो धी़ धीङ्‌सङ्‌रङ् खोङ्‌गी ठीक्‍नल धङ् कलुङ् ॱस्‍यो़क्‍केन् चङ्‌म घयेत्‍ल धम्‍बे थुगी तो़न्‍न ॱसल्‍तु ची़त्‍न यो़क्‍केन् बेत्।

एफीसस् 4:8

हीगी ढीक्‍ल ॱसुङ्‌रप्‍ल थो़ङ्‌गेन् बेत्। खोङ् ज्‍येन इगीदु झ्‍यो़म्‍बे यङ्‌ल खोङ्‌गी ड घयेत् सुङ्‌न ठीक्‍प बेत्। ॱनी मी घयेत्‍ल खोङ्‌गी ॱनङ्‌ज्‍येत् गज्‍येन् ॱनङ्‌न स्‍यक्‍प बेत्। (ॱसुङ्‌रप्‍की गुल्‍लु ६८:१८)

२ तीमोथी 4:5

हुब डस्‍सी मेम्‍ब, रङ्‌ल गदुक् घन्‍ड झ्‍युङ्‌न अक्, ॱसीम् च्‍यङ्‌जो़त् झ्‍यीन दो़च्‍च्‍यीत्। गुर् थेक्‍प झ्‍यीज्‍यीत्। केच्‍च्‍य ॱनेम्‍बु ॱस्‍यो़च्‍च्‍येमे ले दी झ्‍यीन रङ्‌गी गेल्‍ल यो़प्‍पे को़न्‍ज्‍योक्‍की स्‍यप्‍च्‍यी़गी ले दी डुब झ्‍यीज्‍यीत्।

हीब्रु 5:12

हजो़त् स्‍येन् खीत्‍रङ् चयेलमल थो़न् रेन् छरे छ्‌यक्‍चो़त् ॱलीत् छर बेत्। ॱनी हीन्‍न अक्, खीत्‍रङ् हुन्‍दो भीज नुम थुङ्‌गेन्‍दङ् छ्‌येत्‍मीत् ॱसुङ्‌रप्‍ल यो़प्‍पे ॱलोप्‍स गोनी यङ् खीत्‍रङ्‌ल क क आमनी ॱलोप् गो़ ॱस्‍यर्केल्‍ल ॱसोङ्‌दुक्। हुगो झ्‍यीनी खीत्‍रङ्‌ल गेम्‍बागी सम डस्‍सी टो़त् ॱमीत् छुबेत्।

यहुदा 1:17

झ्‍यम्‍बे दगुसो, हज्‍यरङ्‌गी चोव ज्‍यीन्‍दक् येशु ख्रीष्‍ट्‌की ठीक्‍नल घयेक्‍की एल्‍लादु ॱस्‍येत्‍न यो़प्‍पे केच्‍च्‍य हीगो खीत्‍रङ्‌गी ॱसीम्‍बे यीक्‍ल सुङ्‌न स्‍योक्‍च्‍यीत्।

ॱसाल्‍केत् 18:20

ॱवे तेङ् यी़ धङ् को़न्‍ज्‍योक्‍की मी चङ्‌म घयेत्, ठीक्‍नल घयेत् धङ् कलुङ् ॱस्‍यो़क्‍केन् घयेत् गेस झ्‍यीज्‍यीत्। घन्‍ड हीन् सीन्‍न खीत्‍रङ्‌ल अयेक्‍प झ्‍यीब घयेक्‍की ङेल्‍लेन् दी को़न्‍ज्‍योक्‍की हुगी सार् हुल च्‍येसोङ्।

ॱसाल्‍केत् 21:14

च्‍यारी दील ॱसप्‍तेन् च्‍युन्‍नी दुक्। ॱनी ॱसप्‍तेन् रीदङ् रील लुक्‍टुक्‍की ठीक्‍नल च्‍युन्‍नीबी़ मीङ् दी ढीन दुक्।