एफीसस् 3:9 - ल्होमी9 धङ् छङ्म थम्ज्येत् छ्यादु ची़क्केन् को़न्ज्योक्की धङ्बुनी ॱमत् तो़म्बे ढो़ ॱङीङ्बु दी मी कुरीक्ल तो़न्न डुप्च्ये यो़प्पल ङल खोङ्गी थुज्यी ॱनङ्ज्युङ्। Faic an caibideil |
एफीसस् 3:9
38 Iomraidhean Croise
पी़न्ज्यासो, ङे खीत्रङ्ल एल्ला ॱमत् तो़म्बे ॱङीङ्बु च्यीक् ॱस्येत् योङ्। हीगो ङे ॱमत् ॱस्येत्न, खीत्रङ्रङ् रङ्स्यीगी घङ् ॱस्यीब दीले ॱल्हक्मा ॱमीत् ॱस्यीगेन् बेत्। हीगो को़न्ज्योक् च्याल ज्यी़त् ॱयोङ् ॱयोङ्गी मी घयेक्की ढङ्ज्युक् दी नम् छीदेन् ॱलीत् ॱलीत् थुक्ल इस्राएली छ्यो च्यीक्की ॱसीम् दी गट्टक्प दीरङ् ॱमीत् ॱसेङ लेगेन् बेत्।
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
हज्यरङ्गी छ्यो़लुगी धो़न् हीगो तीङ् सप्पोक्म ॱह लेसी यो़प्प कुरीक्की छोर्केन् बेत्। ख्रीष्ट् कोलीमील कीन थो़न्न युङ बेत्। खोङ् धक्पर् हीम्ब धम्बे थुगी तो़म्ब बेत्। खोङ् तेङ् यी़गी भङ्ज्येम्ब घयेक्की इक् थोङ बेत्। ज्यी़त् ज्यी़त् घयेक्की घुङ्दु खोङ्गी ढीक्की केच्च्य घयेत् ॱस्येत्न टम्ब बेत्। जम्बुलीङ्गी मी गज्येङ्गी खोङ्ल छ्य स्यक्प बेत्। हुनी खोङ् तो़त्वङ्गी ओ़च्च्ये ॱसज्य इगीनल ठीक्नर बेत्।
रङ्गी थोङे ॱसीम्ज्येन् हुगो एल्ला झ्युङ बेत्। ॱनी हुन्दो मीप्प बेत्। ॱनी हुगो यङ् खीस मीप्पे ॱसेङ्दोङ दीगी नङ्नी थो़ङ्गेन् बेत्। थो़न्नी, यङ् हुगो खरप्ल टप् डोगेन् बेत्। ॱस धङ् ॱनम् छ्यादु ची़प्पनी झ्यीनी छीये थोल मीङ् मत् ढीबे मी घयेत् दी हुगी ॱसीम्ज्येन् हुगो थो़म्ब थोङ्नी, ॱह लेगेन् बेत्। घन्ड हीन् सीन्न एल्ला हुगो झ्युङ बेत्। हुनी यङ् मीप्प बेत्। ॱनी यङ् तीङ्ला थो़ङ्गेन् बेत्।
Sanasan