एफीसस् 3:20 - ल्होमी

²⁰ हज्‍यरङ्‌गी ॱसीम्‍ल ले जेक्‍केन् को़न्‍ज्‍योक्‍की ॱस्‍यीक्‍ल पीब हज्‍यरङ्‌गी स्‍यी़ब धङ् ॱसीम्‍ल ॱनो़बले एक् ॱल्‍हक्‍मागी ले खोङ्‌गी जेत् छुगेन् बेत्।

एफीसस् 3:20 Iomraidhean Croise

मत्‍ती 3:9

खीत्‍रङ्‌गी ॱसीम्‍ल अब्राहाम् ङीक्‍की पुबु हीन् ॱनो़ब ॱसम्‍बे घन्‍डे घो ओक् मीत् ज्‍यक्‍केन् बेत्। ङे खीत्‍रङ्‌ल ॱस्‍येत् योङ्। हीगी दो हीब अक् को़न्‍ज्‍योक्‍की अब्राहाम्‍गी ज्‍यी़त्‍ल सो छुगेन् बेत्।

युहन्‍ना 10:10

ॱनी ङ हुब घयेत्‍ल ॱमेल्‍लम् च्‍येम्‍मे छी थोप्‍च्‍ये यो़प्‍पल टो़त्‍तु सीन्‍न युङ हीन्। की़न्‍ज्‍येन् घयेत् कुदु, ॱसो़त्‍तु धङ् खरप्‍ल तोङ्‌दु सीन्‍नरङ् युङ्‌गेन् बेत्।

रोमी 16:25

ङे ॱस्‍यो़क्‍केङ्‌गी येशु ख्रीष्‍ट्‌की केच्‍च्‍य ॱनेम्‍बु हीगी लम्‍नी को़न्‍ज्‍योक्‍की खीत्‍रङ् चव छुदु ची़त् छुगेन् बेत्। ॱनी हीगी ॱङीङ्‌बी़ केच्‍च्‍य हीगो ॱङो़न् धङ्‌बुनी ॱमत् तो़म्‍ब स्‍यक्‍न यो़क्‍केन् बेत्।

रोमी 4:21

हुगी छ्‌यो़त्‍तुम् जेप्‍प दी को़न्‍ज्‍योक्‍की डुप्‍तु ची़त् छुगेन् बेत् ॱनो़बल अब्राहाम् ॱलो खीन युङ बेत्।

१ कोरीन्‍थी 2:9

हीगी ढीक्‍ल ॱसुङ्‌रप्‍ल ढीन यो़क्‍केन् बेत्। ॱसी़ ॱमीक्‍की इक् ॱमत् थोङ, ॱसी़ आम्‍ज्‍योक्‍की इक् मत् घोव, ॱसी़ ॱसीम्‍ल आक् ॱमत् छ्‌यर हुन्‍दुक् झ्‍यीब घयेत् को़न्‍ज्‍योक्‍की खोङ् रोरङ्‌ल झ्‍यम्‍ब खुर्केन् घयेत्‍ल ठोक्‍क झ्‍यीन स्‍यक्‍न यो़क्‍केन् बेत्। (यशैया ६४:४)

२ कोरीन्‍थी 9:8

खीत्‍रङ्‌ल गो़बे खोज्‍येत् घयेत् कुरीक् छीगङ् युङ्‌ज्‍ये यो़प्‍प धङ् खीत्‍रङ्‌गी गये लेगी ढङ् घन्‍ड हीन्‍न अक्, हुगो झ्‍यीत् छुज्‍ये यो़प्‍पल खीत्‍रङ्‌ल थुज्‍यी ज्‍येबर् को़न्‍ज्‍योक्‍की ॱनङ् छुगेन् बेत्।

एफीसस् 3:7

ॱनी ङल को़न्‍ज्‍योक्‍की ॱस्‍यीक् ॱनङ्‌नी, खोङ्‌गी थुज्‍यीगी कबप् थोप्‍न हुगी केच्‍च्‍य ॱनेम्‍बु हुगो ॱस्‍यो़क्‍केङ्‌गी ॱयोक्‍पुल खो़त्‍न यो़त्।

कलस्‍सी 1:29

ङल ख्रीष्‍ट्‌की ॱस्‍यीक् छ्‌यीम्‍मु ॱनङ्‌नी, हुनी हुगी ॱस्‍यीक् दीगी ङे टेत् च्‍येत्‍न हुगी ले हुगो डुप् छुब झ्‍यीक्‍को़त्।

१ तीमोथी 1:14

हज्‍यरङ्‌गी चोव ज्‍यीन्‍दक्‍की ङल थुज्‍यी छ्‌यीम्‍मु ॱनङ्‌न युङ्‌नी, खोङ्‌गी लम्‍नी ङ झ्‍यम्‍ब झ्‍यीत् छुगेल्‍ल धङ् खोङ्‌ल छ्‌य स्‍योक् छुगेल्‍ल झ्‍युङ्।

हीब्रु 11:19

हुगी यङ्‌ल अब्राहाम्‍गी ॱनो़बल इसहाक् ॱस्‍यीन खुर्न आक्, को़न्‍ज्‍योक्‍की ॱसोम्‍बुल ॱलोङ् छुगेन् बेत् ॱनो़बे ॱसम्‍ल खुर बेत्। ॱनी हीगो डस्‍सी दीरङ् इसहाक् ॱस्‍यीनरदङ् छ्‌येत्‍मीत्‍नी ॱसोम्‍बुल लोङ डस्‍सी झ्‍युङ बेत्।

हीब्रु 7:25

हुगो झ्‍यीनी खोङ्‌गी लम्‍नी को़न्‍ज्‍योक् च्‍येल्‍ल युङ्‌गेन् घयेत् खोङ्‌गी फुगी ढीक्‍ल छी थर्वल तो़न् छुगेन् बेत्। घन्‍ड हीन् सीन्‍न हज्‍यरङ्‌गी धो़न्‍दु को़न्‍ज्‍योक्‍ल स्‍युदेन् ज्‍यक्‍केल्‍ल खोङ् धी़ ज्‍यी़न्‍दु स्‍युन यो़क्‍केन् बेत्।

याकुब् 4:12

छ्‌यो़डीम् ॱनङ्‌गेन् धङ् ठीम्‍बो़न् दी खोङ् च्‍यीगी च्‍यीक्‍रङ् मेन्‍द, मीप्‍प बेत्। थर्तु ची़च्‍च्‍येमे ॱवङ् धङ् फुगी ढीक्‍ल खरप्‍ल तोङ्‌ज्‍येमे ॱवङ् दी इक् खोङ्‌ल मेन्‍द, मीप्‍प बेत्। ॱनी खो़त्‍ल घन्‍डे ॱवङ् दी यो़त् सीन्‍न ॱयोङ्‌गी गोल थो़न्‍न च्‍यो़न्‍स्‍यो़त् तो़ङ्‌गेन् सीक्‍केन्?

२ पत्रुस् 1:11

हुनी हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट्‌की इगीगी फु तक्‍पे ज्‍यागक्‍ल स्‍युक्‍पे यङ्‌ल हज्‍यरङ्‌ल ॱसुमी़ थोप्‍केन् बेत्।

यहुदा 1:24

खीत्‍रङ् दीक्‍पनी छ्‌योप् छुगेन् खोङ्‌गी तो़त्‍वङ् छ्‌यीम्‍मी़ ओ़च्‍च्‍य गेस यो़स्‍सल खीत्‍रङ् नक्‍चक् मीप्‍प तो़न् छुगेन्,