एफीसस् 3:19 - ल्होमी

¹⁹ ॱनी म दीरङ् जेङ् ॱह घो ॱमीत् छुगेङ्‌गी ख्रीष्‍ट्‌की झ्‍यम्‍ब हुगो खीत्‍रङ्‌गी ॱसीम्‍ल ॱङो़न्‍ने ॱह घोन ॱनी, खीत्‍रङ्‌गी ॱसीम्‍ल को़न्‍ज्‍योक्‍की थुरीक्‍की घेङ्‌न युङ्‌गेन् बेत्।

एफीसस् 3:19 Iomraidhean Croise

मत्‍ती 5:6

ढङ्‌बी़ छ्‌योल तोब धङ् कोम्‍ब यो़प्‍प च्‍येम्‍म घयेत् ॱसोदी च्‍येम्‍मल ॱनेगेन् बेगो। घन्‍ड हीन् सीन्‍न हुब डङ दी को़न्‍ज्‍योक् च्‍यानी युङ्‌गेन् बेत्।

युहन्‍ना 1:16

खोङ्‌गी थुज्‍यीगी भङ्‌जेत्‍नी हज्‍यरङ् घयेत्‍ल थुज्‍यीगी थोक्‍ल आक् थुज्‍यी थोप्‍न यो़क्‍केन् बेत्।

युहन्‍ना 17:3

फु तक्‍पे छी दी कोलीमी घयेक्‍की को़न्‍ज्‍योक् दी नीज्‍यरङ् च्‍यीगी च्‍यीक्‍रङ् दुक् ॱनो़न गन्‍दीय ङु ॱस्‍यीब धङ् नीज्‍यरङ्‌गी तङे येशु ख्रीष्‍ट् ङु ॱस्‍यीब हीगो बेत्।

रोमी 8:35

हीगो झ्‍यीनी ख्रीष्‍ट्‌की झ्‍यम्‍ब ङो़नी हज्‍यरङ् ॱसु दीगी या टो़ छुगेन्? दुक्‍स्‍यीगी, ॱसीम्‍दुक्‍की, डस्‍सीङ्‌गी, तोरीगी, च्‍यरेङ्‌मु लेबे, ज्‍यीसीगी लेमु धङ् ढी पदङ् हुन्‍दुक् झ्‍यीबे ढङ्‌गी या टे योङ् सीक्‍केन्? घन्‍डे एक् या टो़ ॱमीत् छुगेन् बेत्।

रोमी 8:39

ॱस धङ् ॱनम्‍गी तेङ्‌स्‍युक्‍मे हीन्, यङ् होक्‍स्‍युक्‍कीरङ् हीन्, घङ् छ्‌यादु ची़प्‍प घयेत् कुरीक्‍की घन्‍डे एक् हज्‍यरङ्‌गी चोव ज्‍यीन्‍दक् ख्रीष्‍ट् येशुगी लम्‍नी जेप्‍पे को़न्‍ज्‍योक्‍की झ्‍यम्‍ब हुगो ङो़नी या टो़ ॱमीत् छुगेन् बेत्। हीगो खुङ् हीम्‍बल ङ देङ् खीन यो़त्।

२ कोरीन्‍थी 5:14

मीरङ् च्‍यीक् मी छङ्‌म थम्‍ज्‍येक्‍की ढीक्‍ल ढोङ हीम्‍बे लम्‍नी मी कुरीक् ॱस्‍यी छर डस्‍सील ॱसोङ बेत्। हीगो ॱङो़न्‍ने हीम्‍ब ङीक्‍की ॱह घोन, देङ् खीन यो़त्। हीगो झ्‍यीनी ङीत् ख्रीष्‍ट्‌की झ्‍यम्‍बे ॱवङ्‌गी होक्‍ल देत्‍न ले झ्‍यीक्‍को़त्।

गलाती 2:20

ङ ख्रीष्‍ट्‌तङ् दल कुरुस्‍ल तान ॱस्‍यीनरदङ् च्‍यीक्‍प हीन्। हीगो झ्‍यीनी ङ ॱसोम्‍बु मेन्। ङे मीजी च्‍योङ्‌गेन्, ङे ॱसीम्‍ल ख्रीष्‍ट् ॱसोम्‍बु यो़त्। ङ ॱस्‍यस्‍सी़ हील यो़स्‍स्‍यीङ् भोर्ल ङल झ्‍यम्‍ब जेक्‍केन्, ङे धो़न्‍दु ॱरोक् च्‍यो़गेन् को़न्‍ज्‍योक्‍की ॱरेबुल ङ ॱलो केन दो़क्‍को़त्।

एफीसस् 1:23

ॱनी छ्‌यो़ छो छङ्‌म खोङ्‌गी सी़ बेत्। ॱनी हीगी खोङ् छङ्‌मल सोगेन् बेत्। ॱनी म दी छङ्‌म थम्‍ज्‍येत् छङल सोगेन् दी खोङ् बेत्।

एफीसस् 3:18

ख्रीष्‍ट्‌की झ्‍यम्‍बे स्‍येङ् छ्‌यीलो़त् दी, ज्‍यी़त्‍तक् रीङ्‌लो़त् दी, थोस्‍स्‍येङ् दी धङ् तीङ्‌रीङ्‌लो़त् दी घजो़त् च्‍यीक् दुक्‍क हुगो को़न्‍ज्‍योक्‍की मी चङ्‌म ॱयोङ्‌म घयेत्‍तङ् दल खीत्‍रङ्‌गी इक् गन्‍दीक्‍म ॱह घो छुज्‍ये यो़प्‍प तोङ्।

एफीसस् 5:2

ख्रीष्‍ट्‌की झ्‍यम्‍ब छ्‌यीम्‍मु जेत्‍न हज्‍यरङ्‌गी धो़न्‍दु खोङ् रोरङ्‌गी ॱरोक् दीरङ् च्‍येब बेत्। ॱनी खोङ्‌गी ॱरोक् दी को़न्‍ज्‍योक् गुवे ढीम स्‍यीम्‍बोक्‍म ॱहीक्‍केङ्‌गी छ्‌यो़प्‍पल झ्‍युङ बेत्। ॱनी खीत्‍रङ्‌गी इक् घन्‍ड झ्‍यीत् गो़ झ्‍युङ्‌न अक्, झ्‍यम्‍बे लम्‍नी झ्‍यीत् गोगेन् बेत्।

एफीसस् 5:25

ॱनी ख्रीष्‍ट्‌की छ्‌यो़ छोगी धो़न्‍दु रोरङ्‌गी ॱरोक् दीरङ् च्‍येन घन्‍दुक्‍मे झ्‍यम्‍ब छ्‌यीय जेत्‍तुक्‍क हुगो डस्‍सी छ्‌योगो घयेक्‍की इक् रोरङ्‌सो़ छ्‌युङ्‌मल झ्‍यम्‍ब झ्‍यीत् गोगेन् बेत्।

फीलीप्‍पी 1:7

खीत्‍रङ् ङे ॱङीङ्‌गी नङ्‌गी मी हीम्‍ब झ्‍यीनी, हीन्‍दुक् झ्‍यीबे ॱसीम्‍ब ॱनो़गुक्। ङ हुदु चो़ल्‍ल यो़प्‍पे यङ्‌ल, केच्‍च्‍य ॱनेम्‍बी़ खबाल लोङ्‌न धक्‍पर् झ्‍यीप्‍पे यङ्‌ल धङ् केच्‍च्‍य ॱनेम्‍बु चव चुक्‍पे यङ्‌ल खीत्‍रङ् ङदङ् दल को़न्‍ज्‍योक्‍की थुज्‍यी च्‍यीक्‍की होक्‍ल छ्‌य झ्‍यीन युङ बेत्।

फीलीप्‍पी 4:7

खीत्‍रङ्‌ल को़न्‍ज्‍योक्‍की ॱमीत् च्‍यीक्‍प ॱह दीरङ् घो ॱमीत् छुगेङ्‌गी ॱसीम् दीव ॱनङ्‌गेन् बेत्। हुनी हस्‍सो़त् ख्रीष्‍ट् येशुदङ् खीत्‍रङ् मत् ढेबल यो़क्‍कीन् यो़क्‍कीर्रङ् खीत्‍रङ्‌गी ॱसीम् धङ् ॱसम्‍ल दी हुगी छ्‌योप्‍केन् बेत्।

कलस्‍सी 1:10

ॱनी खीत्‍रङ्‌गी मीजीगी छ्‌यलु दी चोव ज्‍यीन्‍दक्‍ल ओ़ब युङ्‌ज्‍ये यो़प्‍प धङ् हीनी छीगङ् खीत्‍रङ्‌गी चोव ज्‍यीन्‍दक् थु गुवे ले झ्‍यीत् छुज्‍ये यो़प्‍प धङ् गये लेगी ढङ्‌गी डेबु छ्‌याज्‍ये यो़प्‍प धङ् को़न्‍ज्‍योक्‍की थुरीक् हरुङ् ज्‍यीक्‍तु ॱह घोज्‍ये यो़प्‍प तोङ्।

१ पत्रुस् 1:8

खीत्‍रङ्‌गी ख्रीष्‍ट् ॱमीत् थोङ्‌गो़त्‍न आक्, खीत्‍रङ्‌गी ॱसीम्‍न खोङ्‌ल झ्‍यम्‍ब यो़क्‍केन् बेत्। ॱनी हुन्‍दो ॱमीत् थोङ्‌गो़त्‍न आक्, खीत्‍रङ्‌गी खोङ्‌ल ॱलो केन दो़क्‍केन् बेत्। हुगो झ्‍यीनी खीत्‍रङ्‌गी ॱसीम्‍ल छीक्‍टल ज्‍युर्न ॱस्‍यो़त् दीरङ् ॱमीत् ॱस्‍यीगेङ्‌गी गेस छ्‌यीम्‍मु युङ्‌गेन् बेत्।

२ पत्रुस् 3:18

हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट्‌की थुज्‍यीगी धो़र्रीक् खीत्‍रङ्‌ल ज्‍येबर् युङ्‌ज्‍ये यो़प्‍प धङ् खोङ्‌गी धो़र्रीक् खीत्‍रङ्‌गी गदु ॱस्‍यीज्‍ये यो़प्‍प झ्‍यीज्‍यीत्। खोङ्‌ल हुन्‍दो धङ् धी़ ज्‍यी़न्‍दु तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।