एफीसस् 3:12 - ल्होमी

¹² हज्‍यरङ्‌गी ख्रीष्‍ट्‌ल छ्‌य स्‍यक्‍न, खोङ्‌दङ् मत् ढेबे लम्‍नी को़न्‍ज्‍योक्‍ल ॱलो खीन ज्‍यीक्‍टक् मीप्‍प, हज्‍यरङ् खोङ्‌गी ढुङ्‌दु डो छुगेल्‍ल युङ्‌गेन् बेत्।

एफीसस् 3:12 Iomraidhean Croise

युहन्‍ना 14:6

ॱनी येशुगी हुल लम्, दीम्‍ब धङ् छीये खुङ् दी ङ हीन्। ङ च्‍यानी फीन्‍न मेन्‍द, स्‍येन् ॱसु उक् यप् च्‍याल ॱलीत् ॱमीत् छुगेन् बेत्।

रोमी 3:22

ॱनम्‍बर् धक्‍प दील येशु ख्रीष्‍ट्‌ल छ्‌य स्‍योक्‍केन् घयेत् दीरङ् को़न्‍ज्‍योक्‍की तो़न्‍न थो़ङ्‌गेन् बेत्। हील दम्‍ङीत् मीत् युङ्‌गेन् बेत्।

रोमी 5:2

हज्‍यरङ् हुन्‍दो थुज्‍यी ङो़ल झ्‍युङ्‌न यो़क्‍केन् हीगो हज्‍यरङ्‌गी छ्‌य स्‍यक्‍प दीगी धङ् येशुगी कुट्‌टीङ्‌गी झ्‍युङ्‌न यो़क्‍केन् बेत्। ॱनी यङ् को़न्‍ज्‍योक्‍की तो़त्‍वङ् च्‍येम्‍मे ओ़च्‍च्‍यल हज्‍यरङ् ॱलीक्‍केन् झ्‍यीनी, हुगी रीगो हुल हज्‍यरङ्‌ल गेस यो़क्‍केन् बेत्।

२ कोरीन्‍थी 3:4

को़न्‍ज्‍योक्‍ल ख्रीष्‍ट्‌की लम्‍नी ङीत् ॱलो खीनी, हुनी ङीक्‍की हुगो हुन्‍दुक् सीन्‍न सीर् छुगो़त्।

एफीसस् 2:18

खोङ्‌गी कुट्‌टीङ्‌गी हज्‍यरङ् ज्‍यी़त् ॱङीक्‍कर् यप्‍की ढुङ्‌दु धम्‍बे थु च्‍यीक्‍की लम्‍नी डो छुगेल्‍ल झ्‍युङ बेत्।

हीब्रु 10:35

खीत्‍रङ्‌ल ॱल छ्‌यीम्‍मु थोप्‍को़त् ॱनो़न ॱअयु छ्‌यक्‍प मीप्‍प, ॱआर् झ्‍यीन दो़च्‍च्‍यीत्।

हीब्रु 3:6

ॱनी ख्रीष्‍ट् को़न्‍ज्‍योक्‍की ढोङ्‌बदु ॱवङ् च्‍येम्‍मे ॱरेबु बेत्। खोङ् घन्‍डल अक् तेम्‍बर् यो़क्‍केन् बेत्। ॱनी हज्‍यरङ्‌गी ॱआर् झ्‍यीन ङोम्‍रीन् छ्‌योक्‍पे रीगोल स्‍युक् थम थुक्‍ल थीरी देत्‍न ॱनी, हज्‍यरङ् को़न्‍ज्‍योक्‍की ढोङ्‌बे मीजङ् हीम्‍बल डोगेन् बेत्।

१ पत्रुस् 3:18

हुगो डस्‍सी ख्रीष्‍ट्‌की इक् दुक्‍स्‍यी गुर्न, हज्‍यरङ् मी घयेक्‍की दीक्‍पे ढीक्‍ल धङ् हज्‍यरङ्‌ल फु काब तोङ्‌ल फेम्‍ब युङे ढीक्‍ल खोङ् लेन् च्‍यीक् ढोङ बेत्। हीगो हज्‍यरङ् को़न्‍ज्‍योक् च्‍याल ठीक् छुज्‍ये यो़प्‍पल खोङ् ढङ्‌बु हीन्‍ज्‍यङ्, हज्‍यरङ् मत् ढङा घयेक्‍की छप्‍पुल ढोङ बेत्। खोङ् ॱस्‍यस्‍सी़ल यो़प्‍पे यङ्‌ल मी घयेक्‍की ॱसेत्‍न आक्, यङ् धम्‍बे थुगी खोङ् ॱसोम्‍बुल ॱलोङ बेत्।

१ युहन्‍ना 2:28

भीजसो, खोङ् फीच्‍च्‍य इगीनी मल्‍ल झ्‍यो़म्‍बे यङ्‌ल खीत्‍रङ् खे ॱमीत् छ्‌यङ ज्‍यीब मीप्‍प, थो़न् छुज्‍ये यो़प्‍पल हुन्‍दोनीरङ् खोङ्‌दङ् मत् ढेब थीरी दो़च्‍च्‍यीत्।

१ युहन्‍ना 3:21

झ्‍यम्‍बे दगुसो, हज्‍यरङ्‌गी ॱसीम्‍ल ङीबे ॱनोङ् मीत्‍न ॱनी, हीदु को़न्‍ज्‍योक्‍की ढुङ्‌दु हज्‍यरङ् ज्‍यीक्‍टक् मीप्‍प डो छुगेन् बेत्।