एफीसस् 3:10 - ल्होमी10 ॱनी हीगो, को़न्ज्योक्की झ्यी़रीक् ॱनजो तेङ् यी़गी ॱवङ् च्योङ्गेन् धङ् ॱवङ् च्येम्म घयेक्की इक् ॱह घोज्ये यो़प्पे ढीक्ल छ्यो़ छोगी लम्नी जेक्केन् बेत्। Faic an caibideil |
एफीसस् 3:10
23 Iomraidhean Croise
घन्ड हीन् सीन्न जम्बुलीङ् धङ् तेङ् यी़न घङ् यो़प्प ॱमीक्की थोङ्गेन् धङ् ॱमीत् थोङ्गेङ्गी ढङ् छङ्म को़न्ज्योक्की खोङ्गी लक्नी जेत्न छ्यादु ची़प्प बेत्। ॱनी ॱवङ् च्येम्मे स्युडील दो़क्केन्, ॱवङ् च्योङ्गेन्, चो छ्यीया घयेत् धङ् ॱवङ् च्येम्म घयेत् एत् कुरीक् खोङ्गी लक्नीरङ् छ्यादु ची़प्प बेत्। ॱनी हुगो जेङ् खोङ्गी लक्नी खोङ्गी धो़ल्ल छ्यादु ची़प्प बेत्।
हज्यरङ्गी छ्यो़लुगी धो़न् हीगो तीङ् सप्पोक्म ॱह लेसी यो़प्प कुरीक्की छोर्केन् बेत्। ख्रीष्ट् कोलीमील कीन थो़न्न युङ बेत्। खोङ् धक्पर् हीम्ब धम्बे थुगी तो़म्ब बेत्। खोङ् तेङ् यी़गी भङ्ज्येम्ब घयेक्की इक् थोङ बेत्। ज्यी़त् ज्यी़त् घयेक्की घुङ्दु खोङ्गी ढीक्की केच्च्य घयेत् ॱस्येत्न टम्ब बेत्। जम्बुलीङ्गी मी गज्येङ्गी खोङ्ल छ्य स्यक्प बेत्। हुनी खोङ् तो़त्वङ्गी ओ़च्च्ये ॱसज्य इगीनल ठीक्नर बेत्।
ॱनी हुबे ॱस्येप्पे कलुङ् दी रोरङ्सो़ फेन्दोगी ढीक्ल मेम्ब, हुगो दङ् हरीङ् हज्यरङ्गी ढीक्ल धङ्बुदु को़न्ज्योक्की हुबल तो़न्न ॱस्यो़त्तु ची़प्प बेत्। ॱनी हुगो दङ् हरीङ्गी केच्च्य ॱनेम्बु हील डोगेन् बेत्। ॱनी दङ् हरीङ् हीगो ॱस्येत्न टोम्गेन् घयेत्ल तेङ् यी़नी तङे धम्बे थुगी दगु जेत्नी, हुबे खीत्रङ्ल हीगो जेङ् ॱस्येत्न यो़क्केन् बेत्। ॱनी हीगी केच्च्ये धो़न् हील तेङ् यी़गी भङ्ज्येम्ब घयेक्की इक् दो़न्दो़त् तगीन् थेप्प झ्युङ बेत्।
Sanasan