एफीसस् 2:6 - ल्होमी

⁶ ख्रीष्‍ट् येशु ॱसोम्‍बुल ॱलोङ हीम्‍बे लम्‍नी खोङ्‌गी हज्‍यरङ् अङ् हुगो डस्‍सीरङ् ॱसोम्‍बुल ॱलोङ्‌न तेङ् यी़दु ख्रीष्‍ट्‌तङ् मत् ढेब खोङ्‌दङ् दल दो़च्‍च्‍येल दो़स्‍स स्‍यक्‍न यो़क्‍केन् बेत्।

एफीसस् 2:6 Iomraidhean Croise

मत्‍ती 26:29

ङे खीत्‍रङ्‌ल ॱस्‍येत् योङ्। ह हीनी झ्‍यीब दी गोङ्‌गोङ्‌गी गोङ्‌ज्‍यङ् हीगो ङ ॱमीत् थुङ्। ङे यप्‍की ज्‍यागक्‍तु ॱलीत्‍नी, हस्‍सो़त् हुगी ङीन् दी हुदु खीत्‍रङ्‌दङ् दल गोङ्‌ज्‍यङ् ॱसम्‍ब ॱयोङ्‌म थुङ्‌गेन् सीन्‍न ॱसुङ बेत्।

लुका 12:37

ज्‍यीन्‍दक् युङे यङ्‌ल ॱङीत् मत् लोक्‍पल दो़क्‍केङ्‌गी ॱयोक्‍पु दीब ॱसोदी च्‍येम्‍म युङ्‌गेन् बेगो। ङे खीत्‍रङ्‌ल गन्‍दीय ॱस्‍येत् योङ्। खोङ्‌गी रोरङ्‌गी छ्‌येदक् दी धो दीन्‍दीक्‍म ज्‍यप्‍न ॱयोक्‍पु दीबल सम टेत्‍न स्‍यप्‍च्‍यी़ ज्‍युक्‍केन् बेत्।

युहन्‍ना 12:26

ङे ॱयोक्‍पी़ ले झ्‍यीक्‍केन् ॱसु हीन्‍न अक्, हुगो ङे लम्‍ल युङ् गोगेन् बेत्। ॱनी ङ घल फीन्‍न आक्, ङे ॱयोक्‍पु हुगो ङदङ् कङ्‌ज्‍यीक्‍ल युङ् गोगेन् बेत्। ॱनी ङल ॱसी़ स्‍यप्‍च्‍यी़ ज्‍युक्‍कुक्‍क हुल यप्‍की तो़प्‍प झ्‍यीक्‍केन् बेत्।

युहन्‍ना 14:3

खीत्‍रङ्‌ल दो़स्‍स ॱसेन स्‍यक्‍नी, हुनी ङ खीत्‍रङ् ठीक्‍तु ॱलीत् योङ्। हुनी खीत्‍रङ् ङ झ्‍यीस्‍सदु दो़च्‍च्‍ये ॱनोङ्‌गेन् बेत्।

एफीसस् 1:1

को़न्‍ज्‍योक्‍की थुल यो़प्‍पल ख्रीष्‍ट् येशुगी ठीक्‍नल ङ पावल्‍की एफीसस् सार्न यो़क्‍केन्, ख्रीष्‍ट् येशुदङ् मत् ढेब तेम्‍बर् दो़क्‍केन्, को़न्‍ज्‍योक्‍की मी चङ्‌म घयेत्‍ल हीगो ढीन तोङ्‌गो़त्।

एफीसस् 1:3

को़न्‍ज्‍योक्, हज्‍यरङ्‌गी चोव ज्‍यीन्‍दक् येशु ख्रीष्‍ट्‌की यप्‍ल यस्‍सो युङ् युङ युङ्‌ज्‍ये यो़प्‍प स्‍योक्‍च्‍यीत्। हज्‍यरङ् ख्रीष्‍ट्‌तङ् मत् ढेब यो़प्‍प घयेत्‍ल तेङ् यी़नी मल्‍ल ॱसीम्‍ल गो़बे ॱमेल्‍लम् ॱनम्‍ब गज्‍येन् खोङ्‌गी ॱनङ्‌न यो़क्‍केन् बेत्।

एफीसस् 2:10

हज्‍यरङ् को़न्‍ज्‍योक्‍की सो़बे मी बेत्। ॱनी हज्‍यरङ्‌ल झ्‍यीत्‍तु ची़च्‍च्‍येल खोङ्‌गी एल्‍लादु ठोक्‍क झ्‍यीन स्‍यक्‍पे गये ले घयेत् दी ख्रीष्‍ट् येशुदङ् मत् ढेब देत्‍न झ्‍यीच्‍च्‍ये यो़प्‍पल हज्‍यरङ् खोङ्‌गी छ्‌यादु ची़त्‍न खो़प्‍प बेत्।

एफीसस् 2:13

ॱनी हुन्‍दो ह खीत्‍रङ् हुगो डस्‍सी को़न्‍ज्‍योक्‍तङ् ज्‍यङ्‌बोक्‍म मीप्‍प बेत्। ख्रीष्‍ट्‌की ठक्‍की को़न्‍ज्‍योक्‍तङ् ङीदु सो़नी, हुनी यङ् खीत्‍रङ् ख्रीष्‍ट्‌तङ् मत् ढेबल झ्‍युङ्‌न यो़क्‍केन् बेत्।

कलस्‍सी 1:18

सी़बी़ गोदङ् छ्‌येत्‍मीत् खोङ् छ्‌यो़ छोगी गो धङ् चव खुङ् दी बेत्। ॱनी यङ् ढोङ्‌नी ॱसोम्‍बुल लोङ्‌गेन् गोम ॱएन्‍स्‍युक्‍म दी खोङ् बेत्। हुगो झ्‍यीनी खोङ् कुरीक्‍ले छ्‌यीस्‍स्‍यो धङ् थोस्‍स्‍योल थो़न्‍न यो़क्‍केन् बेत्।