एफीसस् 1:21 - ल्होमी

²¹ ॱनी ॱवङ् च्‍योङ्‌गेन्, ॱवङ् च्‍येम्‍म, ॱस्‍यीक् च्‍येम्‍म धङ् ज्‍यीक्‍पोक्‍म मीङ् छ्‌यीम्‍मु च्‍येम्‍म घयेत् हीगी धी़गी यङ्‌लरङ् यो़त्, यङ् तीङ्‌मागी धी़लरङ् युङ्‌गो़त्‍न अक्, यङ् ॱस धङ् ॱनम्‍न घनरङ् यो़त्‍न अक्, हुन्‍दुक् झ्‍यीब कुरीक्‍की थोक्‍ल ख्रीष्‍ट्‌की ॱवङ् डोगेन् बेत्।

एफीसस् 1:21 Iomraidhean Croise

मत्‍ती 12:32

कोलीमीगी ॱरेबी़ ढीक्‍ल मी ॱसी़ तम् अयेक्‍प च्‍यीक् लप्‍कुक्‍क हुगो धक्‍तु ची़त् छुगेन् बेत्। ॱनी धम्‍बे थुगी ढीक्‍ल मी ॱसी़ तम् अयेक्‍प लप्‍कुक्‍क हुगो हीगी धी़ हील अक् धक् ॱमीत् छुगेन्, ॱनी तीङ्‌मागी धी़ल अक् मीत् धक्‍केन् बेत्।

ठीक्‍नल 4:12

थर्वे लम् दी खोङ् मेन्‍द, ॱयोङ् ॱस्‍युली मीप्‍प बेत्। हज्‍यरङ् कोलीमी घयेत्‍ल छी थर्व दी खोङ्‌गी छेन्‍नी मेन्‍द, ॱस जम्‍बुलीङ्‌ल को़न्‍ज्‍योक्‍की ॱयोङ् ॱमत् ॱनङ बेत् सीन्‍न ॱस्‍येप्‍प बेत्।

एफीसस् 2:2

ॱनी हुगी यङ्‌ल खीत्‍रङ् जम्‍बुलीङ् हीगी छ्‌यलुल डीक्‍पे लेमु झ्‍यीन, को़न्‍ज्‍योक्‍की कल ॱमीत् चीगेन् घयेक्‍की घुङ्‌दु ले झ्‍यीक्‍केन्, सी़मीत् ॱलुङ्‌ल गीर्केन्, ॱनम्‍गी लेङेन् घयेक्‍की चोबो़न्, ॱवङ् च्‍येम्‍म हुगो ङो़ल यो़क्‍केन् बेत्।

एफीसस् 3:10

ॱनी हीगो, को़न्‍ज्‍योक्‍की झ्‍यी़रीक् ॱनजो तेङ् यी़गी ॱवङ् च्‍योङ्‌गेन् धङ् ॱवङ् च्‍येम्‍म घयेक्‍की इक् ॱह घोज्‍ये यो़प्‍पे ढीक्‍ल छ्‌यो़ छोगी लम्‍नी जेक्‍केन् बेत्।

एफीसस् 6:12

ॱनी हज्‍यरङ्‌दङ् थुक्‍री चीगेन् हुगो कोलीमी मेम्‍ब, ॱवङ् च्‍योङ्‌गेन् घयेत्, ॱवङ् च्‍येम्‍म घयेत्, जम्‍बुलीङ्‌गी मेन्‍नक् ङो़गी चोबो़न् घयेत् धङ् ॱलुङ्‌ल गीर्केन् ॱनो़प्‍प अयेक्‍प घयेत् हुब बेत्।

कलस्‍सी 2:10

ॱनी खीत्‍रङ् खोङ्‌दङ् मत् ढेब यो़क्‍केन् झ्‍यीनी, खीत्‍रङ्‌ल आक् छङ्‌न युङ्‌गेन् बेत्। ॱवङ् च्‍योङ्‌गेन् धङ् ॱवङ् च्‍येम्‍म घयेत् कुरीक्‍की थोक्‍ल खोङ्‌गी ॱवङ् डोगेन् बेत्।

कलस्‍सी 2:15

ख्रीष्‍ट्‌की ले हुगी ॱवङ् च्‍योङ्‌गेन् धङ् ॱवङ् च्‍येम्‍म घयेत्‍ले को़न्‍ज्‍योक् ज्‍यला थो़न्‍न हुब घयेक्‍की छो़न्‍ज्‍य घयेत् दी ठोन हुब घयेत्‍ल ॱम पप्‍न फम्‍दु ची़प्‍प बेत्।

हीब्रु 1:4

खोङ्‌ल ताबे छेन् हुगो तेङ् यी़गी भङ्‌ज्‍येम्‍ब घयेक्‍की मीङ्‌ले गज्‍येङ्‌गी छ्‌यीया यो़क्‍केन् दी डस्‍सी खोङ् हुबले गज्‍येङ्‌गी छ्‌यीया यो़क्‍केन् बेत्।

हीब्रु 2:5

ङीक्‍की सीक्‍केन् तीङ्‌ला युङ्‌गेङ्‌गी जम्‍बुलीङ् हुगो च्‍योङ्‌गेन् दी को़न्‍ज्‍योक्‍की खोङ् रोरङ्‌गी तेङ् यी़गी भङ्‌ज्‍येम्‍ब घयेत् मीत् स्‍योक्‍प, कोलीमी घयेत् स्‍योक्‍केन् बेत्।

हीब्रु 4:14

इगी तेङ् यी़ल ते झ्‍यो़न्‍न स्‍युगेन्, को़न्‍ज्‍योक्‍की ॱरेबु येशु, हज्‍यरङ्‌गी छ्‌यो़प्‍पो़न् चो छ्‌यीस्‍स्‍यो दी बेत्। हुगो झ्‍यीनी हज्‍यरङ्‌गी बेत् सीन्‍न सीक्‍केङ्‌गी छ्‌यो़लु हील थीरी देत्‍तोङ्‌ज्‍यीत्।

१ पत्रुस् 3:22

येशु तेङ् यी़ल झ्‍यो़न्‍न को़न्‍ज्‍योक्‍की ॱये छ्‌योदु स्‍युन, खोङ्‌ल ॱवङ् की़न् झ्‍युङ्‌न यो़क्‍केन् बेत्। हुनी खोङ्‌गी ॱवङ्‌गी होक्‍ल तेङ् यी़गी भङ्‌ज्‍येम्‍ब घयेत् धङ् इगीन यो़प्‍पे ॱस्‍यीक् धङ् ॱवङ् च्‍येम्‍म घयेत् कुरीक् यो़क्‍केन् बेत्।