हीगी मीमङ् हीबे ॱसीम् दी म दीरङ् गट्टक्प खुर्नी, हीबे आम्ज्योक् दी इक् गानर, ॱमीक् दी इक् छुमीय यो़क्केन् बेत्। हीबे ॱसीम् दी गट्टक्प मीत्न ॱनी, स्येन् हीबे ॱमीक्की थोङेत् क ॱनी। हीबे आम्ज्योक्की नेम्ब दी इक् ॱह घोयेत् क ॱनी। हुनी हीब ङ च्याल लोक्न युङ्न ङे हीब ढक्तु ची़प्पेत् क ॱनी सीन्न को़न्ज्योक्की ॱस्येप्प थो़ङ्गेन् बेत्। (यशैया ६:९-१०)
एफीसस् 1:18 - ल्होमी18-19 को़न्ज्योक्की खीत्रङ् घन्दुक् झ्यीबे रीगोल भो़ब बेक्क, खोङ्गी मी चङ्म घयेत्ल घन्दुक् झ्यीबे तो़प्प च्येम्मे थर्वे फक् स्यक्न यो़प्प बेक्क, हज्यरङ् छ्य स्योक्केन् घयेक्की घुङ्दु ले जेक्केन् खोङ्गी ॱस्यीक् दी घन्दुक्मे छ्यीय यो़प्प बेक्क हुगो खीत्रङ्गी ॱसीम्गी ॱमीक् दी भीन थोङ्ज्ये यो़प्प तोङ् सीन्न ॱसुव तप् तब झ्यीक्को़त्। Faic an caibideil |
एफीसस् 1:18
49 Iomraidhean Croise
ॱनी ङीक्की तम्ल नेङ्गेन् उन भुमु लीडीया सीक्केन् च्यीक् यो़प्प बेत्। हुगी ले दी खुङ् थोन्दीक्मे घुलक् ॱमुक्लोक्प चोङ्गो़प्प बेत्। हुगो को़न्ज्योक्ल धेप्प मो़ब झ्यीक्केन् थीयाटीरा सार्की मी हीङ्गो़प्प बेत्। ॱनी हुगी ॱसीम्बे ॱमीक् दी चोव ज्यीन्दक्की भीदु ची़त्नी, हुनी पावल्की ॱस्येप्पे तम्ल हुगी नेन्न युङ बेत्।
हुब घयेक्की ॱसीम्बे ॱमीक् दी भीदु ची़त्न मेन्नक्नी मेङ्गल, शैतान्गी लक्नी को़न्ज्योक् ङो़ल युङ्ज्येल धङ् ङल छ्य स्यक्पे लम्नी दीक्प घयेत् धक्न को़न्ज्योक्की धक्पर् हीम्बल सो़बे मी घयेक्की घुङ्दु हुब घयेत् युङ् छुज्ये यो़प्पल ङे रङ् हुब घयेत् च्याल तोङ्गेन् सीन्न ॱङाज्युङ्।
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
एल्ला ॱमत् तो़म्बे ॱङीङ्बु चा छ्यीम्मी़ केच्च्य हीगो ज्यी़त् ज्यी़त् घयेत्ल तो़न्ज्ये ॱनो़ब को़न्ज्योक्की थुल झ्युङ बेत्। हीगी केच्च्ये ॱङीङ्बु दी ख्रीष्ट् खीत्रङ्गी नङ्ल स्युन यो़क्केन् दी बेत्। हुगो झ्यीनी खीत्रङ्ल आक् इगीगी तो़त्वङ् च्येम्मे ओ़च्च्य झ्यीस्सल ॱलीक्केङ्गी रीगो यो़क्केन् बेत्।
हुब डस्सी मेम्ब, हज्यरङ् ङीम्मु मेङ्गे छ्योल यो़क्केन् झ्यीनी, ॱसीम् ॱनो़जो़त् घङ्बी़ ॱवङ्ल ॱमत् तङ दो़त् गोगेन् बेत्। हज्यरङ्गी छ्य स्यक्प दी धङ् झ्यम्सीम् दी ॱमक्मीगी ढङ्गोक् छ्योप्केन् च्यागी घो़ घो़म्ब डस्सी युङ् गोगेन् बेत्। ॱनी छी थर्व युङे रीगो दी ॱमक्मीगी गोल छ्योप्केन् च्यागी स्यमुङ् घो़म्ब डस्सी युङ् गोगेन् बेत्।
ॱनी हुगो डुप्च्ये यो़प्पल ङीत् छीगङ् खीत्रङ्गी ढीक्ल ॱसुव तप् तब झ्यीक्को़त्। को़न्ज्योक्की ॱस्यीक् ॱङीत्न, खीत्रङ्गी झ्यीच्च्ये ॱनो़बे गये ले घयेत् दी धङ् छ्य स्यक्पे लम्गी ले घयेत् दी कुरीक् डुप्न, हज्यरङ्गी को़न्ज्योक्की खीत्रङ् भो़ब हीम्ब दी ओ़ब युङ्ज्ये यो़प्प तोङ्।
छ्य स्यक्पे लम् दील रङ् खेजो़त् झ्यीन दुर्न ज्ये छुब झ्यीज्यीत्। एल्ला रङ्गी मी गज्येङ्गी दोङ्दु दीम्बरङ् छ्य स्योक्केन् हीन् सीन्न केच्च्य गस्सी ॱस्यो़प्पे यङ्ल रङ्ल थोप्न यो़प्पे फु तक्पे छी दी सुङ् सुङ झ्यीज्यीत्। को़न्ज्योक्की भो़च्च्ये दी इक् रङ् हीगी ढीक्लरङ् बेत्।
तेङ् यी़नी मक्की छ्यो़मल चक्की तेन, ॱसीम्ल नम् लोङ्न, धम्बे थु थोप्न, को़न्ज्योक्की ॱसुङ्रप् गस्सी हीम्ब छोर्न तीङ्मागी धी़गी यङ्ल युङ्गेन् ॱस्यीक् छ्यीम्मी़ ले घयेत् ज्यी़ यो़क्केन्, हुन्दुक् झ्यीबे मी घयेत् हुबे रोरङ्सो़ धेप्प दी ॱलो़ तङ्न यो़त्न ॱनी, फीच्च्य हुब ॱसीम् ज्युर्न ॱङर् डस्सील ॱलोक् ॱमीत् छुगेन् बेत्। घन्ड हीन् सीन्न हुन्दुक् झ्यीबे ले हुगो को़न्ज्योक्की ॱरेबु रोरङ्सो़ फीच्च्य यङ् कुरुस्ल तान ॱम पोप्केन् हीम्बल डोगेन् बेत्।
हज्यरङ्गी चोव ज्यीन्दक् येशु ख्रीष्ट्की यप् को़न्ज्योक्ल यस्सो युङ् युङ युङ्ज्ये यो़प्प स्योक्च्यीत्। घन्ड हीन् सीन्न खोङ्गी थुज्यी छ्यीम्मु जेत्न येशु ख्रीष्ट् ढोङ्नरनी ॱसोम्बुल ॱलोङ हीम्बे लम्नी हज्यरङ्ल रीगो ॱङो़न्ने दी थोबल खोङ्गी ॱसीम् ॱसम्ब झ्युङ्दु ची़प्प बेत्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
Sanasan