एफीसस् 1:13 - ल्होमी13 खीत्रङ्गी इक् हुगो डस्सी थर्वे दीम्बे केच्च्य ॱनेम्बुल छ्य स्यक्न यो़क्केन् बेत्। हुनी को़न्ज्योक्की छ्यो़त्तुम् जेप्पे धम्बे थु खीत्रङ्ल ॱनङ्न खीत्रङ्गी ॱसीम्ल ङोत्ताल झ्युङ्न यो़क्केन् बेत्। Faic an caibideil |
एफीसस् 1:13
38 Iomraidhean Croise
ॱनी लेन् च्यीक् खोङ् थो़न्न हुबदङ् कङ्ज्यीक्ल सम सये यङ्ल खोङ्गी हुबल हीन्दुक् सीन्न तम् ॱङाब बेत्। ङे यप्की खीत्रङ्ल टो़प्पे छ्यो़त्तुम् झ्यीब दी नम् डुप् डुप् थुक्ल खीत्रङ् यरुशलेम् हीनी घल अक् मत् डोव, हीदुरङ् गुन दो़च्च्यीत्। हीगी छ्यो़त्तुम् हीगी ढीक्ल ङे एल्लादु उक् खीत्रङ्ल ॱस्येप्पेन्।
यहुदीगी दक् ज्यक्पे लुस मीप्पे यङ्नीरङ् छ्य स्यक्पे लम्नी अब्राहाम् ॱनम्बर् धक्पल खुङ् झ्युङ हीन् धङ् मेल्ल थीजीदङ् छ्येत्मीत्ल यहुदीगी दक् हुगो तीङ्ला ज्यब बेत्। हीगो झ्यीनी दक् मत् ज्यबे मी ॱसु ॱसु छ्य स्यक्पे लम्नी ॱनम्बर् धक्पल झ्युङ को़न्ज्योक्की थोङ्गुक्क हुब घयेक्की पुबुल हस्सो़त् अब्राहाम् ॱनेगेन् बेत्।
ङीक्की हुदु ॱस्येप्पे केच्च्य दील खीत्रङ्गी हीगो मी केच्च्य मेम्ब, को़न्ज्योक्की ॱसुङ्स्येत् बेत् ॱनो़ब ॱसम्न नेन्सोङ्। ॱनी हुगो खुङ्देन् को़न्ज्योक्की ॱसुङ्स्येत् दीरङ् बेत्। ॱनी हीगी खीत्रङ् छ्य स्योक्केन् घयेक्की ॱसीम्ल फेन् थोगेङ्गी ले डुप्केन् बेत्। हीगी ढीक्ल अक् ङीक्की को़न्ज्योक्ल छीगङ् थु छ्यी पु पुब झ्यीक्को़त्।
ॱनी हीन्न अक्, को़न्ज्योक्की ॱसप्तेन् तीङ दी तेम्बोक्म यो़क्केन् बेत्। हुल हीन्दुक् झ्यीबे इक्टी़ पर् थो़त्न यो़क्केन् बेत्। खोङ् रोरङ्गी मी दी ॱसु ॱसु हीन्दङ् हुगो चोव ज्यीन्दक्की ङु ॱस्यीगेन् बेत् सीर धङ् (ढङ्ज्युक् १६:५) चोव ज्यीन्दक्की छेन् डेन् ज्यक्केन् दी ॱसु दुक्क हुगी मत् ढङागी ढङ् घयेत् फोङ्ज्यीत् सीर यो़क्केन् बेत्।
हीगो झ्यीनी ॱनी दङ् हरीङ् हज्यरङ्गी ॱह घोवे नुक्मे चा छ्यीये थर्वे केच्च्यल हज्यरङ्गी आम्न मत् झ्यीन ॱनी, घन्दुक् दी झ्यीन हज्यरङ्ल फोक्केङ्गी छ्येप्प हुनी थर्केन्? हीगी थर्वे केच्च्य हीगो गोम ॱएन्स्युक्ल ॱसुङ्गेन् दी चोव ज्यीन्दक् खोङ् रोरङ् बेत्। ॱनी हीगो ॱह घोगेन् घयेक्की ङीत्ल धक्पर् हीम्ब ॱस्येत्न यो़क्केन् बेत्।
हीनी यङ् तेङ् यी़गी भङ्ज्येम्ब ॱयोङ्म च्यीक् जम्बुलीङ्गी ॱस्यर् ङो़नी यल्ल थो़म्ब ङे थोङ्ज्युङ्। ॱनी हुगी लक्ल ॱसोम्बु हीम्बे को़न्ज्योक्की थीजी ज्यक्च्येम च्यीक् खुर्न दुक्। ॱनी जम्बुलीङ्ल धङ् छ्यु ज्यम्जो छ्यीम्मुल च्यो़न् तोङ्ज्येमे ॱवङ् खुरे हुगी तेङ् यी़गी भङ्ज्येम्ब स्यीबु दील हुगी च्यीक्पु दीगी केत् छ्यीम्मु तो़न्न
Sanasan