एफीसस् 1:11 - ल्होमी11 खोङ् रोरङ्गी थुल यो़प्पे ढो़ल डीक्पे लेमु छीगङ् जेक्केङ्गी को़न्ज्योक्की ङीत् घयेत् ख्रीष्ट्तङ् मत् ढेब युङ्ज्ये यो़प्पल गोमनीरङ् ॱमीन खोङ्गी मीस्सीर्ल खो़च्च्ये यो़प्पल जेत्न यो़क्केन् बेत्। Faic an caibideil |
एफीसस् 1:11
40 Iomraidhean Croise
हुब घयेक्की ॱसीम्बे ॱमीक् दी भीदु ची़त्न मेन्नक्नी मेङ्गल, शैतान्गी लक्नी को़न्ज्योक् ङो़ल युङ्ज्येल धङ् ङल छ्य स्यक्पे लम्नी दीक्प घयेत् धक्न को़न्ज्योक्की धक्पर् हीम्बल सो़बे मी घयेक्की घुङ्दु हुब घयेत् युङ् छुज्ये यो़प्पल ङे रङ् हुब घयेत् च्याल तोङ्गेन् सीन्न ॱङाज्युङ्।
हुब ॱङीबु छीरुक् बेत्। ढोप्पे नङ्दु यो़प्पे यङ्ल हुबे गा आक्पा घन्ड अक् मत् झ्यीबे यङ्लरङ् को़न्ज्योक्की रीबेक्काल गेम्बा दीगी स्यो़म्बा दील स्यप्च्यी़ ज्युक्केन् बेत् सीन्न को़न्ज्योक्की ॱसुङ थो़ङ्गेन् बेत्। (छ्यारप् २५:२३) ॱनी हुगो झ्यीनी हुबे लेगी मेम्ब, हीगो खोङ्गी थुल ॱमीन भो़बे ढो़ हीम्बल डोगेन् बेत्।
को़न्ज्योक्की हीन्दुक्रङ्ल ॱनङे छ्यो़त्तुम् जेप्प दी छ्यो़डीम्गी कल चीन युङे लम्नी थोप्को़त्न ॱनी, खोङ्गी छ्यो़त्तुम् जेप्प हुगो मीत् गो़ब, घो ॱमीत् छ्यो़त्ल डोगेन् बेत्। ॱनी को़न्ज्योक्की अब्राहाम्ल ॱनङे छ्यो़त्तुम् जेप्प हुगो छ्यो़डीम्गी कल चीये लम्नी मेम्ब, हीन्दुक्रङ्ल ॱनङ बेत्।
हज्यरङ् मीस्सीर् घयेत् दक्पु जेक्केन् को़न्ज्योक्की हज्यरङ् घयेत्ल थर्वे फक् दीम्बरङ् थोप्केन् हीम्बे ढीक्ल धम्बे थु हज्यरङ् हीनी तीङ्ला ॱली़न डोये यङ्गी धी़ थुक्ल बयीनाल ॱनङ्न यो़क्केन् बेत्। ॱनी हीगो को़न्ज्योक्ल तो़त्न, खोङ्ल तो़त्वङ् दी हरुङ् ज्यीक्तु युङ्ज्ये यो़प्पे ढीक्ल बेत्।
को़न्ज्योक्की खीत्रङ् घन्दुक् झ्यीबे रीगोल भो़ब बेक्क, खोङ्गी मी चङ्म घयेत्ल घन्दुक् झ्यीबे तो़प्प च्येम्मे थर्वे फक् स्यक्न यो़प्प बेक्क, हज्यरङ् छ्य स्योक्केन् घयेक्की घुङ्दु ले जेक्केन् खोङ्गी ॱस्यीक् दी घन्दुक्मे छ्यीय यो़प्प बेक्क हुगो खीत्रङ्गी ॱसीम्गी ॱमीक् दी भीन थोङ्ज्ये यो़प्प तोङ् सीन्न ॱसुव तप् तब झ्यीक्को़त्।
ङे झ्यम्बे पी़न्ज्यासो, हीगो ॱह घोव झ्यीज्यीत्। छ्य स्यक्न युङे लेमुल छ्युक्पु युङ्ज्ये यो़प्प धङ् को़न्ज्योक्की खोङ् रोरङ्ल झ्यम्ब यो़प्प च्येम्म घयेत्ल टो़प्पे छ्यो़त्तुम् जेप्पे ज्यागक्की फक् दी थोप्च्ये यो़प्पल जम्बुलीङ्गी टङ्बु हीन्दोक्प च्येम्म घयेत् खोङ्गी दम्ब मेम्बेक्क ॱनी?
Sanasan