हीगी ढीक्ल चोव ज्यीन्दक्तङ् मत् ढेब, तेम्बर् यो़क्केन् ङे झ्यम्बे भु तीमोथी खीत्रङ् च्याल तोङ्गेन्। ॱनी रोगी खीत्रङ्ल हुदु ख्रीष्ट् येशुदङ् मत् ढेबल यो़प्पे ङे मीजीगी छ्यलु घयेत् दी ॱस्येत्न, हुदु खीत्रङ्ल धङ् छ्यो़ छो ॱयोङ् ॱयोङ्ल ङे ॱलोप्स ज्यब घयेत् दी ढेन्सो़ ॱलोङ्गेन् बेत्।
कलस्सी 4:8 - ल्होमी8 ॱनी खीत्रङ्ल हीगो ॱस्यो़च्च्ये युङल धङ् खीत्रङ् घयेत्ल ॱलोप्स्यीक् टो़च्च्येल टैकीकस् तोङ्गेन्। Faic an caibideil |
कलस्सी 4:8
16 Iomraidhean Croise
ङीक्की खीत्रङ् रीदङ् रील पबे भीजल तेबे लेमु डस्सी झ्यीबेन्। को़न्ज्योक्की खोङ् रोरङ्गी ज्यागक् धङ् तो़त्वङ्गी ओ़च्च्य च्येम्मे ॱसज्यल खीत्रङ् भो़ब बेत्। हुगो झ्यीनी खोङ् थु गुवे लम्ल खीत्रङ् डोवल ओ़ब युङे लेमु झ्यीन युङ्ज्ये यो़प्पल ङीक्की छीगङ् खीत्रङ्ल ॱलोप्स ज्यप्न ॱलोप्स्यीक् टेप्पेन्। ॱनी हीगो कुरीक् खीत्रङ्लरङ् ॱस्यो़च्च्ये यो़क्केन् बेत्।
ख्रीष्ट्की ढीक्की केच्च्य ॱनेम्बु टोम्गेन् को़न्ज्योक्की ले झ्यीक्केन् ङीक्की छ्यीट्टो हज्यरङ्गी पी़न्ज्या तीमोथी तोङ्ज्ये दी खीत्रङ्ल नोङे दुक्प हुल खीत्रङ् योक् ठी़त् मीप्प दो़त् छुज्ये यो़प्पे ढीक्ल, खीत्रङ्गी छ्य स्यक्प दी डम्दु सोदु धङ् ॱलोप्स्यीक् टो़त्तु सीन्न तङेन्। म दी हज्यरङ् हुन्दुक् झ्यीबे दुक्प नोङ्ज्येगी ढीक्ल अक् खो़प्प बेत्। हीगो खीत्रङ्ल ॱस्यो़च्च्ये यो़क्केन् बेत्।
ॱनी पी़न्ज्यासो, खीत्रङ्ल हरुङ् ॱलोप्स ज्यक्केन् हीनो। खीत्रङ् नङ्दु ॱअर्स्यीय गीर्च्यम् ॱस्यो़क्केन् घयेत्ल लप्स्य तोङ्ज्यीत्। ॱङीङ् च्युङेत्मु च्येम्म घयेत्ल ॱलोप्स्यीक् टो़च्च्यीत्। ॱलोप्स्यीक् मीप्पे मी योक् योक्म घयेत्ल रोरम् झ्यीज्यीत्। मी कुरीक्तङ् ङङ्रीन् झ्यीज्यीत्।
Sanasan