कलस्‍सी 4:6 - ल्होमी

⁶ ॱयोङ्‌दङ् लबे यङ्‌ल खीत्‍रङ्‌गी केच्‍च्‍य दी ॱनेम्‍बोक्‍म छ ढोव डस्‍सी ॱनेन्‍ज्‍य च्‍येम्‍म लप्‍च्‍यीत्। हुब री रील घन्‍दुक् झ्‍यीन तम्‍लेन् ॱलोक् गोगेन् बेक्‍क हुगो खीत्‍रङ्‌गी ॱस्‍यीब झ्‍यीज्‍यीत्।

कलस्‍सी 4:6 Iomraidhean Croise

मत्‍ती 5:13

जम्‍बुलीङ्‌दु खीत्‍रङ् छ डस्‍सी युङ्‌गेन् बेत्। छे ढुव दी येन खुर्न ॱनी, हुगो यङ् घन्‍दुक् झ्‍यीन छगुवल सोगेन् ॱनी? हुगो घो ॱमीत् छ्‌यो़त्‍ल टप्‍नर बेत्। हुल कङ्‌लीप् दोलीप् झ्‍यी तङ्‌न आक्, डीक् डोगेन् बेत्।

मर्कुस् 9:50

छ हुगो स्‍येन् गङ्‌ज्‍येन् बेत्। ॱनी हीन्‍न अक्, छे ढुव दी येन खुर्न ॱनी, हुगो यङ् घन्‍दुक् झ्‍यीन छगुवल सोगेन् ॱनी? खीत्‍रङ् छदङ् छ्‌येत्‍मीत् युङ झ्‍यीज्‍यीत्। खीत्‍रङ् नङ्‌दु छ्‌यम्‍ब डीक्‍प झ्‍यीन दो़च्‍च्‍यीत् सीन्‍न ॱस्‍येप्‍प बेत्।

लुका 4:22

ॱनी हुगी मी दीब खोङ्‌ल गस्‍सी छोर बेत्। खोङ्‌गी ॱसुङे केच्‍च्‍य दील ॱनेन्‍सी छोर्न ॱह लेब बेत्। ॱनी हीन्‍न अक्, हुबे यङ् रोरङ्‌सो नङ्‌दु हुबे हीगो युसुफ्‌की भु मेम्‍बेक्‍क ॱनी? झ्‍यीब बेत्।

एफीसस् 4:29

खीत्‍रङ्‌गी खनी मत् ओ़बे तम् घन्‍ड अक् ॱमत् थो़न्‍ज्‍यीत्। नेङ्‌गेल्‍ल फेन् थोब धङ् हुल गो़बे घो छ्‌यो़प्‍पे तम् ॱनेम्‍बोक्‍म लप्‍च्‍यीत्।

कलस्‍सी 3:16

ख्रीष्‍ट्‌की केच्‍च्‍य छङ्‌म खीत्‍रङ्‌गी ॱसीम्‍बे नङ्‌दु धो़ल्‍ल ङाब झ्‍यीज्‍यीत्। हुनी को़न्‍ज्‍योक्‍की ढीन् ॱसम्‍न ॱसुङ्‌रप्‍की गुल्‍लु, तो़त्‍लु धङ् धम्‍बे थुगी ॱनङे ॱलु ॱसीम्‍बे यीक्‍नी लीन्‍न खोङ्‌ल पुज्‍यीत्। हुनी खेजो़त् झ्‍यीन ॱलप्‍न च्‍यीक्‍तङ् च्‍यीक्‍ल फेम्‍बे ॱलोप्‍स ज्‍योप्‍च्‍यीत्।

१ पत्रुस् 3:15

बोर खीत्‍रङ्‌गी ॱसीम्‍बे यीक्‍नी ख्रीष्‍ट् चोव ज्‍यीन्‍दक् हीन् ॱनो़ब ॱसम्‍ज्‍यीत्। ॱनी खीत्‍रङ्‌ल यो़प्‍पे रीगोगी धो़न् दी मी ॱसी़ नम् ढीदु युङ्‌न अक्, हुगोल खीत्‍रङ् ॱस्‍यो़त् छ्‌योक् झ्‍यीन दो़च्‍च्‍यीत्।