कलस्सी 2:9 - ल्होमी9 ख्रीष्ट्ल को़न्ज्योक्की थुरीक् छङ्म छङ्न यो़क्केन् बेत्। Faic an caibideil |
कलस्सी 2:9
20 Iomraidhean Croise
ॱनी हुगी ॱसुङ्स्येत् दी क कोलीमील कीन युङ्न हज्यरङ् मी घयेक्की घुङ्दु स्युब बेत्। खोङ् म दीरङ् यप् को़न्ज्योक्की ॱरेबु च्यीगी च्यीक् हीम्ब खोङ्ल यप्की तो़त्वङ् छ्यीम्मु ॱनङ्न यो़प्प ङीक्की थोङ्ज्युङ्। खोङ्ल यप् च्यानी झ्युङे थुज्यी धङ् दीम्ब छङ्न यो़प्प ङीक्की ॱस्यीज्युङ्।
ॱनी हुब घयेत् कुरीक् ॱसीम् च्यीक् डस्सी युङ्ज्ये यो़प्प तोङ्। पबरङ् ङदङ् मत् ढेब, ङ पबरङ्दङ् मत् ढेब यो़प्प डस्सी हुब घयेत् एत् हज्यरङ्दङ् मत् ढेब दो़च्च्ये यो़प्प तोङ्। हुगो झ्युङ्नी क, नीज्यरङ्गी ङ तङ्न युङ हीम्ब दी जम्बुलीङ्गी मी घयेक्की ॱह घोन हीगोल छ्य स्योक् छुगेन् बेत्।
हज्यरङ्गी छ्यो़लुगी धो़न् हीगो तीङ् सप्पोक्म ॱह लेसी यो़प्प कुरीक्की छोर्केन् बेत्। ख्रीष्ट् कोलीमील कीन थो़न्न युङ बेत्। खोङ् धक्पर् हीम्ब धम्बे थुगी तो़म्ब बेत्। खोङ् तेङ् यी़गी भङ्ज्येम्ब घयेक्की इक् थोङ बेत्। ज्यी़त् ज्यी़त् घयेक्की घुङ्दु खोङ्गी ढीक्की केच्च्य घयेत् ॱस्येत्न टम्ब बेत्। जम्बुलीङ्गी मी गज्येङ्गी खोङ्ल छ्य स्यक्प बेत्। हुनी खोङ् तो़त्वङ्गी ओ़च्च्ये ॱसज्य इगीनल ठीक्नर बेत्।
को़न्ज्योक्की ॱरेबु झ्यो़न्नी क, हस्सो़त् हज्यरङ्ल दीम्बरङ्गी को़न्ज्योक् ङु ॱस्यीज्ये यो़प्पे ॱसीम् ॱनङ हीम्ब हज्यरङ्ल ॱस्यो़च्च्ये यो़क्केन् बेत्। हज्यरङ् दीम्ब ङो़ल खोङ्गी ॱरेबु येशु ख्रीष्ट्तङ् मत् ढेब यो़क्केन् बेत्। ॱनी खोङ् क दीम्बरङ्गी को़न्ज्योक् दी धङ् फु तक्पे छी दी बेत्।
Sanasan