कलस्सी 2:8 - ल्होमी8 खीत्रङ्ल मी यो़च्चो़क्की रोरङ्सो़ धो़र्रीक् हीन्दोक्पे धो़म्मीक्की छ्यो़लु ॱलबे ॱयोङ्गोर्ल खीत्रङ् छ्यी़ज्ये मीप्पे ढीक्ल च्यङ्जो़त् झ्यीन दो़च्च्यीत्। हुगो ख्रीष्ट् ङो़गी मेम्ब, एल्लानीरङ् कोलीमी ॱलप्न युङे टो घयेत् धङ् जम्बुलीङ् ङो़गी लेमी़ केच्च्य घयेत् बेत्। Faic an caibideil |
कलस्सी 2:8
38 Iomraidhean Croise
हीनी इपीकुरी सीक्केन् धङ् इस्तोइकी सीक्केन् छ्योगी झ्यी़रीक् च्येम्मे चयेलम यरी पावल् च्येल्ल युङ्न हुबदङ् पावल् केच्च्य थुक्री चीय बेत्। ॱनी हुब यरीगी हीगी पोयोब हीगी घन्डे तम् लप्कुक्क? सीन्न ढीब बेत्। ॱनी यरीगी यङ् हीगी ॱल्ह ॱयोङ्मा ॱयोङ्मागी केच्च्य ॱस्यो़क्को़प्प डयेत् सीन्न झ्यीब बेत्। घन्ड हीन् सीन्न पावल्की येशुगी ढीक्की केच्च्य धङ् ॱस्यीनी यङ् ॱसोम्बुल लोङ्गेङ्गी केच्च्य ॱनेम्बु ॱस्येप्प हीङ्गो़प्प बेत्।
पी़न्ज्यासो, खीत्रङ्ल ङ ॱलोप्स हीगो ज्यक्केनो। खीत्रङ्गी उन छुङ्न दो़त्तु ॱमीत् ची़क्केन्, पोङ्ज पोङ्जल भीदु ची़क्केन्, ॱयोङ्गी धेप्पल भर्च्येत् तोङ्गेन् हुब घयेत्तङ् च्यङ्जो़त् झ्यीन दो़च्च्यीत्। हुबे ॱलोप्स हुगो खीत्रङ्गी एल्ला घोवे ॱलोप्सल मीत् डीक्केन् बेत्। हुबदङ् भीन दो़च्च्यीत्।
तेङ् यी़गी भङ्ज्येम्ब घयेत्ल धेप्प झ्यीक्केन् ॱनोम्ज्युङ् हीन्दोक्पे मी ॱसी़ खीत्रङ्ल हीगो डस्सी मीत् झ्यीप्पेत् सीन्न खीत्रङ्गी गोल थो़न्न च्यो़न्स्यो़त् ॱस्यो़त्तु युङ्गुक्क हुगो घन्ड अक् मेम्बेत् ॱनो़ब ॱसम्ज्यीत्। हुगी रोरङ्गी थोङ्नङ् घयेत्ल ॱसम्न, रोरङ्गी ॱसीम्बे ॱनोक्सम्ल ॱस्योर्न गो बो़न धो़म्मीक्की तम्दो़त् ॱस्यो़क्केन् बेत्।
मीत् डीक्केङ्गी ॱलोप्स यो़च्चो़त् ज्यबल नेन्न खीत्रङ् ॱमत् छ्यी़ज्यीत्। समे ढीक्ल यो़प्पे क घयेत्ल चीन युङे लम्नी हज्यरङ् डम्दु मीत् डोगेन् बेत्। हज्यरङ् डम्दु दील को़न्ज्योक्की थुज्यी ॱनङ्नी क, हस्सो़त् युङ्गेन् बेत्। हुन्दुक् झ्यीबे कल चीन युङे मी घयेत्ल हुगी फेन् ॱमत् थोब बेत्।
घन्ड हीन् सीन्न खीत्रङ्गी पुबु ॱमुमी़ च्यानी युङे धो़म्मीक्की टो घयेत्नी खीत्रङ् को़न्ज्योक्की ॱली़ब बेत्। ॱनी हीगी ॱलुरीन् दील फु ॱमीत् तक्केङ्गी ढङ् ॱसीर् धङ् ॱङु मेम्ब, नक्पी़ जी च्यो़न् मीप्पे लुक्टुक् ख्रीष्ट्की ठक् रीम्बुर् छ्यी दी बेत्। हीगो खीत्रङ्ल ॱस्यो़च्च्ये यो़क्केन् बेत्।
Sanasan